Te fundit
PANAIRI LIBRIT/ Një iniciativë e rrallë: Libër falas për të gjitha që mbajnë emrin “SARAH”, por edhe…!
16 Nëntor 2017, 15:20Kulturë
TEMA
Dita e dytë e edicionit të 20 të Panairit të Librit në Tiranë ka rezervuar një surprizë vërtetë interesante.
Autori i librit “Sarah”, Alfred Peza në bashkëpunim me botuesin dhe “UET Press”, kanë vendosur që t’ia dhurojnë romanin “Sarah” kujtdo fëmije, vajze apo gruaje shqiptare, që mban emrin e personazhit të këtij libri.
Iniciativa ka ardhur pasi sot në stendën e shtëpisë botuese, është paraqitur një blerëse e pazakontë, e cila mbante emrin SARAH.
Por surpriza nuk mbaron me kaq. Nisur nga historia e Sarah Blloshmit, libri dhuratë do të shoqërohet edhe me një shkrim dedikuar secilës prej Sarah-ve të sotme, që do të botohen në mediat online dhe në gazetat e përditëshme. Secila prej tyre mund të tregojë jo vetëm historinë e vendosjes së këtij emri, por edhe historinë e jetës së vet.
Nëse kjo iniciativë përqafohet nga shumë Sarah, atëherë shtëpia botuese premton një surprizë edhe më të veçantë: Botimin e një libri të ri, me historitë reale të rrëfyera nga Sarah-t e ditëve tona, e cila mund të shitet sëbashku me “Sarah”-n e Alfred Pezës./Alpenews.al
1 komente në “PANAIRI LIBRIT/ Një iniciativë e rrallë: Libër falas për të gjitha që mbajnë emrin “SARAH”, por edhe…!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po cfar iniciative eshte kjo per 1 ose dy sara qe do vene ne Panair. Ne ishim ne promovimin e dy biografive te Mjedjes dhe Migjenit , te profesorit tone te dashur Rinush Idrizi dhe na u dhuruan librat, gjithe ne pjesemarresve dhe nuk ishim pak, po afro 100 veta. Sa pak seriozitet ne informim. Eshte per te ardhur keq.