Te fundit
Bilanci/ Ambasadat shqiptare shpenzuan 5.5 mln USD në janar-qershor 2017, ja sa shkuan pagat
28 Shtator 2017, 10:45Politika
TEMA
Qeveria ka bërë publik bilancin e saj të pagesave jotregtare ku rezulton se për periudhën janar-qershor kemi një rritje të shpenzimeve. Vetëm shpenzimet e ambasadave kanë shënuar për 6-mujorin e parë 2017 një rritje me 38% në raport me të njëjtën periudhë të një viti, duke arritur në 5.5 milionë dollarë.
Në këtë fond nuk përfshihet pjesa e fondit të pagave që buxheti i shtetit paguan për trupën diplomatike në vendet ku ka prezencë. Këto të fundit janë një zë më vetë dhe duket se edhe ato si shpenzimet e tjera për vitin 2017 rezultojnë të jenë rritur. Sipas të dhënave për pagat e zyrtarëve në ambasadat shqiptare kanë shkuar 2.1 milionë dollarë në 6 muaj me një rritje prej 10.5% në raport me vitin paraardhës kur i njëjti zë ishte 1.9 milionë dollarë.
Por ndërsa kemi një rritje të shpenzimeve për ambasadat duket se kemi një rënie të totalit që paguhet për udhëtime. Në janar-qershor 2017 qeveria ka deklaruar në bilancin e saj të pagesave vetëm 1 milionë dollarë, me një rënie prej 27% me bazë vjetore.
Përfaqësitë diplomatike të Shqipërisë
Shqipëria rezulton të ketë të paktën 50 përfaqësi diplomatike të vendosura në shtatë kontinentet. Në këtë numër nuk përfshihet vetëm pjesa e ambasadave pranë shteteve por edhe pranë institucioneve të rëndësishme ndërkombëtarë siç është UNESCO, OKB, OSCE, NATO, KE, BE.
Por cilat janë shtetet ku Shqipëria ka ambasada: Arabia Saudite, Austri, Brazil, Bullgari, Çeki, Danimarkë, Egjipt, Francë, Greqi(Janinë, Selanik) Gjermani (Mynih, Berlin), Holandë, Hungari, Kanada, Kinë, Kosovë, Kroaci, Itali(Romë, Milano, Bari), Izrael, Maqedoni, Japoni, Mali i Zi, Britani, Poloni, Rumani, Rusi, Serbi, Slloveni, Spanjë, Suedi, SHBA, Turqi (Ankara, Stamboll), Zvicër, Gjenevë, Kuvajt, Vatikan, Emiratet e Bashkuara Arabe, Katar, Sllovaki./monitor/
4 komente në “Bilanci/ Ambasadat shqiptare shpenzuan 5.5 mln USD në janar-qershor 2017, ja sa shkuan pagat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Zyra parazite qe i sherbejne vetem kastes politike dhe jo popullit. Te privilegjuarit dhe militantet e pushteteve dergohen me parate tona qe te jetojne e pushojne familjarisht ne disa vende qe as nuk e dine se ku bie Shqiperia. Helbete, pushtetaret kane nevoje per sherbimet e tyre diplomatiko-korruptive ne ato vende. Mund te pergjysmohen e te grupohen sipas pozicionit gjeopolitik te shteteve dhe aktivitetit apo rendesise ne raport me interesat e vendit. Ndersa ato qe jane atashuar prane institucioneve nderkombetare, perse mos te grupohen tek shtetet perkates?
Eshte bere nje pune e mire dhe ka sherbyer shkurtimi I shpenzimeve te teperta.
Me duhet te them se kjo eshte nje shenje e mire qe qeveria nuk shpenzon pa kriter.
di kush me na treguar sa shpenzuan ambasadat e sviceres per shembull apo te onje vend nga balkani qe te shohim a shpenzojne aq sa ne per ‘bijte’ e ishave qe jane shtrhue neper ambasadat tone e nuk prodhojne asgje,sipas vete deklaratave te kryeministrit tone!?