Te fundit
ANALIZA: Si u themelua dhe si funksionon Gjykata Speciale për krimet e luftës në Kosovë?
20 Janar 2018, 17:34Rajoni
TEMA
Si u themelua dhe si funksionon Gjykata Speciale për krimet e luftës në Kosovë?
Në Kosovë quhet Gjykatë Speciale dhe në përgjithësi kështu e quan gjithë shtypi shqiptar. Në tekstet në gjuhën gjermane përdoret termi Gjykata e posaçme e OKB-së.
Në tekstet në gjuhën angleze përdoret Gjykata e krimeve të luftës. Faqja e internetit e vetë gjykatës përdor në shqip “Dhomat e Specializuara” dhe “Zyra e Prokurorit të Specializuar”.
Në fakt nuk ekziston asnjë precedent i qartë ligjor.
Çfarë është Gjykata speciale?
Gjithçka filloi në dhjetor 2010 me raportin e përgatitur për Këshillin e Evropës, për “trajtimet çnjerëzore dhe trafikimin me organe” në Kosovë, të quajtur raporti i Dick Marty-t.
Mbas miratimit të raportit, EULEX krijoi një Forcë Speciale për hetimet (SIFT).
Kosova nënshkroi më pas me BE-në një marrëveshje ku zotohej për zbatimin e shtetit ligjor. Marrëveshja u kthye në ligj pas miratimit nga Parlamenti i Kosovës në gusht 2015.
Kështu u hap rruga për të krijuar Zyrën e Prokurorit të Specializuar.
Taskforca u bë pjesë e Zyrës së Prokurorit të Specializuar në shtator 2016, kur u bë emërimi i Prokurorit.
Në fakt u krijuan dy institucione të ndara dhe të pavarura: Zyra e Prokurorit të Specializuar dhe Dhomat e Specializuara. Të dy këto institucione kanë mandat për pesë vjet dhe janë me seli në Hagë.
Dhomat e Specializuara përbëhen nga administrata dhe Gjykatat e Specializuara.
Dhomat i bashkangjiten sistemit gjyqësor në Kosovë në të gjitha nivelet. Çka do të thotë se Gjykata Themelore, Gjykata e Apelit dhe Gjykata Supreme në Kosovë do të kenë nga një Dhomë të Specializuar që do merret me krimet.
Cilat krime?
Ndërkohë që është e vështirë të kuptosh strukturën e Gjykatës, është shumë e qartë për çfarë krimesh bëhet fjalë.
“Zyra e Prokurorit të Specializuar që drejtohet nga Prokurori, ndjek penalisht krime që përfshihen në juridiksionin e Gjykatës dhe përcaktohen me ligj.
Ato janë krime lufte dhe krime kundër njerëzimit të kryera në vitet 1998, 1999 dhe 2000, në atë territor ku sot shtrihet Republika e Kosovës, të kryera nga njerëz që i kap ligji, krime për të cilat është raportuar në raportin e Dick Marty-t”, thotë Christopher Bennett, zëdhënës i SIFT.
Ndjekja e krimit quhet politizim?
Lidhur me akuzat për politizim, Christopher Bennett, i tha Deutsche Welle-s: “Prokurori i Specializuar dhe Zyra e Prokurorit të Specializuar bazohen tek ligji dhe tek faktet.
Puna e tyre nuk influencohet nga etniteti, orientimi politik ose nga çështje që lidhen me pavarësinë e Kosovës.
Zyra e Prokurorit të Specializuar drejtohet krejtësisht nga përgjegjësia, që të nxjerrë para ligjit me një proces të drejtë të gjithë ata që kanë kryer krime, që përfshihen në juridiksionin e saj. Këto procese gjyqësore do të zhvillohen jashtë Kosovës, siç e parashikon ligji, në mënyrë që të sigurohet mosndikimi nga politika.
Duke aprovuar ligjin, Kosova pranoi bashkëpunimin për zbatimin e shtetit juridik dhe trajtimin jopolitik të raportit të Marty-t.
Kjo është diçka që Prokurori dhe Zyra e Prokurorit të Specializuar e marrin shumë seriozisht”, ve në dukje zëdhënësi Christopher Bennett.(DW)
3 komente në “ANALIZA: Si u themelua dhe si funksionon Gjykata Speciale për krimet e luftës në Kosovë?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keto paljaco me ne krye antishqipetarin Dick Marty shpiken nje gjykate antishqipetare vetem e vetem qe ti bejne qejfin rusise dhe serbise fashiste. Shume shpejt do te dale e verteta e miliona eurove qe Dick Marty dhe Carla del Ponte kane marre si shperblim per ate ” rraportin e famshem” ( njeri si hartues dhe tjetri si mbeshtetes). Keto te dy jane burrokrate tipik liberal europiane te zote per asgje , qe vete skane bere asgje per te miren e njerezimit perveqse konsumuar lirine dhe prosperitetin e sjelle nga te tjeret ne vendet ku ato fatmiresisht kane lindur. Ato nuk e kuptojne dhe kurre sdo ta kuptojne se si eshte te luftosh per liri. Shteti Shqipetare (si pale e akuzuar ) duhet ti hedhe ne gjyqe keto paljaco dhe ti detyroje qe medeomos te paraqiten personalisht si deshmitare ne Hage
dhe ti tregojne botes edhe njehere ate perrallen fantastiko-shkencore me tregti organesh ” ne shtepine e verdhe” .
Po ne Serbi a shte ngritur ndonje Gjykate Speciale per te hetuar mijera te vraret, zhdukurit pa gjurme, perdhunimet, shkaterrimet etj etj qe kreu ushtria serbe ne Kosove?!
nuk po kuptohet fare se qka po ndodh me ne shqipteret evropa eshte e njet lavire sikur ieshte me pare sa gjykata duhet mi vendeos ne kosove ketu shkelet direkt kushtetuta e kosves dhe pavarsija e nje shteti kosova ma heret ka qen e poshtuar nga serbija e sod eshte e okupuar nga bashksija nderkombtere po luajn me ne keto jan lojra te serbis dhe te rusis me ndimen e evropes po ku kan ber trafikim organesh ukq eshte genjeshter e pa par ndonje her po sa serb jan zhdukur qe te trafikojen organet ky eshte nje turp i madh jan me mira shqipter te zhdukur ende nuk dihen per fatin e ture as eshterat nuk i duhen se ku kan po nese dikush ka ber trafikim organesh eshte ushtrija e milloshoviqit qe ka ber ket se ka vra me mira shqipter te pa fajshum e ka zen rob me mira se kerkush nuk po flet mer viktimat e popollates shqiptere