Te fundit
VIDEO: Asambleja e Partisë Socialiste nis punimet, analizë 100 ditëve të para të qeverisjes
6 Janar 2018, 10:15Politika
TEMA
Partia Socialiste ka nisur punimet e Asamblesë Kombëtare për të analizuar 100 ditët e para të qeverisjes “Rama”.
Fjalën hapëse e ka marrë Sekretari organizativ Taulant Balla i cili u ndal tek situata brenda partisë.
“Qeverisja jonë përbëhet nga 3 pjesë, partia, grupi parlamentar dhe qeveria, por është një proces i vetëm, nëse të treja pjesët bashkëjetojë në harmoni…partia është baza dhe ura lidhëse me njerëzit e zakonshëm.
Jemi larg pozicionit ku duhet të gjendemi në çdo qark pa asnjë përjashtim.
Kohën e nevojshme e kemi para por nëse dielli duket që në mëngjes, 100 ditët e para kanë kaluar por 200 të tjera janë përpara për të shpërbërë gjendjen aktuale gri të partisë sonë”, u shpreh Balla.
Deputeti socialist u ka tërhequr vëmendje delegatëve që nuk janë angazhuar për realizimin e funksioneve dhe detyrave të tyre.
Në këtë mbledhje mësohet se ministrat e qeverisë “Rama2”, do të bëjnë bilancin e realizimit të objektivave që prezantuan tre muaj më parë në asamblenë e 7 tetorit.
Kjo është analiza e parë që qeveria bën për qeverisjen e saj e vetme, ndërsa peshën ia ka vënë dhe bashkëqeverisjes me qytetarët.
Se si ka ecur platforma e bashkëqeverisjes me qytetarët, do të ketë një raportim të Koordinatores Kombëtare për Bashkëqeverisje, Elisa Spiropali, e cila zëvendësoi Saimir Tahirin në këtë detyrë.
Në mbledhjen e së shtunës, sekretariati ekzekutiv mësohet se do të pësojë ndryshime. Pritet të ketë emërtime të reja të sekretarëve, duke ndryshuar dhe funksionin e tyre, ndërsa nuk priten ndryshime të emrave aktualë.
Aktualisht 8 sekretarët e PS janë Bashkim Fino, Alfred Peza, Musa Ulqini, Stefan Çipa, Elisa Spiropali, Blerina Gjylameti, Ilir beqaj, dhe Taulant Balla, i cili prej muajsh mban postin e Sekretarit të Përgjithshëm të Partisë Socialiste.
Në asamble, pritet të mbajë fjalën e tij edhe kryesocialisti Edi Rama. Me interes pritet të dëgjohen prej tij prioritetet e qeverisë për vitin 2018,” tha Balla.
Ndërkohë, kreu i PS-së Edi Rama ka shpërndarë 4 pikat kyçe ku do të mbështetet mbledhja e sotme.
“-Raporti i 100 ditëve të para të qeverisjes dhe prioritetet për vitin 2018;
-Informacion mbi procesin e “Bashkëqeverisjes me Njerëzit”;
-Informacion për ecurinë e procesit të zgjedhjeve në strukturat vendore të partisë;
– Miratim i Agjendës Vjetore Politike dhe Organizative të PS për vitin 2018″, shkruan Rama në Facebook. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
