Xhaçka pret homologun kroat: Bashkëpunim për modernizimin e FA

Shqipëria dhe Kroacia shprehën gatishmërinë për të çuar më tej bashkëpunimin dypalësh në fushën e Mbrojtjes, por edhe për ndihmën reciproke në rastet e fatkeqësive natyrore.

Në 9 – vjetorin e anëtarësimit në NATO të të dy vendeve, ministrja e Mbrojtjes Olta Xhaçka priti në Tiranë zëvendëskryeministrin, njëkohësisht ministër i Mbrojtjes i Republikës së Kroacisë Damir Krstičević, i cili po zhvillon një vizitë dyditore në vendin tonë.

Ministrja Xhaçka, i cilësoi Shqipërinë dhe Kroacinë si aleatë të dallueshëm dhe të besueshëm të NATO, si dhe vlerësoi kontributin e dy vendeve në gjithë angazhimet e Aleancës.

Zonja Xhaçka shprehu mirënjohjen për vëmendjen që Kroacia i ka kushtuar Republikës së Kosovës, duke e bërë pjesë të nismave rajonale.

Dy personalitetet shprehën gatishmërinë për rritjen e bashkëpunimit, si dy vende që janë faktorë qëndrueshmërie në Ballkanin Perëndimor.

Ministrja Xhaçka e njohu bashkëbiseduesin e saj me synimet e vendit tonë për modernizimin Forcave të Armatosura, si dhe diskutoi edhe për rritjen e kapaciteteve të tyre. “E njoha bashkëbiseduesin tim me synimet për modernizimin Forcave të Armatosura. Në këtë kontekst stafet tona të do shohin mundësinë e zhvillimit të një plani bashkëpunimi, duke vlerësuar fushat praktike dhe ushtarake të

konvergjencës midis institucioneve tona dhe Forcave të Armatosura. Arsimi, trajnimi dhe stërvitjet e përbashkëta do të jenë fushat e mundshme dhe shumë frytdhënëse.”- theksoi ministrja.

Pjesë e diskutimeve ishte edhe ndihma reciproke në rastet e fatkeqësive natyrore, nga të cilat Shqipëria dhe Kroacia janë prekur së fundmi.

Zëvendëskryeministri, njëherazi ministri i Mbrojtjes i Kroacisë përkrahu ngritjen e Qendrës së Ekselencës së NATO për studimin e fenomenit të luftëtarëve të huaj, terroristë, për të cilën ministrja Xhaçka e ftoi që vendi i tij të kontribuojë në mirëfunksionimin e kësaj qendre.

Zyrtari i lartë kroat vlerësoi angazhimin e Shqipërisë në të gjitha operacionet e NATO-s, si dhe ofroi mbështetje dhe bashkëpunim konkret në fushën e mbrojtjes. “Jemi të gatshëm dhe ofrojmë mbështetjen tonë që në të ardhmen e afërt të bëjmë policimin ajror të hapësirës shqiptare. 12 avionët që ne do të marrim deri në vitin 2022 nga aleati ynë , Izraeli, do na mundësojnë ne që të rrisim kapacitetin tonë për misione të tilla.”- u shpreh zoti Krstičević.

Ministrja Xhaçka vlerësoi propozimin, duke u shprehur se do të diskutohet në të ardhmen.

Në përfundim të takimit mes dy delegacioneve, dy zyrtarët dhanë nga një deklaratë për mediat e pranishme.

Parlajmërimi i Lu, reagon ashpër Shehu: Jam i shokuar, kërkoj të respektohen bindjet e mia

13:38 Politika

Protesta e kuksianëve, reagon Nishani: Reagimi i tyre ishte politik, ja si ta shrytëzojë protestën opozita

13:25 Politika

Meta del kundër mosbindjes civile të opozitës: Shteti qëndron në këmbë falë taksave, duhet dialog

12:51 Politika

“Ki kujdes”, Ylli Manjani i përgjigjet Donald Lu: Ndjesë që nuk debatoj dot me ty se... nuk jam deputet. Tritan Shehu: Jam i shokuar, kërkoj të respektohen bindjet e mia

12:41 Politika

Rama përballë analistëve: Ku i keni gjetur paratë për të ndërtuar vila në bregdet?

11:11 Politika

Monika Kryemadhi: Ambasadorët e huaj vijnë duke qarë në Shqipëri, por dhe ikin duke qarë. Rama është edhe fëmijë, edhe burrë...

10:26 Politika

Vrasja që tronditi Shqipërinë: Si u ekzekutuan në Mamurras dy biznesmenët më të pasur amerikanë dhe a kishte dorë Serbia në këtë ngjarje

09:34 Politika

Dënohet “peshku” i madh i tjetërsimit të tokave në Vlorë: Konfiskohet mega-prona në Zvërnec

09:25 Politika

Kryemadhi kërcënon Ramën: Të ikë vetë, nëse nuk e bën…! Unë do ndjek popullin nga mbrapa, fjala politike mbaroi

23:38 Politika

Rama "thumbon" Bashën e Berishën: Dëmi nga hapja para kohe, 150 milione euro. Rruga e Kombit po bie, do e shpëtojmë apo jo? Telenovelat me babin e gruan…

23:29 Politika