Te fundit
VIDEO/ Kujdes, mund të merrni gjobë nëse kaloni këtë kryqëzimin në Bulevard
31 Mars 2018, 08:17Sociale
TEMA
Policia e Tiranës ka lajmëruar këtë të premte një rast apo precedent të shkeljes së rregullave rrugore, i cili do t’i interesojë të gjithë shoferëve në kryeqytet e madje edhe atyre që nuk jetojnë në Tiranë.
Policia ka postuar një video ku tregon një rast të shkeljes së rregullave të qarkullimit, të cilin e kryejnë shumë drejtues automjeti. Fjala është për kalimin nga Bulevardi i Kombit drejt Bulevardit Zhan d’Ark apo rrugës së Lanës pranë urës së madhe në afërsi të Piramidës.
Shumë drejtues makinash marrin kthesën nga Bulevardi kryesor drejt rrugës së Lanës e cila të çon drejt Piramidës, një lëvizje e cila do t’u kushtojë një gjobë të majme.
Njoftimi i policisë:
Policia e Tiranës, prej disa ditësh vijon punën me shërbime shtesë në funksion të zgjidhjes së shqetësimeve të ndryshme të adresuara nga qytetarët në numrin pa pagesë 112.
Nisur nga shqetësimet dhe konfuzioni që krijohet herë pas here në kryqëzimet kryesore të kryeqytetit, për shkak të mos respektimit të normave të sjelljes nga përdoruesit e rrugës, Policia Rrugore e kryeqytetit ka intensifikuar monitorimet dhe kontrollin me shërbime të organizuara, kryesisht për pozicionimin e mjeteve në korsitë e duhura të lëvizjes si dhe parakalimet e gabuara në afësi të kryqëzimeve, shkelje të cilat shkaktojnë trafik të rënduar dhe janë burim i shtuar për aksidente rrugore.
Gjatë kontrolleve të ushtruara sot në pika kontrolli, si Ura e Lanës në Bulevardin “Dëshmorët e Kombit”, kryqëzimi i rrugës “Jordan Misja” me rrugën “Asim Vokshi”, janë konstatuar dhe ndëshkuar 47 drejtues mjetesh për shkelje të rregullave të qarkullimit rrugor.
Në drejtim të rritjes së parametrave të sigurisë në fundjavë, Policia Rrugore e Tiranës, do vijojë kontrollet me Drager e Radar në të gjitha rrugët e Tiranës si dhe në autostradën Tiranë – Durrës – Tiranë me qëllimin e vetëm, rritjen e parametrave të sigursë së jetës në rrugë.
Policia Rrugore e Tiranës, është e angazhuar dhe e fokusuar jo vetëm në drejtim të parandalimit të shkeljeve rrugore, por edhe për të ndërhyrë e zgjidhur ato shqetësime të adresuara nga qytetarët për problematika të ndryshme që i përkasin Sigurisë rrugore duke garantuar një qarkullim sa më të sigurt e pa pengesa.
Policia Rrugore e Tiranës fton qytetarët që të denoncojnë çdo rast të shkeljeve të rregullave të qarkullimit rrugor, apo raste të abuzimit me detyrën të punonjësve të Policisë Rrugore, duke garantuar reagim të shpejtë e të paanshëm.(TemA)
5 komente në “VIDEO/ Kujdes, mund të merrni gjobë nëse kaloni këtë kryqëzimin në Bulevard”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po aty ka shenje semafori per majtas. Cudi. Shikoni Don Boskon eshts bere tmerr per banoret e policet tuaj zbythen nga te fortet qe kane lokale…..
Shumë mirë kjo gjë,
po trafikantët e drogës nuk pjerdhin as për 20 ,100 po 1000 euro gjobë.
Keta jane k… Me kete mase do te behet vargu i makinave mbi ure 1 km dhe do bllokohet trafiku kur te ndizet semafori i unazes me keq se c eshte
Teorikisht policia ka te drejte, Praktikisht eshte e pa realizueshme, sepse nese duhet ta besh kthesen majtas sipas asaj qe thote policia, duhet te presesh 3 here semaforin, dhe jo vetem kaq por te bllokosh dhe korsine e majte kur vjen nga Kisha katolike sepse vetem 3 makina mund te rrine mbi ure. Po kur jane 20 apo 30 makina qe duan te kthehen, ku do qendrojne qe te presin rradhen ato te shkretete apo Poshte ures?
E pra qe te vendosni gjoba me te drejte duhet te besh disa gjera qe robi mos ngelet para semaforit dhe mos dije ku te shkoje. Rregulloni qarkullimin dhe mundesoni njerezve nje trafik me te pershtatshem jo vetem ver gjoba.
Pastaj shikoni se jane ca rruge qe jane kthyer vertet ne parkim si psh. Vaso pasha, Adem Jashari, Dora D’istria etj. Skemi ku te kolojme me nje karroce femijesh apo me nje te meshuar per dore, se tratuareve i kan hypur makinat persiper. Per te mos e lene pa thene qe ka ende te forete qe me celuar ne dore dhe me femra ne krah as pjerdhin fare per semafor, tabele apo per policine!
Tung
Vendime trashanike. Skam fjale. Pak i renduar eshte trafiku e ne vend te mendojne masa per ta lehtesuar bejne te kunderten