Te fundit
U grabitën 414 mln euro, Balla thirrje Prokurorisë: Hetojeni me seriozitet Shkëlzen Berishën, të ardhura marramendëse pa firmosur kurrë në një punë
15 Shkurt 2018, 16:19Politika
TEMA
Taulant Balla i bëri thirrje prokurorisë që të hetojë me seriozitet aferën e privatizimit të CEZ.
Kreu i grupit parlamentar të Partisë Socialiste, thotë se pas atij skandali qëndron djali i ish-kryeministri Sali Berisha, Shkëlzen Berisha.
Balla tha se djali i ish-kryeministri nuk ka firmosur asnjëherë në ndonjë punë ndërsa sot ka një pasuri marramendëse të cilën e justifikon me shpjegime absurde.
“Të gjithë e dimë që kjo është një çështje që duhet hetuar. I bëj thirrje Prokurorisë që ta hetojë këtë dosje me seriozitetin më të madh, të zbatojë vendimin e Gjykatës e Krimeve të Rënda që i ka kërkuar Prokurorisë që të marrë në pyetje të personave si Shkëlzen Berisha, Genc Ruli, Sali Berisha, sikur Nue Nikalaj.
I bëj thirrje prokurorisë që ky person të gjendet. Ndoshta komisionit hetimor ju shmang. Ky person duhet gjetur.
Ditën për diell ka tërhequr 6.8 mln euro, para të vërtetuara që kanë qenë pagesë komisioni, e thënë shqip pagesë seksesi për një privatizim më i dështuari dhe më i rëndi për shpinën e varfër të shqiptarëve, 414 mln euro dëmi i shkaktuar shqiptarëve.
Për sa i përket llokoçitjeve të të birit të babait, se paska punuar me punë të ndershme, një njeri që nuk i ka thënë një herë mirëmëngjesi punës.
Një njeri që nuk ka firmosur një herë në një vend pune dhe të vetmet të ardhura i ka deklaruar si komisione merrja këtij dhe çoja këtij.
Merrni librin e deklarimit të kontrollit të pasurisë, të vetmen punë me të ardhura marramendëse,” shprehet Balla. (TemA)
Lini një Përgjigje
Më të lexuarat
24 oret e fundit
Javen e fundit
Blog Tema
