Te fundit
Bashkëpunimi mes Tiranës dhe Lozanës, vizita e Veliajt jehonë në mediat zviceriane
17 Mars 2018, 19:57Sociale
TEMA
Krijimi i marrëdhënieve të ngushta në fusha të ndryshme mes Bashkisë së Tiranës dhe asaj të Lozanës, ka ngjallur interesimin edhe të mediave zviceriane të cilat i kanë dedikuar një hapësirë të veçantë.
Një nga mediat më të njohura në Zvicër, “LFM”, shkruan se Tirana kërkon të vendosë lidhjet me Lozanën për realizimin e një sërë projektesh të rëndësishme.
Në artikullin e tij, gazetari Margaux Habert thekson se Veliaj u tregua veçanërisht i interesuar në lidhje me infrastrukturën sportive të Lozanës, por edhe sa i përket fushës së kulturës dhe se kjo vizitë e parë ka si qëllim të çojë drejt shkëmbimeve konkrete mes dy qyteteve.
Media e njohur zviceriane shkruan se kryebashkiaku i Lozanës Grégoire Junod mirëpriti këtë bashkëpunim ndërmjet Lozanës dhe Tiranës.
Me ftesë të kryebashkiakut Grégoire Junod, kryebashkiaku Veliaj zhvilloi dje një vizitë në Lozanë me qëllim rritjen e shkëmbimit të eksperiencave dhe mundësive të bashkëpunimit midis dy qyteteve me synimin për ta kthyer Tiranën në një qendër rajonale të Ballkanit.
Ndërkaq, gjatë vizitës së tij në Lozanë, kreu i Bashkisë së Tiranës zhvilloi edhe një takim me komunitetin shqiptar që punon dhe jeton atje, si dhe me përfaqësues të politikës dhe të komunitetit të biznesit.
Veliaj bëri një prezantim të punës së bërë për transformimin e Tiranës dhe të projekteve për zhvillimin e turizmit.
4 komente në “Bashkëpunimi mes Tiranës dhe Lozanës, vizita e Veliajt jehonë në mediat zviceriane”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O tema boll botuat artikuj të porositur nga bashkia. Ku ka qytet në Europë që e çan menderen për bashkëpunim me Tiranën. Vetëm nëse duan mend si ti bëjmë lulishtet e tokat publike pallate, atje po kemi eksperiencë dhe mund të duan të mësojnë.
Erion Veliaj ,eshte Legjenda e Gjalle , qe do te mbahet mend si * makineria* me e fuqishme qytet ndertuese !
No comment !
Mos ka shkuar te mbjelli edhe aty peme ky mjerani…:)
Veliaj,duke qene kryebashkiak i nje qyteti relativisht te madh ,duhet te kerkoje me shume zhvillimin ekonomik,te marre valixhet ,ndonje ekspert dhe tu zere deren shumkombeshve hightech ne Shenxhen ,Seul ,Singapor …kudo……per investime ne industri.Ndryshimet e superstruktures duhet te shoqerohen me investime strukturale ,industri ,industri,,industri,kjo eshte rruga per ta bere Tiranen nje qender rajonale ,te tjerat jane fjale,fjale ,fjale .