Te fundit
Ministrja “teknike” e Arsimit del blof, Plarent Ndreca: Ja dokumentet e firmosura për pagat. Karabina, goditje absurde institucionit
6 Korrik 2017, 12:10Sociale
TEMA
Sekretari i Përgjithshëm i Ministrisë së Arsimit dhe Sportit Plarent Ndreca publikon urdhërpagesat për pagat e Ministrisë së Arsimit dhe Sportit, të firmosura prej tij si nëpunësi autorizues i këtij dikasteri.
Këto dokumente nxjerrin zbuluar dhe blof ministren “teknike” të PD Karabina, e cila akuzon se nuk janë kaluar pagat për mësuesit dhe aparatin e Ministrisë.
Ndreca bën me dije se dhe pagat e të gjithë sistemit arsimor janë firmosur rregullisht nga drejtoritë arsimore rajonale dhe janë kaluar nga sistemi i thesarit të Ministrisë së Financave.
“Është e paimagjinueshme se si drejtuesja e ministrisë godet në mënyrë absurde institucionin e saj, duke dalë në konkluzione krejtësisht të pabazuara dhe që i përkasin një realiteti që nuk ekziston në Ministrinë e Arsimit dhe të Sportit.
Pagat e të gjithë sistemit arsimor janë firmosur rregullisht nga drejtoritë arsimore rajonale dhe janë kaluar nga sistemi i thesarit të Ministrisë së Financave.
Njëkohësisht nga unë si nëpunës autorizues i Ministrisë së Arsimit dhe Sportit janë firmosur që para dy ditësh urdhër pagesat për pagat e aparatit të Ministrisë së Arsimit dhe Sportit (Fotot e urdhër pagesës).
Pavarësisht pengesave, goditjeve të paligjshme dhe të padrejta që po i bëhen administratës publike në Ministrinë e Arsimit dhe Sportit nga vetë Ministrja, administrata është në detyrë dhe në mbrojtje të ligjit dhe interesave të qytetarëve shqiptar”, reagon Ndreca në rrjetin social.
Lini një Përgjigje
Më të lexuarat
24 oret e fundit
Javen e fundit
Blog Tema
