Te fundit
Kastrati rrit kuotat e aksioneve te Auto Star Albania (distributori i BENZ), e merr tërësisht në zotërim kompaninë
8 Dhjetor 2017, 09:10Politika
TEMA
Grupi Kastrati, më i madhi privat në vend sipas qarkullimit vjetor, ka rritur zotërimin që kishte në Auto Star Albania, e cila është përfaqësuesi zyrtar i Mercedes-Benz në Republikën e Shqipërisë.
Sipas transaksioneve të regjistruara në Qendrën Kombëtare të Biznesit (QKB), në tetor të këtij viti, është miratuara kalimi i 25% të aksioneve nga individi Basri Rruka tek Kastrati sha, shkruan Monitor.
Kastrati SHA, i cili si aktivitet kryesor ka tregtimin me shumicë të naftës, hyri për herë të parë si aksioner tek Auto Star Albania, në tetor të vitit 2015, kur bleu 75% të aksioneve për 855 milionë lekë (6.5 milionë euro), nga Basri Rruka, i cili kishte qenë themeluesi i kompanisë që në vitin 1996.
Për blerjen e 100% të aksioneve, kontributi total i Kastrati ka arritur në 1.14 miliardë lekë, ose rreth 8.3 milionë euro.
Auto Star Albania ka shënuar një përmirësim të aktivitetit, që kur ndryshoi menaxhimin dhe shumica e aksioneve kaloi tek grupi Kastrati në tetor të 2015-s.
Kompania ka dyfishuar të ardhurat në 1.7 miliardë lekë (rreth 12 milionë euro). Edhe shitjet e makinave janë shtuar ndjeshëm. Sipas të dhënave nga Drejtoria e Shërbimeve të Transportit Rrugor u targuan 139 automjete të reja në 2016-n, pothuajse dyfishim në raport me 2015-n.
Sipas të ardhurave, në vitin 2016, Auto Star Albania ishte koncesionari i tretë më i madh në vend. I pari ishte Porsche Albania mbetet operatori më i madh në këtë segment, qw rriti shitjet e automjeteve nga 404 në 659 nw vitin 2016, dhe të ardhurat u zgjeruan me 26% në 2.19 miliardë lekë.
Hyunday Auto Albania ishte i dyti, teksa pa një rritje të të ardhurave me 70%, në 2.18 miliardë lekë, teksa u targuan 353 automjete (rritje 53%).
Pas Auto Star Albania, renditet Mektrin Motors, që një pjesë të aktivitetit e ka edhe nga shitja e automjeteve të përdorura, që pa një rënie të të ardhurave me 22%, në 1.3 miliardë lekë. Shitjet e automjeteve të reja ranë me 23% në 121 makina.
Më pas renditet Albanian Motor Company, të ardhurat e të cilit u zgjeruan me 26% në 1.2 miliardë lekë. Shitjet u shtuan 54% në 310 automjete, duke u renditur i treti në numër, pas Porsche Albania dhe Hyunday Auto Albania.
4 komente në “Kastrati rrit kuotat e aksioneve te Auto Star Albania (distributori i BENZ), e merr tërësisht në zotërim kompaninë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bejne shaka keta te Monitor !?
Kastrati zoteron 75 % te Qeverise Shqiptare !
mos
Bravo Çeti! Na rrit edhe me shume çmimin e naftes tani se me leket qe i jep Lulit dhe Edit, e ke sigurine.
Po per kontrabanten qe ben ky me naften e mban pushtetin me leke pse s shkruani ju ? Po per biodizelin dhe per virxhinen qe ky eshte nona me ja fut popullit kur do shkruani?! Po pislliqet qe bente ne bankersat?!
Po hajde se ka Zot lart.