Te fundit
Zgjedhjet në PD/ Mustafaj zbulon prapaskenat: Basha po përjashton rivalët nga gara, nuk po qëndron aspak ‘i ngrirë’
29 Qershor 2017, 14:40Politika
TEMA
Ish-themeluesi i Partisë Demokratike dhe kryesuesi i listës së firmëtarëve për dorëheqjen e Bashës nga kreu i PD-së, Besnik Mustafaj, beson se vendimi i Bashës për të caktuar ditën e zgjedhjeve tregon se ai nuk do të qëndrojë aspak “i ngrirë”.
Në një reagim për “Panoramën”, pas vendimit për hapjen e procesit për zgjedhjen e kryetarit të PDsë, Mustafaj sqaron se Basha po del zbuluar dhe po tregon se ka ndikim të plotë te dy kryetarët që janë përcaktuar për të administruar procesin.
Sipas ish-ministrit të Jashtëm, vendimi për të lënë vetëm katër ditë kohë për regjistrimin e kandidatëve në garë, tregon se Basha kërkon të shmangë debatin lidhur me bilancin e tij. “Basha e bëri qysh dje veprimin e gabuar, duke treguar se nuk do të qëndrojë aspak ‘i ngrirë’.
Nëpërmjet dy nënkryetarëve ai caktoi datën e zgjedhjeve. Ky vendim e nxjerr zbuluar Bashën dhe tregon se ai ka ndikim të plotë mbi dy nënkryetarët e caktuar nga ai për të administruar procesin zgjedhor brenda partisë. Unë kuptova kështu se Basha kërkon një fushatë të shkurtër për të shmangur debatin lidhur me bilancin e tij”, shprehet Mustafaj.
Sipas kryesuesit të listës së firmëtarëve që i kërkuan Bashës dorëheqjen nga posti i kryetarit të PD-së, vendimmarrja për të përcaktuar një datë shumë të afërt për regjistrimin e kandidatëve është një tjetër taktikë që Basha po përdor për të përjashtuar rivalët e mundshëm nga gara.
Mustafaj thekson se kandidatët duhet të kenë kohën e nevojshme të reflektojnë, përpara se të vendosin për të qenë pjesë e garës për kreun e PD-së. Duke iu referuar statutit të PD-së, Mustafaj deklaron se Basha nuk ka të drejtë të përcaktojë datën e zgjedhjeve, pasi ajo vendoset nga Kryesia pasi të jetë përcaktuar rregullorja dhe të jetë dakordësuar me kandidatët që do të marrin pjesë në garë.
“Po ashtu ai kërkon të përjashtojë rivalët e mundshëm duke u hequr atyre kohën e nevojshme për të reflektuar para se të hedhin hapin e kandidimit. Caktimi i datës së zgjedhjeve nuk është e drejtë e Bashës.
Ajo duhet të bëhet nga kryesia pasi të jetë hartuar edhe rregullorja e posaçme, që mungon, dhe në konsensus me kandidatët.
Së fundi, më vjen keq për veprimin e nxituar të dy nënkryetarëve, të cilët nuk i kanë shërbyer qysh ditën e parë krijimit të një atmosfere besimi te ne demokratët lidhur me transparencën, drejtësinë dhe barazinë që do të tregojnë gjatë këtij procesi jetik për të ardhmen e PD-së dhe të opozitës. Përgëzoj sekretarin e përgjithshëm Ristani, që nuk ishte bërë pjesë e këtij gabimi”, deklaron Mustafaj.
2 komente në “Zgjedhjet në PD/ Mustafaj zbulon prapaskenat: Basha po përjashton rivalët nga gara, nuk po qëndron aspak ‘i ngrirë’”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mire u gjen, ” kunguj”.
E late partine ne duart e nje njeriu qe,kur u kethye nga Kosova nuk kish vendosur nese do ikte majtas apo djathtas.
Ptu fare e ndyre,manekin ,kalon gjysmen e dites ne krehje gjysmen ne shkundje e pispillosje.
Njerezit kane kujtime, emocione, pasione ne ate Parti…nuk durojme dot ta shohim ne duart e dikujt qe e shet e blen si placke te vjedhur.
A thua se ky qelbesira, i cili ka shume vite jashte pd, si dhe ndonje tjeter, mendojne se mund te zgjidhen per te drejtuar pd?