Te fundit
Ilir Meta sqaron lidhjet me Adriatik Llallën
29 Dhjetor 2017, 09:22Politika
TEMA
Ilir Meta është përfolur shpesh si mentori i ish-kryeprokurorit Adriatik Llalla.
Por duke folur dje në “Opinion”, ai është distancuar nga zërat që e shihnin Adriatik Llallën si vegël të tij.
“Për aq kohë sa unë kam drejtuar LSI-në, nuk ka patur asnjë rol asnjëherë për emërimin e asnjë prokurori, jo vetëm të përgjithshëm, por edhe në nivele të tjera, dhe të asnjë gjyqtari.
Kështu që të gjitha përpjekjet për të personalizuar reformën duke u mbështetur në problemet që mund të ketë një institucion apo një tjetër, duke e lidhur me një emër të caktuar, për mua janë banale dhe unë si president mund të them vetëm një gjë: reforma do të ecë përpara dhe do të prodhojë ato rezultate të cilat dëshirojnë qytetarët shqiptarë vetëm mbi bazë të shinave kushtetuese dhe veneciane.
Çdo devijim nga shinat kushtetuese dhe veneciane do të prodhojë politizim, personalizim, banalizim dhe thjeshtë do t’i shërbejë acarimit të luftës politike”, tha Meta, duke thumbuar ambasadorin Donald Lu, për përplasjet e tij me kryeprokurorin Adriatik Llalla.
I pyetur për mosdekretimin e Helidon Bendos në krye të Shërbimit Informativ Shtetëror, presidenti tha se do të marrë një vendim kur të jetë i bindur se ky institucion do të jetë i pavarur.
Ndërsa sqaroi se letra që ai i dërgoi presidentit Trump ku i kërkonte ndjesë për votimin e Shqipërisë në Organizatën e Kombeve të Bashkuara nuk ishte kundërvënie ndaj kryeministrit, por një pozicionim i tij në raport me Shtetet e Bashkuara dhe shqiptarët.
Ai tha se nga Presideneca nuk ka patur asnjëherë një rekomandim apo udhëzim që ambasadori ynë të dënonte një veprim sovran të Shteteve të Bashkuara.(TemA)
2 komente në “Ilir Meta sqaron lidhjet me Adriatik Llallën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahahahahahaha!
Shoku Ilir për emërimin e kreut të Sh .i.Sh. ska ça të presësh se ai ka qenë zëvendës kaq vite por ti do garanci për ty është pro teje apo pro ligjit turpë nukë e meritoje Presidentë por të shpresojmë se je për pakë çdo ditë që kalon po e zbuloni fytyrën e pisët shiko Monikën për të kuptuar gjëra të tjera