Te fundit
Fqinjët tregojnë momentet e tmerrit: E moshuara u dogj e gjallë në banesë prej rezistencës
21 Dhjetor 2017, 10:30Kronika
TEMA
Zjarri shkrumboi një banesë në Devoll, ku për pasojë humbi jetën tragjikisht një 85-vjeçare.
Dëshmitë e fqinjëve të të moshuarës Shyqyrie Bletaj kanë përcjellë momentet e tmerrit ku shprehen se në orën 21:30 të mbrëmjes së djeshme kanë dëgjuar që në shtëpinë ku banonte e moshuara po thyheshin xhama.
“Pamë që shtëpia e Shyqyrie Bletajt kishte marrë flakë dhe lajmëruam policinë dhe zjarrfikësen. Zjarrfikësja erdhi në kohe por s’mundi të bënte asgjë”, tha fqinji për BW.
Ndërkohë ata shprehen se shkak i zjarrit mund të jetë bërë një rezistencë që e moshuara e përdorte për t’u ngrohur.
NJOFTIMI I POLICISE
Më datë 20.12.2017, rreth orës 22.30, kemi marrë njoftim se në fshatin Bitinckë-Devoll, ka rënë zjarr në banesën e shtetases Sh.B, rreth 85 vjeçe.
Në vendin e ngjarjes ka shkuar Zjarrfikësja, për të bërë të mundur fikjen e zjarrit, si edhe shërbimet e Policisë. Por si pasojë e flakëve ka gjetur vdekjen shtetasja e mësipërme, e cila jetonte e vetme në këtë banesë.
Nga hetimet paraprake dyshohet se kemi të bëjmë me ngjarje aksidentale.
Grupi hetimor po punon për të përcaktuar shkaqet e rënies së zjarrit dhe zbardhjen e rrethanave të ngjarjes.(TemA)
Lini një Përgjigje
Më të lexuarat
24 oret e fundit
Javen e fundit
Blog Tema
