Te fundit
INTERVISTA/ Jozefina Topalli: Pse votimi elektronik i kërkuar nga Basha është akt tradhtie ndaj PD-së
19 Shtator 2017, 16:52Politika
TEMA
Jozefina Topalli ka fshikulluar kryetarin e PD-së, Lulzim Basha, për lëvizjen e tij më të fundit politike për reformën zgjedhore.
Ish-nënkryetarja e PD-së për më shumë se një dekadë ka analizuar kushtet e Bashës duke i cilësuar si hipokrizi dhe tradhti ndaj PD duke e nisur nga kërkesa e tij e parë për reformimin e sistemit politik.
“Sistemi politik nuk reformohet përmes reformës zgjedhore, ai reformohet përmes reformës së klasës politike, d.m.th të partive politike; që do të thotë përmes rritjes së demokracisë, të zbatimit të statutit; gjëra të cilat nuk kanë ndodhur gjatë kësaj periudhe në të cilën ka drejtuar Lulzim Basha“, thotë Topalli në një intervistë për Vizion Plus.
Topalli shprehet kundër aplikimit te teknologjisë në zgjedhje duke i kërkuar Bashës të sqarojë demokratët se çfarë fshihet pas këtij kushti të përmendur disa herë gjatë këtij viti nga Basha.
“Herën e parë e filloi si betejë, bëri gjoja, ngriti çadrën, tradhtoi çadrën, bëri marrëveshjen dhe humbi zgjedhjet me minus 230 mijë vota.
Tani pyetjet që ai duhet t’u sqarojë demokratëve është; e para, ai me votimin elektronik kërkon që të heqë kontrollin politik, kontrollin e demokratëve mbi procesin zgjedhor? Është pyetje e rëndësishme që ua ka borxh demokratëve. Gjë që do të thotë se ai nuk i beson sistemit të kontrollit partiak, por i beson firmave private qoftë kjo e Beqjas apo kunatit? Është pyetja e dytë të cilës ai duhet t’i kthejë një përgjigje. Dhe e treta, do të vazhdojë ai kundër të gjithë komunitetit ndërkombëtar që dëshmojnë dështimin e një sistemi të tillë në vende të tjera, edhe të kontinenteve të tjera, edhe brenda kontinentit tonë, si dikur Enver Hoxha që dikur me shpatë në dorë çante rrugën drejt socializmit?”,thotë Topalli.
Në lidhje me ndryshimin e sistemit zgjedhor dhe idesë se shprehur me herët nga Basha për një sistem mazhoritar topalli akuzon kreun e PD-së se kërkon një sistem i cili dëmton demokratët dhe i jep peshë krimit e parave të pista.
“Nëse sistemi ka qenë mazhoritar dhe ka kaluar në proporcional, cilat kanë qenë arsyet që e kemi bërë një gjë të tillë? Apo në projektin e tij synon që të bëjë marrëveshje me krimin, grupet kriminale dhe paratë për të marrë kolegjet zgjedhore? Apo kërkon që të reduktojë Partinë Demokratike vetëm në 5 karrige në parlament? Besoj që ua ka për borxh demokratëve që ta sqarojë edhe një gjë të tillë“, thekson Topalli.
Ju besoni që sistemi mazhoritar nuk e favorizon PD?
“-Në kushtet kur vendos paraja e pisët, grupet kriminale, në situatën që gjendemi sistemi mazhoritar është tërësisht nga paraja, e vetmja mënyrë për të marrë kolegjet elektorale do të jetë pakt me krimin dhe me paranë”.
Për Topallin hipokrizi është edhe kërkesa e Bashës për një sistem i cili zvogëlon kompetencat e kryetarit ne hartimin e listës.
-“Kjo është hipokrizia e radhës. Ne nuk kërkojmë një kryetar të dobët, ne kërkojmë një kryetar statutor, që të respektojë ligjin, kushtetutën, statutin e PD të cilin e ka shkelur që ditën e parë që ka zënë dhe ka uzurpuar karrigen e kryetarit të partisë. Edhe në shtator e ka shkelur përsëri statutin, dhe nuk po flas për të gjitha shkeljet e 4 viteve të kaluara. Dy nënkryetarët e PD janë të votuar nga grupi, statuti i PD kërkon bashkë edhe me të gjithë precedentët e zgjedhjeve në PD në 20 e ca vite, ata duhen votuar në këshillin kombëtar; pra kryetari përsëri ka shkelur statutin.”
-A jeni dorëzuar në betejën tuaj për të ringritur PD, në betejën kundër Lulzim Bashës?
-Jozefina Topalli nuk bën hapa prapa.
8 komente në “INTERVISTA/ Jozefina Topalli: Pse votimi elektronik i kërkuar nga Basha është akt tradhtie ndaj PD-së”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Per Saliun e kisha llafin . A ka nonji prononcim per doktorin ? Po i pershtatem gjuhes tande . As ish Berisha qe e bekoi ket bandillin n’kry t’pd-s ? Po e ndryshoj dialektin Zhelefine . Nga anet tona ka nje shprehje . ” Kur s’ke ç’i ben gomarit , i bie samarit ” . Nga do te rrotulloheni ju shqupistet , problemi eshte babi i Zenit dhe i Gites . Ka bere aq ( krime ), sa nuk ka det qe e lan . Ekuacioni eshte i thjeshte . Pd + Saliu = asgjesim . Pd – Saliu = ? Ndoshta …..
Jozi e keqe eshte
Per Lulin e ka mire
Luli adoleshent do e shpier PD me 5 deputet ne parlament
Jozi largoni Lulin te shpetoi Shqiperia dhe PD
Sidoqofte xhozi nuk mund te sjelle ndonje gje te re ne PD. Ben mire ta kuptoje se eshte konsumuar. Sipas saj perdori.i i teknologjise ne votim demton PD! Hajde mendje hajde!
Trime cartun kjo gru,nuk kane bythe te merren me Salen dhe i bin Lulit
Te kane rene aksjonet moj neperke e zeze. Ke bere kerdini duke vjedhur ti dhe gjithe banda e PDs .Na trego pak per dhendrrin tend Jozefine. Edhe per vajzen qe studjoj ne France por jetonte ne shtepi te paguar nga takse pagusit shqiptar pasi gjoja I dashuri I saj ishte diplomat atje. Kurre skeni per te fituar besimin e popullit pasi e keni tradhtuar ate. Ike hajdute dhe spiune sigurimi.
Jozi ka shum te drejte, ky bilushi eshte turpi i pd, ky po e çon pd ne myqe, kete e terheq per hunde vjeri kunati gruaja , ky karafil, nuk mund ta bie pd ne pushtet, ky tradhetoj çadren dhe ju ul ne preher rames, praky shiti zgjedhjet rames. Po fajin e ka sala qe e vury aty. Nuk e mbron dot berishen ky manikin vitrinash. Nuk kapd ne rrethe, po ç’burre eshte ky qe e terheqin per hunde kunat salarija .
Reforma zgjedhor nuk duhet te bej favor asnje partie-zonja Jozefin -por ti krijoj mundesin popullit qe vata e tij te reflektohej 100% ne rezultat.Duhet ta harojn Jozefinat bashat dhe bashallaret e PD-s se munde qe te ket nje kod zgjedhor qe to japij nje fitore te pa merituar asnje Partie.Ti haroni kutit qe I mbushnit ruges.
Luli Lul është,
Por ti Jozi je një femër kriminele.
PD do e gjej rrugën.