Borxhi publik në nivel global, më i larti që prej Luftës së Dytë Botërore

Kreu i Fondit Monetar Ndërkombëtar, Christine Lagarde, lëshon alarmin e borxhit.

Sipas saj, borxhi publik në nivel global ka arritur në 164 miliardë dollarë. Lagarde thotë se borxhi publik në ekonomitë e zhvilluara është në nivele që nuk janë parë ndonjëherë që prej Luftës së Dytë Botërore.

“Borxhi i lartë i bën qeveritë, kompanitë dhe familjet më vulnerabël ndaj shtrëngimeve financiare”, thotë Lagarde.

Drejtoresha e përgjithshme e FMN-së kritikon edhe tarifat mbi importet të vendosuar nga SHBA dhe Kina mbi mallrat e njëra-tjetrës, një zhvillim që është konsideruar gjerësisht si “lufta tregtare”.

“Tarifat mbi importet nuk janë rruga më e mirë për t’u përballur me disekuilibrat tregtarë”, thotë ajo.

“Qeveritë duhët të shmangin proteksionizmin në të gjithë format e tij. Historia na ka mësuar se shtrëngimet në import i dëmtojnë të gjithë dhe rëndojnë sidomos mbi konsumatorët e varfër”, thotë Lagarde.

Megjithatë, ajo është optimiste për rritjen ekonomike botërore dhe thekson se qeveritë duhet të përdorin rritjen aktuale për të çuar përpara reformat.

“Dritarja e mundësive është e hapur. Ne duhet të riparojmë çatinë në kohën kur del dielli.

Reformat e nevojshme mund të jenë shpesh politikisht të vështira, por janë më efikase dhe të lehta për t’u përmbushur kur ekonomia rritet. Ne kemi nevojë për më shumë kurajë, në zyrat e qeverive, në ato të kompanive dhe në mendjet tona”, thotë ajo.(TemA TV)

Rënia e euros: Si po ndikohen këstet e kredisë, çmimet e shtëpive, pagat, planet e udhëtimeve jashtë…

09:28 Ekonomia

Drejtoresha e Tatimeve: TVSH nuk shton detyrimet për biznesin e vogël

20:18 Ekonomia

"Si të mbajnë llogaritë për TVSH", Tatimet sqarim të rëndësishëm për bizneset (përfshirë të vegjël)

16:30 Ekonomia

SHIFRAT: Rritja e çmimeve të ushqimeve dhe një llogari mbi inflacionin e marsit

11:40 Ekonomia

FOTOT/ Ironia e tregtarëve: Duam qeveri Rama-Basha si ajo e 18 majit

11:16 Ekonomia

Erjon Braçe replikon me Top Channel: Pse nuk e përmendni Berishën dhe Bashën?

18:12 Ekonomia

Rënia e euros e dollarit: Kursimet në valutë të shqiptarëve zhvlerësohen me mbi 200 milionë euro në tre muaj

11:13 Ekonomia

Të ardhurat nga renta minerare: Në eksport 503 milion lekë

15:10 Ekonomia

Jetesa në Shqipëri, më lirë se në të gjithë rajonin

19:16 Ekonomia

Arben Ahmetaj, urdhër tatimeve: Mos gjobisni biznesin e vogël

11:08 Ekonomia