Ditët e fundit, Parlamenti (ose më saktë grupi deputetëve të PD) është futur në një rrugë qorre e cila po ngulmon të tërheqë mediatikisht vëmëndjen e shqiptarëve si tek “rritja e krimit, rritja e bandave, tek lidhja e Ramës me bandat” dhe plot e plot teori të tilla konspirative, duke përdorur edhe fotot e nxjerra nga syndykët e vjetër.

Së fundi, debatet kanë degjeneruar deri në zaptimin e foltores së Parlamentit, apo tek ping-pongu fjalëve dhe fjalive fyese si për Berishën, për Ruçin, Ramën, dhe gjithë ministrat. Një taktikë e kopjuar dhe e përdorur keq. Në thelb Luli po kërkon të ndajë veçmas, çdo të enjte në sallën e Parlamentit “krimet e Ramës dhe bandat e Ramës”, duke dashur të implikojë rolin e tyre në “fitoren e thellë të 25 qershorit”, sipas tij.

Shqiptarët janë sot 27 vjet më të pjekur politikisht, dhe nuk është viti 1992, kur ata mund ti gënjeje me fjalime dhe argumenta të sajuara nga bodrumet e ndonjë ambasade, dhe e kuptojnë se teorikisht dhe praktikisht bandat dhe krimi nuk lindën në 2013 as në Shijak, as në Durrës, as në Elbasan dhe kudo. Jo, ato lindën u formuan dhe lulëzuan qysh para 2 dekadash, duke mbetur një njollë dhe trashëgimi e ndyrë në politikën dhe shoqërinë shqiptare. Bandat dhe krimet e tyre, lindën qysh nga mbështetja politike e zgjedhjeve të 26 majit dhe tetorit 1996, kur dhuna shtetërore kryqëzohej dhe harmonizohej me dhunën e bandave dhe elementëve të caktuar, të cilët kishin mbështetje politike në sheshin “Skenderbej”.

Kjo ishte zanafilla e tyre, duke kujtuar se asokohe e pamëshirshme kjo dhunë nuk kurseu as kryeministrin Rama, apo të tjerë eksponentë që ishin kundër rezultatit të manipuluar. Luli ka ardhur vonë në PD, dhe ndoshta kujton se “bandat dhe krimet elektorale kanë nisur pas 2013”, kur ai ra nga pushteti, dhe se fotot e rastësishme të ndonjë ministri, mund ta nxjerrin atë nga sikletet dhe situata në të cilën ndodhet sot ai brënda PD.

Të ngresh zërin dhe të drejtosh gishtin ndaj kujdo duke e akuzuar se “je i lidhur me bandat dhe krimin”, nuk do të thotë se e kaluara tënde është fshirë. Ti kujtosh Ramës “bandat dhe lidhjet me krimin”, nuk do të thotë se i ke dhënë “delete” bëmave dhe historive të tua, duke nisur nga koha kur ke qenë ministër i Transporteve, i Brendshëm, kryetar Bashkie, dhe sot kryetar PD pa shumicën e votave të anëtarësisë. Thjesht dua të pyes, a është “krim” fakti që PS propozon dhe zgjedh Gramoz Ruçin për kryetar Parlamenti, dhe për shkakun tënd Rama ka rrëmbyer i timonin e Shqipërisë i vetëm me mbi 74 deputetë ? Si mund ti mbushësh mëndjen shqiptarëve se, duke kërkuar “debatin për të shkuarën komuniste të Ramës”, apo duke u marrë ma bandat, ti dhe PD po zgjidh problemet e ditës së shqiptarëve?

Nuk mendoj dhe nuk besoj se Lulit i dhemb shpirti shumë për ata që kanë vuajtur nga krimet e diktaturës, por ai po mundohet të kapet mbas çdo fije bari, për të qetësuar kritikët brënda partisë. Politikanët sot gjykohen për vendimet dhe rezultatet e tyre, dhe jo nga akuzat dhe denoncimet që vijnë nga arkivat e syndykëve të vjetër. Deri sot Rama në vendimet dhe rezultatet e tij ka qenë gjithmonë “OK” me partinë e tij dhe me shqiptarët, duke fituar dy palë zgjedhje, plus ato lokale, ndërsa ti ke akoma shumë probleme dhe llogari të hapura me vetë eksponentët e PD, me zgjedhjet brënda partisë, me humbjen e mbi 240 mijë votave dhe me pjesën më idealiste të saj. Të tentosh të merresh me foto celularësh e fushatash, duke kujtuar se “gjithçka lidhet me mua nuk ekziston” është padyshim një lloj mëkati i vockël, por që rëndon shumë.

Rëndon mbi ndërgjegjen tënde, edhe kur ti ndërsen deputetët e tu mbi kontribuesit e PD, madje edhe mbi artikullshkruesit kritikë, edhe kur tenton ti mbyllësh gojën drejtuesve të FRPD, apo edhe kur deklaron se “nuk lejon dhe nuk njeh fraksionet në PD”. Loja me fotot tek Fevziu, nuk e dha rezultatin e duhur, dhe për këtë të jetë i sigurtë Luli dhe ata që besuan se “tani do të bëhet nami, do bjerë qeveria”. Kjo pasi personazhi i fotos, dhe personazhet e fotove të Lulit, kanë qenë qysh më parë miq të PD dhe drejtuesve të tyre në Shijak dhe Durrës, apo edhe të tjerë para tyre, të njohur si “aktivistë” të fushatave dhe “kontribuesit” e fitoreve të PD në disa fushata. Loja me “bandat dhe lidhja me bandat”, loja me fotot e dala nga arkivat e dyshimta, më tepër i ngjan radiolojës që ish-Sigurimi Shtetit, bënte me gjoja agjensitë inteligjente të huaja, por që në fakt rezultoi se ishte vetëm një demagogji boshe.

4 komente në ““Krimet” e Ramës dhe kërkimet e Bashës”

Lili says:

14 Tetor, 2017 23:13 te 11:13 pm

Kush pyet per keta ne shqiperi, as nuk i lexoj me lajmet per kete teme.Edhe besoj se shume jemi keshtu.

Përgjigjjuni
@autori says:

15 Tetor, 2017 10:05 te 10:05 am

artur ajazi..
Nje nga gazetaret e shumte qe paguhen (me ore te plota) per tu mbllacitur ne grazhdin e “kazanit”..
Si nuk u ngopen me politike, keta barktharet e medias? Nga mengjesi deri ne darke, na shurdhuan duke i mbajtur ison padroneve te pushtetit. Pozita dhe opozita, Rama-Basha ose Berisha (Meta duket sikur eshte jasht loje), krimi dhe korrupsioni (pa emer, pa adrese) e lagu s’e lagu bishtin dhelpra dhe te tjera debate te kota dhe pa bereqet.
Po hallet e njerezve kush i trajton? Me politike do te ushqehen? Ndoshta me lugen bosh e gurin ne traste..

Përgjigjjuni
gjoni says:

15 Tetor, 2017 11:36 te 11:36 am

autori shkrimit mos eshte valle dhendri i Lal Hekrit.. dmth Hekuran Isai, ish minister i brendshem i kohes komuniste?

Përgjigjjuni
SEFERI DURRSAKU says:

16 Tetor, 2017 13:26 te 1:26 pm

fjalet fyese per cdo njeri, ne vecanti per gazetaret jane idiotesi, tregojne se ti je llum dhe asgje tjeter. turp.

Përgjigjjuni