Te fundit
Laviret e vërteta janë seksi dhe flasin vetëm për moral
29 Shtator 2017, 19:56Blog
TEMA
Nga Lorenc Vangjeli
Policia në fillim, por edhe prokuroria dhe gjykata identifikuan, goditën dhe shkatërruan një rrjet kriminal që kërcënonte sigurinë morale të shoqërisë shqiptare. Ky rrjet i krimit të organizuar, nëpërmjet mashtrimit, kishte shndërruar në një yll fatal seksi një vajzë të zakonshme fshati. E kishte vizatuar si bionde dhe me numër të madh të gjimbajtëseve, fiks siç e kërkon ëndrra duarartë e mashkullorisë ballkanase.
Kjo është historia e ditës së sotme. Eshtë historia e javës, ndoshta e muajit. Deri sa të ndodhë një histori e ngjashme me të dhe kjo të harrohet. Detaji tjetër, se vajza nga fshati, Enertila e maskuar si bionde seksi, kishte shndërruar në derdimen, Barushin e saj edhe platonik, edhe virtual, është hollësi pa shumë rëndësi. Edhe fakti që ajo lloj dashurie i kishte kushtuar ditëziut Barush nja 60 milionë lekë të vjetra (çudi e madhe sesi e ka llogaritur këtë shumë të shpenzuar në emër të dashurisë në dy vite), është sërish një hollësi pa rëndësi. Problemi është që Enertila e Manzës nuk është i njëjti person me atë që i kishte huazuar fotografinë në Facebook.
“Edhe e shëmtuar, edhe morri gjithë ato lekë”; vendimi penal i gjykatës dhe gjykimi moral i shoqërisë tashmë është fiksuar.
Ajo do të jetë fajtore penalisht dhe moralisht.
Enertila e vërtetë nuk është seksi, nuk është bionde dhe as nuk është kliente në klubet e ish-bllokut gjatë mbasdites dhe në gjysëmerrësirën e tallavasë gjatë natës.
Nuk konsumon Cannabis për nevojë dhe kokainë e shampanjë për modë. Nuk është as modele, balerinë, këngëtare, “politikane”, me demek VIP, siç thuhet në gjuhë të jashtme, nga ato që veshin rrobat e banjos në mars dhe i mbajnë zhveshur plazheve të dynjasë deri për Vit të Ri.
Herën e parë që ajo u shfaq publikisht, nuk ishte as nga fotot që gjoja paparacët i kapin në plazh apo redaksitë e portaleve i gjëmojnë në instagram e gjetkë, por nga kronikat televizive në gjykatë. Historia e saj e dashurisë virtuale me Barushin real, nuk i ngjan telenovelave që ndjekin shtëpiakët/et shqiptare, që nisin me lule dhe përfundojnë me ndryshimin e statusin në Facebook.
Eshtë vështirë të gjendet kush është viktima e kësaj historie, kush duhet të qahet dhe me kë mund të qeshet?
Eshtë viktimë Barushi që jetoi dy vjet me ëndrrën se do të kishte shërbimet bashkëshortore dhe shpirtërore të një femre që e kishte parë vetëm në Facebook? Që në këmbim të tyre i kishte blerë dhurata, të cilat i kishte regjistruar në një defter një më një sikur të ishte taksidar osman?
Apo viktimë është Enertila që jeton në Manzë? Që lexonte në internet se të kishe fatin e gjoksit të madh nën sutjena, mund të bënte një jetë përrallash ajo dhe prindërit e saj të varfër. Domethënë, mund të kishin një televizor, mund të lanin rrobat me lavatriçe dhe të mbanin të ftohtë në frigorifer ujin e pusit të shtëpisë.
Për shtetin shqiptar nuk ka asnjë dilemë. Enertila duhet vrarë me gurë. Dhe gurët mbi të duhet t’i hedhë çdo drejtor policie, prokuror, gjykatës, politikan, çdo VIP nga Tirana, tatëpjetë e përpjetë saj, që nuk ka qenë asnjëherë në jetë edhe Barush, edhe Enertilë.
Vajza nga Manza duhet mbyllur në qeli se ka grabitur me mashtrim. Në një shoqëri hipokrite, thellësisht hipokrite në këto punë morali si shoqëria shqiptare, Enertila është djalli që duhet kryqëzuar sepse ajo gënjeu për pamjen e saj.
I vetmi ngushëllim për Enertilën duhet të vijë andej nga ajo nuk e pret, nga një proces i drejtë dhe i ndershëm gjyqësor, siç ja garanton kushtetuta. Në këtë rast, akuza ndryshon: nuk je e bukur dhe nuk i meriton ato para! Nëse ajo do të ishte seksi dhe e bukur, do të zgjidhte vetë se çfarë do të ishte, këngëtare, balerinë, modele, blogere. Madje edhe politikane. Dhe atëherë do të meritonte jo vetëm 60 milionë lekë emigrantësh që ja morri një drejtori naiv administrate, por shumë më shumë. Do të kishte nder. Do të kishte dinjitet. Dhe nëse dikush do ta quante “K..rvë”, mbas kurrizit të bukur me prepotencën e ballkanasit “maço” , gjithkush tjetër do të nxitonte ta mbronte: Eshtë alamet K..rve!
Dhe do të ëndërronte të kishte mundësitë për t’ja blerë ca çaste në shtrat. Me çdo çmim dhe me të gjitha mënyrat, me të cilat bëhet lekët për të marrë me koncesion hiret e lavires. I bindur se laviret e vërteta janë seksi dhe flasin gjithë ditën për moral.
7 komente në “Laviret e vërteta janë seksi dhe flasin vetëm për moral”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
E vertet!
Ore Lorenz ,askush nuk e shan gocen nga Manza ,por drejtorin Halldup te LSI,se i vendosun ne tepsine e pushtetit nga prej Likes dhe Monikes.
Ku i morri tan ato pare Barushi??
Na trego or Lenci pse nuk te morri Likja ne Presidenc??
Perfekte! Ne kete bote hipokritesh dhe perversesh “laviret e verteta jane seksi dhe flasin gjithe diten per moral”.
Per here te pare qe me pelqen shkrimi i ketij njeriu. Ka zberthyer shoqerine shqiptare me gjakftohtesi. Ja ç’do te thote te mos jesh i kapur!
Pervecse jam dakort me ate qe shkruan autori, doja te thoja se nga kjo histori duket we laviri eshte drejtori i postes qe ka hedhur gjithe ato leke ne ere pa u dridhur fare.
Kjo duhet qe te shtyje cdo hetues serioz ne nje hetim te plote mbi burimin e pasurise se ketij dashnori te perveluar , qe mesa duket e paska doren e rende te arka e shtetit.
Aq leke nuk do i kish siguruar kurre me rrogen dhe jo me ti falte per qef nje te panjohure.
Ky eshte krimi serioz ne kete histori.
Ja, keta jane drejtoret trima dhe syleshe te Tit Vasilit dhe Mona Likes. Nuk ju vjen keq per paret qe ju ikin per lesh se nuk i kane te tyret. Ja kane vjedhur popullit.
ato bejne pune te paqme qe ju nuk arrini ti kuptoni fjalet bindese te kuptushme per te realizu dicka te realizushme per cfare thuhet e ,cfar behet per nje diskutim cfardoqofte ,politikanet kane shume fjale por duhet edhe fjale bindse per teleshikuesit dhuhen plot gjena te dukshme apo te patukshme per popullin qe ngrohen ne diell ,kush hyn ne parlament hyn per interesat e tyre dhe tallin pjesen qe rrin ne meshire te fatit lavirat e vertet bejne pune kolosale te qendrushme me baze te forte karaktere