Te fundit
Analiza e Industrisë: Në minierën e Munellës janë 4 tonë rezerva ar
9 Gusht 2017, 09:19Ekonomia
TEMA
Nëntoka shqiptare është e pasur me minerale, sidomos bakër në të cilin ka edhe një sasi ari.
Sasia e arit është më e përqëndruar në minieren e bakrit të Munellës, ku sipas një analizë që ka bërë së fundmi Ministria e Industrisë dhe Energjetikës në 1 tonë bakër gjenden 4 gram ar.
“Miniera polimetalore e Munelles ka patur nje shpërndarje mineralogjkike të tillë ku një trup prej rreth 1 milion ton mineral ka patur cilësi shume të lartë si: bakër mesatar 4 – 5 %, zink mesatar 3 % dhe ari 4 gr/ton, argjendi 65 gr/ton krahas elementeve te tjerë si Selen, Stibium etj” pohon dikasteri i Gjiknurit, raporton Monitor.
Sipas përllogaritjeve rezerva e arit në këtë miniere është 4 tonë.
Objektet e industrisë së bakrit në vitin 2001 janë dhënë me koncension një kompanie turke “BER-ONER” me shoqëri koncesionare “Ber Alb” shpk.
Kjo industri në periudhën 2004 deri 2015 ka funksionuar e lokalizuar në shfrytëzimin e dy minierave Munelle dhe Lak Rosh në rajonin e Pukes, duke e pasuruar mineralin e pasur në Fabrikën e Pasurimit në Fushë-Arrëz.
Njëkohësisht disa kompani shumica kanadeze kanë patur leje minerare për kërkim-zbulim të cilat, realisht me tepër janë fokusuar në rivlerësimin e rezervave të zbuluara më parë nga institucionet shqiptare deri në vitin 1992, duke mos kontribuar në shtimin e rezervave të reja.
Nga skema e përpunimit te plote e trashëguar deri në vitin 1990, pjesërisht ka funksionuar vetëm Uzina e Telave në Shkodër. Fabrika e Shkrirjes në ish Uzinën e Bakrit në Rubik është demoluar në vitin 2007 – 2008, ndërsa Uzina e Rafinimit i ishte dhënë me koncension një subjekti në fund të vitit 2012, por që tashmë ka dështuar që në vitin e parë sepse koncesionari kërkonte përshtatjen e saj për prodhim ferrokromi.
Në fundin e vitit 2015 edhe kompania turke “BER-ONER” e fokusuar në rajonin e Pukës me skemë prodhimi deri në koncentrat bakri, ka nderprerë prodhimin duke u justifikuar me rënien e çmimit të metaleve në bursë.
Në maj të këtij viti Ministria e Industrisë ka hapur një garë për dhënien me koncesion të gjithë industrisë së bakrit në vendin tonë.
5 komente në “Analiza e Industrisë: Në minierën e Munellës janë 4 tonë rezerva ar”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Lum si hajdutet.Nje lajm shum i mire per politikanet dhe batakcinjt qe punojne me njeri tjetrin per te shtuar pasurin
Nxirreni sa ma pare, se Like floriri do te bleje ca gratacela te tjera ne Dubai. Rrofte LSI, rrofte Zeni dhe Armina.
Oh sa pune ka qe te shkosh deri ne Munelle,Oh sa para duhen hedhur neper koridoret e ministrise,sa para dihen hedhur qe te flasesh me lokalet,Oh sa para duhen per kot fare,,me mire po rrime ne shtepi se sa te nxjerrim ate ar qe asnje nuk e ka marre dot.Kurre.
O Zot si e ka hap gojen Ilir Meta.
……..te lumt TYTA ,njashtu asht vallahi ,( qe ta shfrytezosh arin duhet te kete 14% ar ne nje ton mineral plako ) , nuk keni cfar bani e bani llogari koti , puna e mar ju kjofte ne ate bote.