Sulmuesi shqiptar i Interit, Rey Manaj, është shumë pranë kalimit në Spanjë.
Për të interesohet seriozisht Real Oviedo, një skuadër mjaft aktive në merkato, edhe pse në kategorinë e dytë. Shtypi spanjoll shkruan se Oviedo është duke e marrë lojtarin shqiptar me kosto zero nga Interi.
Manaj shihet si alternativë e mirë për sulmin e Real Oviedo, që ka të gatshëm vetëm Toche dhe Miguel Linares.
Lushnjari, i cili është aktivizuar me disa skuadra të Serie B, duket gati për një aventurë të re, pasi tek Interi e ka të pamundur.