“Peshqit e mëdhenj”, zbardhet plani Xhafaj- Marku

Ministri i Brendshëm Fatmir Xhafaj dhe kryeprokurorja e përkohshme Arta Marku kanë firmosur një marrëveshje bashkëpunimi, për luftën kundër krimit të organizuar.

Dy zyrtarët janë takuar sot dhe kanë firmosur dokumentin zyrtar të bashkëpunimit, sipas të cilit, të dyja palët kanë hedhur në letër angazhimet dhe detyrat e tyre.

Veprat penale që u referohet marrëveshja janë ato të lëndëve narkotike dhe pastrimit të parave, korrupsioni, pasuria në sferën ekonomike, shoqërive tregtare, në fushën e tatim-taksave, sekuestrimi dhe konfiskimi i aseteve kriminale dhe vepra të kryera nga subjekte të posaçme të përcaktuara në nenin 135/2 të Kushtetutës.

Ky nen përfshin veprat penale të korrupsionit dhe të krimit të organizuar, si dhe akuzat penale kundër presidentit të Republikës, kryetarit të Kuvendit, kryeministrit, anëtarit të Këshillit të Ministrave, gjyqtarit të Gjykatës Kushtetuese dhe të Gjykatës së Lartë, prokurorit të Përgjithshëm, inspektorit të Lartë të Drejtësisë, kryetarit të Bashkisë, deputetit, zëvendësministrit, anëtarit të Këshillit të Lartë Gjyqësor dhe të Këshillit të Lartë të Prokurorisë, dhe drejtuesve të institucioneve qendrore ose të pavarura, të përcaktuara në Kushtetutë ose në ligj, si dhe akuzat kundër ish-funksionarëve të sipërpërmendur.

Sipas këtij dokumenti, Prokuroria e Përgjithshme merr përsipër të krijojë seksione të posaçme të përkohshme në Prokurorinë e Krimeve të Rënda dhe në Tiranë, Durrës, Elbasan, Shkodër, Fier, Korçë, Gjirokastër dhe Lezhë.

Prokurorët që do të caktohen në këto Seksione të Posaçme do të kalojnë paraprakisht një proces verifikimi të pasurisë dhe integritetit nga Prokuroria e Përgjithshme, proces që do të realizohet në bashkëpunim me SHISH, ILDKPI dhe DSIK.

Brenda 5 ditëve, Prokuroria e Përgjithshme do të caktojë prokurorët në këto seksione ku një prej tyre do të jetë drejtuesi, ndërsa në Prokurorinë e Përgjithshme do të caktohet një prokuror/koordinator ndërmjet seksioneve të posaçme dhe Task-Force Speciale Qendrore.

Madje, në marrëveshje thuhet më tej se për të shmangur nxjerrjen e sekretit hetimor, shërbimet e policisë gjyqësore do të dërgojnë materialet në seksione në mënyrë të drejtpërdrejtë, jashtë shërbimit postar.

Ndërsa detyrat e Ministrisë së Brendshme, që rrjedhin nga kjo marrëveshje, janë përfaqësuesit e saj në Task Force Speciale Qendrore dhe Rajonale, që do të bashkëpunojnë me prokurorët e Seksionit të Posaçëm.

Ministria do të sigurojë mbrojtje dhe siguri fizike për prokurorët dhe familjarët e tyre, kur u vihet jeta në rrezik.

Secila palë merr përsipër të bashkëpunojë me qëllim zbatimin e detyrimeve që rrjedhin nga kjo marrëveshje.

Për çdo rast të mos përmbushjes së detyrimeve, çdo palë informon palën tjetër dhe marrëveshja hyn në fuqi dhe zbatohet deri në krijimin dhe funksionimin e Prokurorisë së Posaçme.

Nikoll Lesi i jep zemër Koço Kokëdhimës: Është Avni Rustemi i ditëve tona, e miklon ideja të vrasë Ramën

10:54 Politika

Vangjel Dule: Marrëveshja e Berishës me Greqinë në 2009-n për detin ishte e drejtë, Rama na prishi me grekët

10:41 Politika

"Komuniteti ndërkombëtar kërkon rezultate konkrete", Donald Lu shkon në zyrën e Ramës për...

10:26 Politika

FOTOT: U nxorri gishtin e mesit, rrjeti masakron deputetin demokrat

10:24 Politika

INTERVISTA/ Pëllumb Xhufi: E vërteta e “faljes” së detit Greqisë dhe pse ngritja e varrezave greke në Shqipëri është një akt i rrezikshëm

09:45 Politika

REPLIKAT/ Basha zihet me Fatos Lubonjën: Ti je mashtrues dhe marksist, të të vijë turp. Do merrem dhe me Samir Manen, Gecin e Kastratin

23:30 Politika 1 koment

Arben Ahmetaj sfidon Bashën: Nëse Klodian Zoto ka qenë në makinë me mua, jap dorëheqjen. Nëse jo, e jep ti?

23:24 Politika

Shkëlzen Berisha merret natën vonë në në Prokurori: Numërimi mbrapsht ka filluar...

23:11 Politika 1 koment

Ekstradimi i "financierit" të Habilajve, Rama: Një xhep fallco i opozitës, po të kishte ndodhur e kundërta...!

21:47 Politika

Marrëveshjet me Greqinë, Idrizi: Po avancon axhenda greke

21:28 Politika