Te fundit
FOTOT: Njihuni me tregtarin e veçantë, Dog
7 Mars 2018, 14:11Lifestyle
TEMA
Ka një shitës në rrugët e Vietnamit, i cili i sfidon të gjithë dhe gjithashtu i bën të gjithë të kthejnë qoftë edhe një herë kokën nga ai apo nga produktet që tregton.
Bëhet fjalë për një maçok 3-vjeçar dhe pronarin e tij, Le Quoc Phong, i cili e quan maçokun Dog (qen). Sëbashku ata punojnë prej kohësh në këtë treg. Si një tregtar i vërtetë, Dog është gjithmonë i veshur mirë dhe tërheq vëmendjen me veshjet e tij, teksa fiton para për të jetuar, shkruan tesheshi.
Ai duket si një yll rroku, teksa i pëlqejnë akulloret, të udhëtojë dhe të flejë gjumë. Sipas pronarit të Dog, maçoku ka shumë të dashura dhe shumë fëmijë nëpër qytet.
Le Quoc Phong thotë: “Maçokut tim i pëlqen të bëjë foto. Është shumë bashkëpunues kur vjen puna për të veshur kostumet. I kam vënë këtë emër të veçantë, Dog (qen) pasi zakonisht merr frymë dhe sillet si një këlysh. Kjo është edhe arsyeja pse Dog e mban gojën hapur në pjesën më të madhe të fotove”.
Fotot e tij janë duke pushtuar gazetat e revistat jo vetëm në Vietnam, por edhe në Tailandë e në Kinë. Le Quoc Phong thotë se disa persona mendojnë se Dog nuk ndihet aspak rehat me veshjet që mban në trup, por e kanë tërësisht gabim.
“Dog është shumë komod me këto veshje dhe mund të ecë rehat. Më ndihmon shumë në punë”, shprehet ai.
Lini një Përgjigje
Më të lexuarat
24 oret e fundit
Javen e fundit
Blog Tema
