Te fundit
Detajet e panjohura: Si u vra Vasil Shanto, simbol i rezistencës shqiptare në Luftën e Dytë Botërore
22 Nëntor 2017, 10:01Politika
TEMA
Nga Roland Qafoku*
Mes Vasil Shantos, Reshit Rusit dhe forcave të xhandarmërisë ka pasur shkëmbim zjarri. E, megjithatë, Vasil Shanto ka mundur të eliminojë disa materiale kompromentuese. Pranë trupit të vrarë, xhandarët gjetën hirin e letrave dhe dokumenteve që kishte djegur në momentet e fundit. Por, bashkë me Vasil Shanton dhe Reshit Rusin ka qenë edhe një person i tretë për të cilin është folur shumë pak.
Në një procesverbal të Xhandarmërisë së Shkodrës më 14 shkurt 1944 shkruhet e plotë dëshmia e Miladin Popoviçit që përpara xhandarmërisë është prezantuar me emrin Naum Zafirof që kishte qenë bashkë me Vasil Shanton dhe Reshit Rusin në këtë përpjekje me armë. Popoviçi ishte një emisar i Partisë Komuniste të Jugosllavisë që u dërgua në Shqipëri për të ndihmuar dhe organizuar themelimin e Partisë Komuniste të Shqipërisë. Ai jo vetëm mori pjesë në mbledhjen themeluese të kësaj partie, por ishte një nga bashkëpunëtorët e Enver Hoxhës edhe për shumë vite.
Sipas të dhënave, në fillim të vitit 1944 Miladini është bashkuar me Vasil Shanton në Kolashin të Malit të Zi në rrethana misterioze. Xhandarmëria e Shkodrës pasi mori informacion se Vasil Shanto ndodhej në zonën e Vrakës, u vu në ndjekje. Naum Zafirof dëshmon:
“Më datë 29 kallnuer 1944, kena nisë udhëtimin tue udhëtue atë ditë dhe atë natë gjithë natën. Herë rrugës e herë nëpër male kena mbërrijtë në vendin ose ma mirë me thanë në katundin ku jena takue me patrullat e gjinadarmërisë, rezultati i të cilit duket. Gjatë udhëtimit Vasili na ka porositë që të ecshim me vëmendje dhe pa zë, përse ishte friga që do të hetojshim prej ndonjë patrulle. Unë kam qenë i armatosun me një mashinë (automatik, shën.aut.) dore tip ingleze, e cila ka pas një krahan me 32 copë fishekë, Vasili ka pas edhe ai mashinë të tipit gjerman, por nuk e di sa municione ka pasë, por vetëm mbaj mend që ka pas tre krahna në çantën e mashinës e cila sigurisht që do të kenë qenë e mbushun. Më duket se ka pasë edhe një revolver, por nuk e mbaj mend mirë. Vasili ka pasur edhe bomba, por nuk e di sa ka pasë.”
Ndërsa Vasil Shanto dhe Reshit Rusi mbetën të vrarë, Naum Zafirof, më saktë Miladin Popoviçi, u zu rob. Ai e dëshmon kështu momentin e dorëzimit, por edhe reagimin e Vasilit Shantos:
“Në rastin që jemi takue me gjindarmët… kena tentue me ikë nji rruge që të çonte rrazë malit, por edhe atje kemi pa vendin të rrethuem. Atëherë unë tue e pa vedin në rrezik, mbasi gjindarmët shtieshin gjithnjë kundra nesh, bërtita “mos shtini, mos shtini” dhe me këtë rast kam hedhë mashinen (armën) për tokë dhe jam zanë rob prej gjindarmëve, unë me mashinë nuk kam mujtë me shtie asnjë fishek, pse ndjekja që na u ba ishte e shpejtë… nësa Vasili edhe mbas dorëzimit tem ka shti me bombë e me mashinë kundër gjindarmëve”.
Është shumë e dyshimtë se si më pas Miladin Popoviç është liruar. Në shtator të vitit 1944 ai urdhërohet të largohet nga Shqipëria për të shkuar në Kosovë, ku pak muaj më vonë do të vritej.
SI U ORGANIZUA VRASJA E VASIL SHANTOS
Mëngjesin e të martës së 1 shkurtit 1944 banorët e fshatit Vrakë janë zgjuar nga të shtënat e armëve. Një repart i Xhandarmërisë së Shkodrës po ndiqte tre persona për t’i kapur, por rezistenca e tyre bëri që ndjekja të fillojë me të shtëna armësh nga të dy palët. Nga thellësia e viteve na vjen dëshmia e një banori të fshatit që ka parë të gjithë skenën. Marash Berisha, djali i Prekë Ukë Lulashit, i cili pati pasoja nga regjimi komunist, jep një variant tejet interesant për këtë ngjarje:
“Njerëzit e ngarkuar me këtë punë e kanë ruajtur, gjersa janë futur në fshatin Vrakë dhe e kanë qëlluar, teksa po i drejtohej lundrës në breg të liqenit të Shkodrës. Vrakaçorët sapo dëgjuan pushkët, dolën jashtë për të marrë vesh se çfarë ishin këto pushkë dhe njerëzit e Enverit hapën fjalën se “kanë ardhur Hallunoviçtë me vra gjakësit”. Kjo përkonte me një rast hasmërie, që fisi shkodran i Hallunoviçve kishte me fisin e Dem Metajve në Vrakë. Këta të fundit lëshuan kushtrimin te meshkujt e fisit të tyre që banonin në Guci dhe në Grudë të Re. Sapo dëgjuan kushtrimin, rreth 40 meshkuj nga këto fshatra morën armët dhe u nisën drejt Vrakës për të luftuar Hallunoviçtë. Sapo kanë hyrë në Vrakë, kanë shkrehur armët, për të treguar se erdhën e për të parë se ku janë hasmit e tyre. Por në fakt, ata nuk panë asnjë person nga fisi i hasmit, por panë vetëm të vrarë në breg të liqenit Vasil Shanton së bashku me Reshit Rusin. Pasi i identifikuan mirë dhe kur e panë se këta dy persona nuk kishin lidhje me hasmin, u kthyen në shtëpitë e tyre”.
KOMUNISTI I BINDUR VASIL SHANTO
Për të kuptuar përse Vasil Shanto ishte bërë komunist mjafton të lexojmë deponimet e tij në procesin gjyqësor në Gjykatën e Posaçme për Faje Politike, në seancën e datës 4 shkurt 1939. Ja si i është përgjigjur pyetjes së gjykatësit përse ishte komunist.
“Jam i bindur se komunizmi duhet patjetër të ekzistojë në Shqipni dhe këtë bindje e kam formue nga vuejtjet e klasës punëtore, bile zoti kryetar ju deklaroj haptaz se 90 për qind e bukës që bahet prej furrtarëve sot asht e infektueshme prej turbekulozit, mbasi shegertët që shërbejnë në furrtarë nuk kanë kurrë pushim e duke punue natë e ditë e duke fjetur mbi thasë të miellit e ndonjëherë në çimento dhe ushqimin e kanë të keq e shpërblehen pak. Këtë e di se jam vet furrtar, prandaj edhe unë vendosa të bëj propagandë dhe ç’do të bahet më vonë nuk e di, se kjo nuk varet prej nesh, po prej punëtorëve dhe katundarëve të cilët vuajnë”.
Por nga bindja për një jetë dhe rend më të mirë Vasil Shanto kaloi në aksione me armë. Më 20 maj 1943 ai u dënua me vdekje nga një gjykatë në Tiranë për pesë vepra penale: përgjegjës për fajet e organizimit dhe drejtimit subversiv, ideator për të zhvilluar diktaturën e një klase shoqërore mbi të tjerat, propagandë subversive, kryengritje e armatosur dhe përdorim armë kundër shtetit dhe kundër objekteve private e shtetërore. Më 18 shtator 1942 Kuestura e Tiranës kishte vendosur internimin e familjes së tij për 5 vjet nga Tirana. Për italianët pushtues Vasil Shanto ishte një terrorist komunist, ndërsa për komunistët ishte një hero. Nga kjo datë Vasil Shanto ishte personi më i kërkuar në Shqipëri. Në Arkivin e Shtetit janë me dhjetëra e qindra kërkesat dhe informacionet e lëshuara nga zyrtarët e milicisë së asaj kohe që e kërkojnë patjetër arrestimin e Vasil Shantos, i deklaruar si i arratisur.
VASIL SHANTO
VIKTIMA: VASIL SHANTO
VIKTIKMA TË TJERA: Reshit Rusi
DATËLINDJA: 17 gusht 1913
VENDLINDJA: Vrakë, Shkodër, Shqipëri
DATA E VRASJES: E martë, 1 shkurt 1944
MOSHA E VIKTIMËS: 30 vjeç, 5 muaj e 15 ditë
VENDI I VRASJES: Në breg të liqenit të Shkodrës, fshati Vrakë, Shqipëri
AUTORI I VRASJES: Pjesëtarë të një reparti të Xhandamërisë së Shkodrës
MOTIVI I VRASJES: Vasil Shanto ishte person në kërkim, i dënuar me vdekje nga gjykata me 5 akuza të rënda
10 FAKTE
1Vasil Shanto ishte një nga personazhet më të rëndësishme të rezistencës komuniste gjatë Luftës së Dytë Botërore në Shqipëri
2.Vasil Shanto ka qenë pjesëmarrës në mbledhjen themeluese të Partisë Komuniste të Shqipërisë, më 8 nëntor 1941, në Tiranë
3.Vasil Shanto ishte një nga bashkëpunëtorët e afërt me Qemal Stafën e më pas edhe me Enver Hoxhën
4.Vasil Shanto ishte veprimtar aktiv i Partisë Komuniste dhe komandant i njësiteve guerile në Shkodër dhe Tiranë. Ai organizoi dhe mori pjesë në disa aksione e atentate ndaj personave të ndryshëm
5.Vasil Shanto u arrestua tri herë në jetën e tij për veprimtari komuniste dhe veprimtari antiligjore
6.Më 4 shkurt 1939 Gjykata e Posaçme për Faje Politike e dënoi Vasil Shanton me 10 vjet burg
7.Vasil Shanto vuajti dënimin në Burgun e Beratit deri më 7 prill 1939, kur ky burg u shpërthye dhe u liruan të gjithë të burgosurit
8.Më 18 shtator 1942 kryetari i Komisionit Qazim Mulleti vendosi internimin e familjes së Vasil Shantos nga Tirana
9.Më 29 maj 1943 Gjykata e Posaçme e Shtetit e dënoi me vdekje në mungesë Vasil Shanton për 6 akuza, mes tyre më e rënda për kryengritje të armatosur
10.Në momentin e vrasjes së Vasil Shantos u kap rob Miladin Popoviçi, i cili ishte bashkë me të
10 MISTERE
1.Si ka mundësi që Vasil Shanto, një personazh shumë i rëndësishëm i Partisë Komuniste dhe themelues i kësaj partie caktohej në detryën e rëndomtë të një shoqëruesi të Vukmanoviç Tempos?
2.Si ka mundësi që Vasil Shanto u vra menjëherë pas kthimit nga shoqërimi që i bëri Vukmanovic Tempos, emisarit jugosllav, në një udhëtim të tij nga Korça në Tiranë?
3.Si ka mundësi që Vasil Shanto ishte në ilegalitet të plotë dhe kërkohej, por u caktua shoqërues në një udhëtim të gjatë?
4.Kush e caktoi Vasil Shanton si shoqërues të Vukmanoviç Tempos nga Korça në Tiranë?
5.Përse Vasil Shanto i tha Nexhmije Dumes se ky kishte për të qenë udhëtimi i fundit në jetë?
6.Në cilat rrethana u bashkua me Vasil Shanon në Kolashin të Malit të Zi, Miladin Popoviç?
7.Si ka mundësi që ndërsa Vasil Shanto dhe Reshit Rusi mbetën të vrarë nga forcat e xhandarmërisë, Miladin Popoviçi u dorëzua duke rënë rob?
8.Si ka mundësi që është mbajtur i fshehtë fakti që në momentin e vrasjes së Vasil Shantos ka qenë prezent Miladin Popoviçi?
9.Si ka mundësi që pas dëshmisë së tij Miladin Popoviçi arriti të lirohej?
10.Si ka mundësi që vetëm 7 muaj pas vrasjes së Vasil Shantos, Partia Komuniste Jugosllave urdhëroi që Miladin Popoviçi të largohej nga Shqipëria dhe të shkonte në Kosovë?
Shifrat
73 KOMUNISTË
U arrestuan dhe dënuan në dhjetor 1938, mes tyre ishte edhe Vasil Shanto
10 VJET BURG
U dënua Vasil Shanto në shkurt të vitit 1939 për prirjet e tij komuniste. Ky ishte dënimi më i rëndë mes tyre
100 KOPJE TË FOTOGRAFISË
së Vasil Shantos përgatiti Kuestura e Tiranës për identifikimin dhe kapjen e tij si person i rrezikshëm
5 VJET INTERNIM TË FAMILJES
së Vasil Shantos vendosi kuestura më 18 shtator 1942, duke e larguar nga Tirana. Arsyetimi ishte se Shanto konsiderohej si person i rrezikshëm dhe se familja e ndihmon qëllimisht qëndrimin e tij në arrati
DËSHMI DHE DEKLARATA
Vasil Shanto, pak momente përpara vrasjes
“Jo, mue ende nuk më lejohet të vdes, duhet të hakmarrem dhe të zhduk me çdo kusht dokumentat e partisë”. (Kasneci Lefter, Janushi Raqi, Sallabanda Stiliano, Kronikë e ditëve të stuhishme, faqe 39.)
PËR VASIL SHANTON
Beqir Xhepa, korrieri i Qemal Stafës
“Jo vetëm që Vasil Shanto ishte i atij mendimi, por që nga ajo kohë e deri ditën që u vra, ai i kishte të ftohura marrëdhëniet me Enver Hoxhën. Këtë gjë e dinë mirë shumë nga komunistët e asaj kohe që jetojnë akoma edhe sot, të cilët e dinë që edhe Vasili u vra gjatë një shërbimi që i kishte ngarkuar Enver Hoxha”.
*Marrë nga libri “100 vrasjet më të bujshme në historinë e shtetit shqiptar 1912-2017”
23 komente në “Detajet e panjohura: Si u vra Vasil Shanto, simbol i rezistencës shqiptare në Luftën e Dytë Botërore”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Si ka mundesi qe te gjithe shoket ju vrane, kurse vete ai kerma ngordhi i fundit nga semundja e diabetit?!
Ah Qafok, o palle gomari. Por nqs Enveri do kishte “gisht” ne spiunimin a vrasjen e Vasilit (sic vjell ti e ndonje palle tjeter i ngjashem si ti) atehere na dilka se Enveri donte te vriste edhe Miladinin, i cili ishte me Vasilin kur u be perpjekja. Po ju sikur shani Enverin qe e mbronte Miladinin. Ndajeni mendjen tani o gomere. E mbronte Enveri Miladinin, apo donte ta vriste? Qe ta dime, ta shajme a po ta lavderojme? Eee, Qafok??
Moisi Golemi-Miladinin e kishte bashkepuntor Enveri. Nuk eshte cudi qe Miladini ta kete cuar Vasilin ne priten e xhandareve, pasi ne te kunderten, si e moren vesh xhandaret se ku do kalonte grupi Vasilit; vendin dhe oren. Historia e vrasjes se Qemal Stafes eshte shume e ngjashme. Vete Qazim Mulleti i kishte derguar fjale strehuesit te Qemalit se ate po e spiunonin shoket e vet. Fakt qe dihet eshte se familja e Qemalit kurre nuk u ja fali Enverit vrasjen e Qemalit. Vellai i tij, mbajti tere jeten nje profil te ulet dhe kurre nuk u ngrit ne pozita shteterore sic i takonte. Po keshtu mbeten edhe motrat e Qemalit te cilat benin pune te rendomta deri ne fund te jetes se tyre.
Or ti mik Moisi Golemi (tradhetari i Skenderbeut) po nuk e merr vesh qe bie me kembet e tua brenda? Po Enveri, or mik, Enveri tradhetoi Vasilin, se pa me thuaj ti, Miladinin e kapen gjalle, po pastaj e liruan, apo jo? Apo shpetoi ashtu kot. He mo si thua, ti o fanatik trupatate?
mojsi go-leshi, roli i miladinit ishte ta çonte Vason ne prite, dhe vete te mbetej gjalle e dorezohej. Edhe ne kosove, miladini eshte vrare ne rrethana misterioze. Kjo do te thote se jugosllavet mbuluan gjurmet e krimeve qe kryenin ndermjet te veteve ne ruajtjen e mbajtjen e enverit te paprekur.
nxirreni krietarin qe i thau penat jo vetem vasilit por shume te tjereve…plere njeri
Tani ti egjete? Pas 100 vitesh?
Ama zbulim qe paskeni bere ju te Tema-s.
Po mjafton te shikoni filmin “Militanti” dhe atje eshte kjo ngjarje fije e per pe. Edhe edhe djegia e dokumentave edhe dorezimi i te tretit, madje edhe fjalet “mos qelloni”.
Me vjen keq ore Qafok,shko dhe pyet familjen Shanto se ta tregon me mire.Pjetrushi(babai i Vasilit) kur u kthye nga Ohri ne 1946 tha _ e mora vesh se kush e vrau Vasilin.Burri i motres se Vasilit(qe Hoxha e pushkatoi) quhej Petro Bullati dhe ne 1945 ishte komandant i qarkurt shkoder dhe nuk ka lene gjalle njeri pa pyetur ne Vrake,e dine shume mire se kush e vrau,por jo Miladini or kokroc.Tregimi i fshatarit eshte i vertete,
Xhandarmerine mos i kish emeruar Enveri se ne te kundertshume jeni vonuar te beni heronj se vran komunistin Shonto.C’far u vjen nga b…ytha shkruani, e ndritet me te tashmen e mireni me te shkuaren
Qafoku dëshmon se është debil dhe provokator . I ka për zemër ky , historitë me mistere .
Ku s’ka mistere , i sajon vetë , për të tërhequr vëmëndjen .
Miladini nuk e dinte shqipen , shqipen e dinte Mugosha .
Kanë vdekur shumë bashkëkohës të këtyre ngjarjeve , por , po të hulumtohet , mund të gjënden partizanë
që të dëshmojnë , se , kur është vrarë Vasil Shanto , Miladini ka qenë shumë larg Shkodrës , ndoshta në malet e Korçës.
Enveri ka bërë shumë prapësira dhe s’ka pse të shpifet për t’a nxirë edhe për atë që s’i takon.
Shpifjet bëjnë efektin e kundërt .
E përsëris : këtu kemi muhabete debilësh , pa asnjë vlerë historike !
Edhe ketu na doli nje Berishe ndonje Muc Nano do dale ne ditet ne vijim dhe me ne fund do dale Bledi Fevziu (me dokumenta qe vetem ai i ka dhe kerkush tjeter ) .O ju shplafte mirtja po historia eshte histori dhe sado te mundoheni ju bashkepunetore te nazi-fashizmit ta shtremberoni dhe te denigroni figuren e Enverit ata vetem lartesohen .
lavdi vepres se Komunisteve si Vasil Shanto. nje njeri kurajoz, i forte me guxim dhe trimeri. lavdi PKSH dhe LNC.
Lavdi edhe atyre qe ia futen Vasilit.
A mer qafok..keputet qafen per te denigruar Luften Anitfashiste Nacional Clirimtare.
Eshte e pavdekshme, me gjithe Heronjte e saj.
Lavdi Heronvje dhe Deshmoreve te Luftes.
Lavdi Komandantit Fitimtar.
Poshte kurvat ballisto zogiste. Tradhetare dge vrases te pabese.
Z.Roland, me vjen shume keq per ju, se para se te shkruani artikuj te kesaj natyre, ju kerkoj te njiheni me dokumentat dhe jo te denigroni figurat qe kane luftuar per kete vend. Qe nga vendlindja dhe deri tek njerzit qe u vrane jeni komplet I pasakte. Jane vrare tre vete, Vasil Shanto, Reshit Rusi dhe Rifat Manjani. Hulumtoni neper arktiva dhe do mesoni arsyen e vertete pse Vasil Shanto ka qene ne Jugosllavi ne ato dite dhe nuk ka qene me detyren e shoqeruesit. Eshte e vertete se vrasja e tij eshte shume enigme, por kjo nuk ju jep te drejten te shtremberoni faktet. Edhe njehere me vjen keq per ju qe nuk e di se nga kush I keni keto pasaktesira. Perpara se te mundoheni te denigroni figuren e tij, merruni me mire me figura te tjera qe e shkaterruan me rrenje vendin tone.
Edhe telenovelat do t’jua kishin zili zoti Qafoku! Vasil Shanto te kete lindur ne Vrake? Qe na njohin per nga Shkodra e dinim, po qe te paskemi rrenjet nga Vraka mesuam nga ju. Te pakten hap e lexo monografine e shkruar nga Myslym Islami. Ne rast se nuk gjeni ndonje kopje ne Biblioteken Kombetare, jam e sigurte qe do ‘tju huazojme nje te familjes Shanto. Nje keshille miqesore- para se te shkruani kaloninga Arkivi i Shtetit. Shume zhurme per asgje – apo zhurme per te shitur nje pacavure si hulumtim historik? Kazan mediatik!
Keta vrasjet e komunisteve ne kohen e luftes me ngjasojne shume me vrasjet e komunisteve te sotem ne kohe paqeje. ( Berishe Serbi me viktimat e tij dhe jo vetem )
Llogjika me con ne konkluzionin se Enver Suma vriste ose ata qe e njihnin mire dhe ia dinin te palarat dhe nuk e mbanin dot gojen mbyllur ose ata qe ai i perceptonte si rrezik per karrigen e tij si drejtues. Pervec ketyre eshte dhe nje kategori tjeter dhe keta jane ata te cilet i tregoheshin Enverit nga te tjeret si te rrezikshem, kriminele dhe qe Enveri nuk i njihte personalisht, por pajtohej me konkluzionin per eleminimin e tyre. Kete gje e benin me mire se kushdo tjeter jugosllavet dhe Nexhmija, por dhe ata qe lanin hesapet personale me te tjeret.
Pervec sa me siper vetem nje fakt me cudit;
Si ka mundesi qe Enveri dhe Nexhmia as nuk u kap dhe as nuk ra ndonjehere ne perpjekje me atoritetet e kohes vendas apo te huaj?
Kur dihet qe te gjithe te tjeret qe “themeluan” PKSH kane patur eksperience tjeter perfshire dhe Miladinin.
Ore idiote jeni ju te gjithe , Enveri i paska vrare te gjithe keta deshmoret , po pushtuesi ca bente apo rrinte kot .Enverin mund ta gjykoni pas luftes , por nuk deshtoi vetem Enveri deshtoi i gjithe sistemi komunist .keshtu qe ti Qafuko futi ene nje dopio tjeter .
Ore Enveri sipas disa komentuesve ,ka qene kryetar xhandermarie apo anetar partie
Ne vijimesi te shpifjeve te Qafokut mbi vrasjet e bujshme, ne rastin e Vasil Shantos ben nje triillim absurd per personin jugosllav qe u kap gjalle. Kete person Qafoku e identifikon me Miladin Popovicin. Si eshte e verteta? Ne librin qe ka nxjerre Drejtoria e Pergjithshme e Arkivave te Shtetit ne vitin 1986 me materiale arkivore per Heronjte e Popullit te LANC ne dokumentin nr. 449 behet fjale edhe per deshmine e jugosllavit Naum Zafirof. Ky dokument i perket faqes 550. Ne krye te kessj faqe citohet emri Miladin qe i perket dokumentit nr448.Emri Miladin eshte i shoqeruar me nje yllth .Ne fund te faqes jepet shpjegimi per Miladin Popovicin ne fund te faqes 550. Aty ku permendet Zairofi edhe ky i shoqeruar me yllth, shpjegimi per te jepet ne faqen 551. Po si ka mundesi qe autoriteteve fashiste tu binte ne dore Popovici dhe ta linin te gjalle kur ai ishte ne listen e komunisteve te denuar me vdekje ne mungese? Edhe filmi Militanti e jep kete detaj te kapjes te jugosllavit. Eshte e turpshme te genjesh kaq trashe sic ben Qafoku ne librin e tij, jo vetem per Vasil Shanton por per nje sere figurash.
Si e provon Qafoku qe Nahum Zafirovi ishte Miladin Popovici? Popovici ishte themeluesi i PKSh dhe qendronte gjithe kohen me shqiptarin nr. 1 te PKSh, Enver Hoxhen. Ta merr mendja ty qe Popovici te kthehej ne nje bashkekorrier me Vasil Shanton. Vec kesaj Tempoja ishte ne kupolen e PKJ dhe jo Shantoja po edhe Popovici e kushdo tjeter ne Shqiperi I rinin gatitu.
Pse i censuroni komentet? Te kesh frike nga e verteta do te thote t’i besh fresket sajesave idioteske te Qafokut me shoke.