PROFIL: Kush është Vitore Tusha? Gjyqtarja që la në burg Fatos Nanon

Vitore Tusha mban gradën doktore shkencash. Ajo është anëtare e Gjykatës Kushtetuese që prej vitit 2008 e gjithashtu anëtare e Këshillit të Emërimeve në Drejtësi.

Lindur më 26 nëntor 1960 në Tiranë, ajo u diplomua në vitin 1983 në Fakultetin e Shkencave Politike-Juridike, dega Drejtësi.

Nga viti 1983 deri në vitin 1990 ka ushtruar detyrën e Përmbarueses Gjyqësore në Gjykatën e Rrethit Tiranë dhe më pas deri në vitin 1992 ushtroi profesionin e avokatit.

Në periudhën 1992-1994 ka ushtruar detyrën e gjyqtares në Gjykatën e Rrethit Tiranë dhe në vitet 1994-2001 atë të gjyqtares në Gjykatën e Kasacionit. Në vitet 1999-2001 ka qenë kryetare e Kolegjit Civil të kësaj gjykate.

Në vitin 1997 merr gradën shkencore “Doktor i Shkencave Juridike”. Në vitin 2004 zgjidhet nënkryetare e Dhomës Kombëtare të Avokatisë. Nga viti 1986 e në vazhdim ushtron mësimdhënien si lektore e së Drejtës Civile dhe Procedurës Civile pranë Fakultetit të Drejtësisë dhe Shkollës së Magjistraturës.

Është bashkëautore në hartimin tekstit Procedura Civile. Ka marrë pjesë me cilësinë e ekspertes ligjore në hartimin e disa projektligjeve. Në mars 2008 është emëruar anëtare e Gjykatës Kushtetuese.

Tusha është mes gjyqtarëve që kanë shpallur si jokushtetuese çështje me ndjeshmëri të lartë publike, sikurse marrëveshja e detit, apo ligji i lustracionit, ndërsa u rreshtua mes gjyqtarëve kushtetues që i thanë po ligjit të vettingut.

Por, çështja më e bujshme e shqyrtuar prej saj është regjistruar gjatë kohës që mbante detyrën e gjyqtares së Kasacionit, nga viti 1994 deri në vitin 2001.

Në nëntor të vitit 1995 , Tusha rrëzoi kërkesën e ish-Kryeministrit Fatos Nano, i cili kërkoi lirim të parakohshëm nga burgu pasi ishte dënuar me 12 vite heqje lirie.

Megjithatë, Nano e la burgun para kohe, pasi ndryshimet e atëhershme në Kodin Penal e ricilësuan veprën për të cilën ai ishte shpallur fajtor, duke ulur edhe parashikimin e dënimit.

Tusha është gjyqtarja e radhës që i nënshtrohet Vettingut dhe me gjasa e para që e kalon këtë testim. Komisioni i Pavarur i Kualifikimit përmendi se ndaj gjyqtares në karrierën e saj ka patur pesë ankesa nga qytetarët për vendimmarrjet, nuk u dha asnjë konkluzion në këtë pikë.

Vendimi do të shpallet të enjten. Por nga gjetjet e evidentuara, parashikohet që Tusha të jetë e para gjyqtare ndaj të cilës do të vendoset vula pozitive, e përshtatshme për të qenë gjyqtare.(TCH)

Policia ndalon dy militantët e PD-së, reagon "selia blu": I kanë rrahur dhe ka shkuar ambulanca

16:48 Politika

Edmond Spaho: Nuk është kjo demokracia, t'ju vijë zor. Ja si më gjakosën

16:33 Politika

LSI kërkesë zyrtare për largimin e Ramës nga Parlamenti, ja letra për Ruçin

16:13 Politika

Kuksiani kërcënon live Arta Markun: Do të hakmerremi deri në pikën e fundit të gjakut, ke shkelur Kushtetutën

13:21 Politika 1 koment

Monika Kryemadhi: Rama është hajdut, opozita e bashkuar do t'ja marrë frymën

15:23 Politika

Masat e gjykatës për 23 protestuesit, Basha: Nesër të jemi masivisht që të rrëzojmë Ramën

15:16 Politika

Vendimi i gjykatës për protestuesit, reagon Berisha: E bëri kryetrafikanti Edvin Kristaq Rama, tani radhën e ka revolta e përgjithshme popullore

15:08 Politika

Ish i përndjekuri politik: Maskarenj, Basha emëroi te Avokati i Popullit hetuesin që torturoi Vilson Blloshmin dhe Genc Lekën

14:50 Politika

"Rruga e Kombit", PD reagon për vendimin e drejtësisë: Rama kapi sot edhe gjykatën

14:44 Politika

Ervin Salianji bëhet nostalgjik: Pasioni për drejtësinë dhe promovimi i të fortit...

14:29 Politika