Kamza-Kukësi/ Pakult: Nuk jam i kënqur nga kjo fitore; Ndreu: Na mungoi fati

Trajneri i Kukësit, Peter Pakult, ka folur pas fitores së marrë në transfertë kundër Kamzës.

Tekniku i verilindorëve u shpreh se kundërshtari e dominoi ndeshje, duke shtuar se nuk është aspak i kënqur me lojën e bërë nga ekipi i tij.

“Pa dy dyshim që Kamza ishte ekipi më i mirë në fushë, sepse e dominoi ndeshjen. Ne shënuam një gol që në fillim të ndeshjes dhe nuk jam aspak i kënaqur me mënyrën si shkoi loja më pas.

Për pikët jemi në rregull, kurse për lojën në ndeshjen e sotme do të thosha se nuk do të më pëlqente ta shikoja në vazhdim. Duhet të ndryshojmë në lojë.

Ajo që në mungon ka të bëjë me qetësinë në pasime. Më parë  bënim një futboll më të bukur, sepse ishim më të qetë. Tani nuk është ai ekip që më pëlqen dhe do të përpiqemi të ndryshojmë. Sepse pikët i kemi, tani duhet të rregullojmë edhe lojën. Sot nuk i shfrytëzuam hapësirat që na u  krijuan, sidomos në pjesën e parë.

Ethemi bëri një ndeshje të mirë, edhe pse nuk luajti në pozicionin e tij. Punoi shumë dhe vrapoi shumë”, tha Pakult.

Ndërsa, trajneri i Kamzës Ramadan Ndreu u shpreh:

“Futbolli është delikat. Morëm një gol në rastin e parë të Kukësit. Mund të them se ishte gol aksidental. Futbollistët bënë një ndeshje shumë të mirë dhe ndikon edhe aspketi psikologjik. Ne do vazhdojmë të besojmë dhe performanca e ekipit më ngroh. Është një periudhë delikate ku futbollistët duhet të jenë të qetë nga ana psikologjike. Kjo pasi po luajmë shumë mirë dhe nuk po marrim rezultate.

Sot shpresonim të kishim edhe pak fat dhe nuk e patëm. Pasi goditëm dy herë shtyllën. Jam pak i stepur në këto momente. Karakteri im nuk më lejon që në këtë moment delikat unë të braktis ekipin. Mendoj se nëqoftëse vazhdojmë me këtë lojë edhe fati do na rikthehet. Të kesh një skuadër të pretendosh duhet që të paktën futbollistët të kenë luajtur 2-3 vite me njëri-tjetrin.

Një skuadër e ndërtuar rishtazi dhe e brishtë dhe kjo ishte arsyeja pse unë nuk kaloja në eufori që në fillim kur thonin se isha për Europë. Nuk ankohem për mungesat, por Frashëri që ka munguar sot ka ndikuar sot pasi na ka dhënë shumë këtë sezon. Po ashtu edhe Kuqi që ka pjekurinë e tij dhe skuadra e ndjeu në disa momente këtë mungesë”, deklaroi Ndreu.

Kategoria Superiore/ Partizani fitore me shkëlqim ndaj Laçit. Kukësi fiton përballë Kamzës

15:56 Sport

Seria A/ Torino fiton në shtëpi kundër Interit

14:38 Sport

Teuta – Vllaznia, çfarë dueli projektohet për mbijetesën

13:28 Sport

Flamurtari, Duro: Kam sërish besim tek fitorja ndaj Skënderbeut

12:53 Sport

Ish-trajneri i Flamurtarit: Donin të “hanin me dy duar”, Skënderbeu e meritoi dënimin

11:04 Sport

Veseli: Dua të qëndroj tek Empoli dhe të shkëlqej në Serinë A

10:07 Sport

“Bëhu më i fortë dhe mos u dorëzo kurrë”, mesazhi i skuadrës së “Partizanit” për tifozin

00:59 Sport

Çmenduri në “Etihad”, United përmbys 2-3 City-n, shtyhet festa e titullit

20:31 Sport

Bajerni shpallet zyrtarisht kampion i Bundesligës gjashtë javë para mbylljes

17:55 Sport

Komisioni i Disiplinës zbulon mashtrimin me listën e zgjedhjeve në Asamble

17:33 Sport