Te fundit
Kryepeshkopi Janullatos i bashkohet fushatës së gjelbërimit, do mbjellë pemë. Ministri Klosi: Me bekimin tuaj...!
7 Shkurt 2018, 09:53Sociale
TEMA
Ministria e Turizmit dhe Mjedisit ka shpallur Ditët Kombëtare të Pemëve me datat 23 dhe 24 shkurt të cilat për herë të parë do të mbahen këtë vit.
Mësohet se edhe kryepeshkopi i Kishës Ortodokse Autoqefale të Shqipërisë, Anastas Janullatos, do t’i bashkohet fushatës së gjelbërimit të Shqipërisë të iniciuar nga ministri Klosi.
Ka qenë vetë ministri i Turizmit dhe Mjedisit, nëpërmjet një postimi në profilin e tij zyrtar në FB, që ka lajmëruar pjesëmarrjen e tij.
“Faleminderit fortlumturia Juaj, Imzot Anastas që i bashkoheni Ditëve të Pemëve, më 23 dhe 24 shkurt!
Me bekimin Tuaj dhe kontributin e çdo besimtari, kjo fushatë gjelbërimi do të jetë më e madhja, që ka parë vendi në 3 dekadat e fundit!”, shkruan ministri Klosi, duke ripostuar një status të zv.ministres Ornela Çuçi e cila ka zhvilluar një takim me kreun e Kishës Ortodokse.
Për Ditët e Pemëve që do të festohen çdo vit me mbjellje fidanësh si dhe për të gjithë fushatën e pyllëzimit ministri Klosi ka bërë vazhdimisht apel qytetarëve dhe bizneseve që të bashkohen me qëllim rigjenerimin e mjedisit të dëmtuar rëndë në dekadat e fundit.
“Me 20 milionë e 200 mijë pemë, Shqipëria do të jetë vendi më i gjelbëruar në rajon në vitin 2020!”- përmbyll statusin e tij ministri Klosi duke përsëritur zotimin e tij për zbatimin e nismës që synon të gjelbërojë masivisht Shqipërinë.
2 komente në “Kryepeshkopi Janullatos i bashkohet fushatës së gjelbërimit, do mbjellë pemë. Ministri Klosi: Me bekimin tuaj…!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ahhh te dhjefsha “imzotin” mu ne goje o Klosi.
paska rrjedh fare anastasi hahaha