Alibia e rrëzuar e ndërhyrjes politike dhe përdorimi i Top Channel, si agjent i Armand Dukës

“UEFA është e informuar për atë që po ndodh me zgjedhjet e datës 7 shkurt”. Kështu është shprehur ndër të tjera drejtori i Komunikimit Pedro Pinto, gjatë një interviste me Top-Channel.

Është një qëndrim formal dhe që ngjan si apel për zbatimin rigoroz të rregullave dhe statutit të Federatës Shqiptare të Futbollit, e cila është pjesë e UEFA-s.

Kjo është një shenjë e mirë për të gjithë procesin zgjedhor, i cili duhet thënë se po synohet të menaxhohet nën një kontroll absurd të problemeve thelbësore që kanë dalë tanim në sipërfaqe.

Sjellja e ekipit drejtues të FSHF-së me shoqatat rajonale dhe jo vetëm si dhe me faktin publik të një kallëzimi penal nga një prej anëtarëve të Asamblesë së Përgjithshme, provon se në procesin zgjedhor po investohen interesa të cilat ecurinë ligjore të tij e kanë pikë të fundit.

Për fat të keq këtë qasje po e asiston edhe një pjesë e mediave, edhe ato kryesore si Top-Channel që u bë pjesë e fushatës duke u pajtuar si agjent mediatik me intervistën e Pintos.

Dje u bë publik lajmi, i papërgënjeshtruar ende, se ekipi i xhirimit të TCH ishte në Zvicër bashkë me presidentin aktual të FSHF-së, Armand Duka dhe presidentin e ekipit të Skënderbeut, Ardian Takaj.

Çka lë një shije jo të mirë pasi dihet se kur nuk ka raportim të paanshëm, atëherë ka interferim dhe rreshtim me një pale.

Duhet thënë se intervista me Pinton nuk ka qëlluar në shenjë, qoftë në formë, qoftë në përmbajtje.

Çdo medieje do t’I interesonte që për një çështje që ka kaq interes të merrte zërin e një zyrtari kryesor, ndërkohë që në këtë rast UEFA është distancuar me takt, duke nxjerrë për të folur zëdhënësin e vet. I cili siç është edhe në praktikën e sotme, mundet fare mirë të flasë edhe përmes e-mailit.

Një vlerësim patjetër që meritojnë edhe pyetjet e bëra. Aty këmbëgulet për interferencën politike në fushatë, meqenëse siç dihet, kjo është një problem për të cilin FIFA dhe UEFA kanë dispozita ta qarta statutore dhe qëndrime kategorike.

Nuk është e vështirë të shikohet në këtë këmbëngulje një tematizim i shqetësimeve të njëanshme të një kandidati, z. Duka, që ka folur përherë për faktin se Fino vjen nga politika dhe kësisoj kemi të bëjmë me një anomali.

Është detyra e një medieje që të raportojë edhe se kur flitet për interferencë politike në kuptimin që ajo merr në statutin e dy organziatave kryesore të futbollit, flitet për ndërhyrje në vendimmarrje, apo për ndërhyrje në ndryshimin e ekipit drejtues.

Ky nuk është rasti, pasi FSHF-ja aktualisht është në proces zgjedhor dhe siç është bërë tashmë e njohur publikisht, problem kryesor i këtij procesi janë jo ndërhyrjet politike, por PROCEDURAT.

Bashkim Fino dha dorëheqjen nga funksionet politio-partiake, ndërkohë që edhe vendimi i Drejtorisë së Tatimeve për të kontrolluar klubet sportive, u shty pas zgjedhjeve për të mos ndikuar procesin.

Të dyja janë akte që çlirojnë çdo paragjykim dhe duhet nënvizuar një gjë: për vendimin e dytë, pra për kontrollin e DPT-së janë dhënë dy versione: z. Duka deklaroi se ai i ka kërkuar ministrit të linjës që ta shtyjë kontrollin, ndërkohë që vetë ministri ka deklaruar se e mori këtë vendim me këmbënguljen e kryeministrit.

Çka na jep të kuptojmë se kontakti me politikën në këtë rast ka qenë presidenti aktual i FSHF-së.

Nga kjo pikëpamje, shqetësimi për interferencën politike është artificial dhe i pashpjeguar në përkufizimin që ka ai në dokumentet e FIFA-s dhe UEFA.

Në këtë lojë spekullimi po ndihmon për fat të keq edhe media në fjalë, mesa duket e zhgënjyer nga intervista që ka realizuar, kur në një nga përgjigjet e Pintos, thuhet qartë:

“Sa i përket procesit të zgjedhjeve UEFA do të sjellë në Shqipëri një grup të fortë delegatësh që do të ndjekin procedurat dhe të sigurojnë mbarëvajtjen e procesit. Do të na duhet të sigurojmë kryesisht që delegatët të mos ndjejnë asnjë presion gjatë procesit të votimit dhe që vota të mbetet sekrete.

Ne do të monitorojmë situatën nga shumë afër që çdo gjë që parashikon rregullorja të ndiqet dhe më pas do të kemi një raport nga delagatët tanë. Vetëm pas këtij procesi UEFA do të vlerësojë situatën”.

Ky paragraf e kërkon logjikisht pyetjen e radhës për mosregjistrimin e shoqatave në gjykatë, që vënë në diskutim legalitetin e Asamblesë së FSHF-së.

Dhe e kërkon sepse flagranca e shkeljes është e tillë, saqë nuk mund të neglizhohet, vetëm në rast se intervista ndjek jo arsyetimin gazetaresk, por një axhendë paraprake.

Në lojë pra janë procedurat dhe rregullat dhe aspak interferenca e kërkuar politike si alibi për të mbuluar disa shkelje, të cilat po kërkohen të korrigjohen rrugës, por pikërisht për këtë arsye konfirmojnë problem themelore në funksionimin e FSHF-së.

Zgjedhjet janë procedurë dhe zbërthimi i shkeljeve është një nga detyrat dhe interesat kryesorë të një medije.

Sidomos në rastin e Top-Channel, drejtori i ri i Informacionit të të cilit, është ai gazetar që në zgjedhjet lokale të vitit 2011, raportoi gabime në informimin që KQZ-ja i bënte opinionit.

Shkalla e këtij ndryshimi na bën të kuptojmë edhe se me çfarë metri profesional do të raportohen edhe proceset zgjedhore politike.

Do të ishte po ashtu kurioze të kërkohej mendimi i z. Pinto për vlerësimet që ai jep për administratën e FSHF-së, ndërkohë që e mira e punës e do që për të tilla gjëra, edhe kur ato janë objektive, të mbahet heshtja. A është në dijeni p.sh z. Pinto, apo drejtues të UEFA-s, apo edhe delegatët e saj që presupozohet se kanë ardhur në Shqipëri për përdorimin që po i bëhet kësaj interviste?

Një qëndrim zyrtar i UEFA-s do të ishte ndihmues në këtë drejtim, sepse dihet se fjalët e një interviste janë krejt tjetër nga ato të një deklarate zyrtare.(Respublica)

Ndryshon totalisht formacioni i Kukësit, ky është ekipi i ri që ka ndërtuar Pakult

11:05 Sport

Prapaskenat: Sherr te Partizani mes trajnerit dhe mesfushorit Lorenc Trashi

10:42 Sport

Lika fikson Luftëtarin e 2018-ës, tre emra të rinj në formacionin e gjirokastritëve

10:21 Sport

Shoqatat fantazmë, Fino: Të mos guxojnë të afrohen në Durrës ku kryhen zgjedhjet e FSHF-së

22:19 Sport

Bashkim Fino: Nëse zgjidhem president i FSHF-së heq dorë nga politika

21:18 Sport

Renditja e IFFHS, Skënderbeu i 47-ti në botë, lë pas ekipe si Dortmund, Ajax e Schalke

20:54 Sport

Zidane: Nuk e mendoj Realin e Madridit pa Ronaldon

19:29 Sport

Shkëlqen Abazaj, Luftëtari barazon ndaj Nasaf

16:38 Sport

Partizani barazon ndaj Berliner, shënojnë blerjet e reja

16:15 Sport

Zgjedhjet e FSHF-së, UEFA: Do e monitorojmë situatën nga afër, flasim pas procesit

15:45 Sport