DOSSIER/ Dokumenti sekret i vitit 1959: Luçie Miloti dhe Ana Kçira aventuriere, jetë të çthurur dhe tentuan arratisjen...!

 Nga Dashnor Kaloçi

Ekskluzive / Libri i Kaloçit “Shkrimtarët dhe artistët….” publikon dokumentin sekret te vitit 1959 të gjeneral-major Mihallaq Ziçishtit për Liri Belishovën, lidhur me “problemet” që u kishin dalë organeve të Sugurimit të Shtetit, me dy artistet e njohura të Ansamblit të Këngëve dhe valleve Popullore dhe Estradës së Tiranës…?!

 Drejtori i Sigurimit: “Dy artistet e skenës, aventuriere, jetë të çthurur dhe tentuan arratisjen”

Dokumenti që po publikojmë në këtë pjesë të librit është një raport-informacion me siglën “Tepër secret”, i vitit 1959, ku zv/ministri i Punëve të Brendëshme, gjeneral-major Mihallaq Ziçishti, i cili gjithashtu mbante dhe funksionin e lartë të Drejtorit të Sigurmit të Shtetit, i dërgon Liri Belishovës, sekretares së Komitetit Qëndror të PPSH-së që mbulonte sektorin e artit, kulturës dhe propagandës. Siç shihet de nga dokumenti në fjalë, gjeneral Ziçishti i bën me dije asaj lidhur me “problemin” që u ka dalë organeve të Sigurimit të Shtetit që ai drejton, nga përpunimi (ndjekja, përgjimi dhe survejrimi) me artisten e njohur, Luçie Miloti, e njohur si një nga legjëndat e këngës popullore (asokohe dhe më pas soliste në Ansamblin e Këngëve dhe Valleve Popullore), si dhe kolegen e saj, Ana Kçira, konferenciere në Estradën e Shtetit në Tiranë. Të cilat sipas tij, jo vetëm që kanë shfaqur “sjellje jo të mira”, “jetë të shthurur dhe aventuriere”, por kanë tentuar dhe arratisjen?! Ajo që bie në sy në raport-informacionin e Ziçishtit, ku nuk ka asnjë përgjigjie apo shënim nga ana e Liri Belishovës, është fakti se për këto gjëra, ai sugjeron që “të shikohet me drejtësi trajtimi i tyre…” pasi në të kundërt, “prej tyre mund të pritej çdo lloj skandali”?! Me shumë gjasa kjo gjë nuk ka të bëjë më shumë me një “punë humane” të organeve të Sigurimit të Shtetit, se sa me atmosferën disi liberale që mbizotëronte në atë kohë në Shqipëri, edhe si rezultat i ndikimit të Moskës zyrtare në sajë të politikës liberale që po ndiqte Nikita Hrushovi dhe denoncimit të krimeve të Stalinit. (Shto këtu edhe politikën pajtuese me Beogradin që Hrushovi insisonte të realizonte Tirana zyrtare në atë kohë, ndërsa dy artistet e njohur akuzoheshin për nxitje nga ambasada jugosllave?!) Gjë të cilat nuk mund të mos kishin rezonancë edhe në vëndin tonë si një nga satelitët më të bindur të Bashkimit Sovjetik. Por sa më sipër, në ”trajtimin” që sugjerohet për dy artistet e njohura, nuk mund të përjashtohet edhe versione të tjera, si p.sh. “përfitimiet personale” që shpresonin të kishin kuadrot e lartë të Sigurimit, nga ”këshillimi” që ata u bënin “objekteve” që kishin në përpunim, gjëra të cilat ndodhnin jo rrallë në punën e tyre?! Dokumenti publikohet i plotë dhe pa asnjë shkurtim apo ndryshim.

…………………………………………………………………………………………………………………………………………………………………………

REPUBLIKA POPULLORE E SHQIPERISE                TEPER SEKRET

MINISTRIA E PUNVE TE BRENDESHME       Tiranë, më 18/IV/1959

DREJTORIA E SIGURIMIT TE SHTETIT

Nr. 05- 154

LANDA:  Mbi Luçie Pal Miloti e Ana Gjon Kçira

                KOMITEIT QENDRR TE P.P. SHQIPERISE

                      SHOQES LIRI BELISHOVA

                                                  TIRANE

Ju informojmë mbi disa të dhëna që disponojnë organet t’ona për Luçije Pal Milotin soliste popullore në Ansamblin e Këngëve dhe Valleve, si dhe për Ana Gjon Kçira konferencjere në Estradën e Shtetit.

Të dyja këto, kanë një të kaluar mjaft të çthurur, aventurjere dhe në disa raste nën nxitjen direkte të funksjonarëve të Legatës Jugosllave, me të cla kanë pas kontakte, kanë çfaqur dëshirën për t’u arratisur.

Më von, të penduara për rrugën e gabuar që kishin marrë, i janë drejtua sekretarit të organizatës bazë të partisë duke pranuar gabimet dhe premtuar se nuk e tradhëtojn Atdheun dhe nuk e njollosin veten si tradhëtare. Në të njejtën kohë këto kanë çfaqur disa pretendime se nuk trajtohen mirë, gjë që i ka hedh në pakënaqësi.

Pakënaqësitë e tyre konsistojnë bë këtë çështje:

Këto pretendime dhe pakënaqësi, të përmëndurat i kanë çfaqur edhe para organeve t’ona, të cilat u thirrën me rastin e takimit që bëri për t’u mbytur në det Luçie Miloti me datën 26/II/959. Luçia kur u pyet para se tentoi të vet-mbytet, deklaroi se sa më sipër si dhe për disa fatëkeqësi që ka pas në jetë si sëmundje, e cila vuan nga T.O.b, vdekja e nënës, sëmundja e motrës, grindjet me të vëllezërit, etj. kjo gë mbas hetimeve t’ona të gjitha jënë të vërteta.

Duke marrë parasysh se të dyja këto kanë pranuar hapat, gabime dhe dënojnë të kaluarën, mendojmë të shikohet me drejtë trajtimi i tyre si nga drejtuesat, ashtu dhe nga gjithë kolektivi në ansambël dhe estradë, në të kundërt prej tyre mund të pritet çdo lloj skandali.

GJENERAL – MAJOR

(MIHALLAQ ZIÇISHTI)

Rama zbardh skenarin: Ja investimet e mandatit të dytë nga Jugu në Veri, s’keni parë gjë akoma...!

19:41 Politika

ONM-ja për Vettingun? Rama: Duhej monitorim. Është një shtet ku jemi të gjithë kushërinj

18:58 Politika

Ish-zv.kryeministri i PD: Sulmohem si kundërshtar i Berishës, goditje e koordinuar me gjykatën e degjeneruar që më nxori me faj për Nishanin

18:43 Politika

VIDEO/ Rama rrëfehet për televizionin francez: President i SHBA-ve ka për të qenë mbi Perëndinë, ja kur merr fund kultivimi i kanabisit në vend

17:11 Politika

“Teknikët” e PD, gati të ikin. Dorëhiqen pasi të mbyllin raportin e zgjedhjeve

15:52 Politika

Lulzim Basha thyen heshtjen, por jo për akuzat dhe garën për kreun e PD

14:41 Politika

ANALIZA/ Deputetët "e përjetshëm" dhe modeli i munguar inspirues

14:33 Politika

Akuzat ndaj Bashës, gazeta e PD i përgjigjet Mustafajt: Lexoje RD, hajde e monitoro çdo lajm në redaksi

14:10 Politika

Ish ministri i LSI: Po gatuhet koalicioni i madh PS-PD, po hiqet një tepsi për të vënë një govatë!

13:34 Politika

FOTOT/ Ja çfarë po bën Saimir Tahiri pas mbarimit të zgjedhjeve

12:36 Politika