Te fundit
Krahasimi me zgjedhjet 2013/ Si ka lëvizur numri i deputetëve, qarqet që bënë diferencën për PS, PD, LSI e PDIU. Ja surprizat
28 Qershor 2017, 10:38Politika
TEMA
Partia Socialiste, si fituese e zgjedhjeve të 25 qershorit, ka rritur numrin e mandateve në qarqet kryesore të vendit, krahasuar me zgjedhjet e fundit parlamentare, ato të 2013, shkruan sot “Panorama”, duke bere nje analize krahasuese te rezultateve.
Në qarkun e Tiranës, socialistët u rritën me 2 mandate, nga 16 ka fituar 18 mandate, ndërsa Partia Demokratike ka përsëritur rezultatin e katër viteve më parë, 11 mandate.
Me rritje në Tiranë është edhe Lëvizja Socialiste për Integrim, e cila nga 3 mandate në 2013-n, ka fituar 5 mandate. Reforma territoriale ka dëmtuar Partinë Demokratike.
PD ka humbur një deputet në Kukës, për shkak të uljes së numrit të mandateve. Edhe në Korçë, mandati i 5-të që PD ka marrë në 2013, i është hequr për shkak të lëvizjes demografike, si edhe në Berat, duke e çuar në tri mandate PD-në.
Në Vlorë, ku kandidon dhe kryetari i PS-së, Edi Rama, Partia Socialiste është rritur me dy mandate, nga 6 mandate në 2013-n, në 8 mandate më 25 qershor.
Demokratët kanë ruajtur tri mandate deputetësh, po aq sa kishin edhe në 2013 n. Edhe LSIja ka ruajtur rezultatin e katër viteve më parë, ndërsa PDIU ka humbur mandatin që kishte katër vjet më parë.
Qarku i dytë më i madh në vend, pas Tiranës, Fieri, ka një rritje në mandate për Partinë Socialiste, nga 9 në 2013-n, në 10 mandate. I sigurt se do të fitonte edhe mandatin e 10-të, numri dy i PS-së, Gramoz Ruçi, e vendosi emrin e tij të 9in në listën e socialistëve në këtë qark.
Ndërsa Partia Demokratike nuk ka ndryshim krahasuar me 2013 n. Ajo ka ruajtur tri mandate edhe në 2017n. Gjithashtu edhe LSI në Fier ka marrë 2 mandate, aq sa dhe në 2013 n.
PDIU ka humbur mandatin që kishte fituar në 2013n. Qarku i Elbasanit ka zhvillime interesante elektorale. Socialistët kanë shtuar një mandat, nga 6 në 7, ndërsa demokratët kanë humbur një mandat, nga 4 deputetë në 2013n në 3 deputetë sot.
Por me rritje vjen Partia Drejtësi, Integrim dhe Unitet, e cila ka dyfishuar mandatet, nga 1 në 2 deputetë. Lëvizja Socialiste për Integrim ka mbajtur dy mandate, aq sa kishte fituar edhe në 2013-n, duke treguar stabilitet.
Edhe në qarkun e Durrësit socialistët e kanë rritur numrin e mandateve, nga 6 në 8 mandate, ndërsa demokratët kanë marrë 4 mandate, aq sa në 2013.
2 komente në “Krahasimi me zgjedhjet 2013/ Si ka lëvizur numri i deputetëve, qarqet që bënë diferencën për PS, PD, LSI e PDIU. Ja surprizat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Më duket se PS në Tiranë mori 18 mandate dhe jo… 17, sa thotë “analiza”. Apo gaboj?
Po mo Analist, ashtu shkruhet, 18 dhe jo 17. Nuk e pe ti? Te shikojme nese e mban 18 po t’i jepet Idrizit nga Komisioni Qendror???