Te fundit
Gjiknuri takon zv.sekretarin amerikan për energjinë: Bashkëpunim për projektet me interes të përbashkët
9 Shkurt 2018, 17:28Ekonomia
TEMA
Në përfundim të vizitës në Shtetet e Bashkuara të Amerikës, Ministri i Infrastrukturës dhe Energjisë Damian Gjiknuri u prit në një takim nga Zv.Sekretari i Departamentit të Energjisë Dan Brouillette.
Bashkëbiseduesit vlerësuan nivelin e lartë të bashkëpunimit mes Shqipërisë dhe Shteteve të Bashkuara për sa i takon çështjeve që lidhen me politikat e sigurisë energjetike dhe korridoret e gazit.
Ministri Gjiknuri njohu zyrtarin amerikan me përpjekjet e qeverisë shqiptare në reformimin e sektorit të energjisë, liberalizimin e tregut dhe ndërlidhjen me vendet fqinje. Në këtë kuadër, e çmueshme sipas tij ka qenë dhe ndihma e USAID për hartimin e dokumentit të Strategjisë së Energjisë.
Gjiknuri dhe Brouillette u ndalën edhe tek sektori hidrokarbur, fusha e kërkimit dhe shfrytëzimit të naftës dhe ecuria e projektit të Korridorit Jugor të Gazit pjesë e të cilit është dhe gazsjellësi TAP. Ministri Gjiknuri informoi Zv. Sekretarin amerikan për hapat në kuadër të hartimit të Masterplanit të gazit dhe më tej përspektiva për gazifikimin e vendit.
Gjiknuri theksoi se Shqipëria mirëpret investimet amerikane edhe në fushën e hidrokarbureve ndërsa ofron potenciale në këtë drejtim.
Zv.Sekretari Brouillette përgëzoi ministrin për rezultatet e arritura në kuadër të reformave në sektorin energjetik ndërsa shprehu gadishmërinë për të dhënë ekspertizë për ato çështje për të cilat qeveria shqiptare e shikon të nevojshme në sektorin e energjisë elektrike dhe fushën e hidrokarbureve.
2 komente në “Gjiknuri takon zv.sekretarin amerikan për energjinë: Bashkëpunim për projektet me interes të përbashkët”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
hahhahhahahhahahhaha, ja dhe nje mashtrim i rradhes , nga despotet shqiptare….
kam dy dite qe pres komentin, dhe ju TEMA apo policet tuaj e mbajne bllokuar, pse keshtu o lamashe? edhe sot as gjysmen e komenteve te mia nuk keni lejuar, pse o zagare, kujtoni se sdo dali e verteta apo kujt i trenmbeni apo lepieni…pushta!e merobajges e kazanit pleratik TEMA.