"Shpërthen" ish- kreu i PD, rivali i Bashës: Korrupsioni e droga ishin aty në të gjitha qeverisjet, por këta bëhen bashkë për punët e këqija. Të jepnin llogari...

Nuk ka kursyer askend ish kreu i PD, njeheresh dhe rivali i Lulzim Bashes per postin e kryetarit te PD ne zgjedhjet e fundit, Eduard Selami.

Ish-kandidati për kryetar i Partisë Demokratike, Eduard Selami lëshon akuza të forta në drejtim të politikanëve të lartë shqiptarë.

Selami, gjatë fjalës së tij në Forumin e UET, thotë se korrupsioni dhe droga kanë ekzistuar edhe gjatë qeverisjeve të mëparshme, por sipas tij, e keqja më e madhe e Shqipërisë është se politikanët “bëhen bashkë për punë të këqija”.

Duke iu drejtuar audiencës Selami thotë se “ata që keni lart” duhet të jepnin llogari përpara gjykatës për shkelje të rënda që kanë bërë.

Selami shprehet se edhe asi, si pjesa e madhe e elitës shqiptare që i ktheu kurrizin këtyre problemeve, ka gabimet e tij.

“Aty ishte droga, edhe ata që kanë qenë para këtë punë kanë bërë, edhe korrupsioni.

Dhe më e keqja për Shqipërinë është se këta janë bashkë për punët e këqija.

Edhe reforma në drejtësi ishte qëndrimi i Europës se këta nuk e duan.

Pjesa më e madhe e këtyre që keni lart duhet të jenë në gjykatë të japin llogari për abuzime serioze, shkelje serioze.

Këta nuk janë në gjykatë se këta gjykata janë vetë. Por po vjen kjo ditë, jo si hakmarrje por si shpresë. Dhe t’i hapet rrugë njerëzve të talentuar. Kështu bëhet shteti.

Këtu kemi gabuar, edhe unë mbaj pjesën time të përgjegjësisë, Elita i ktheu kurrizin.

Unë e pashë edhe te demokratët, kuptohet edhe unë kam ato të metat e mija, distanca dhe ikja, por edhe unë kam jetën time.

Por investimi tjetër që e kam kthyer dhe jam me dy atdhe.

Unë shkoj në SHBA kam jetën time bizneset e mija, unë aty reflektoj, frymëzohem”, tha Selami.

“U largova nga PD kur Berisha filloi të rrezikonte varkën. Ja roli i Azem Hajdarit”

“Nuk mund të jesh një person publik aktiv për 30 vjet. Kam qenë pedagog në Universitetin e Tiranës, ka qenë situatë jashtëzakonisht e vështirë të ishe mendjehapur atë kohë sepse Shqipëria mbeti në fund, e mbyllur brenda mbylljes. I vetmi model është Koreja e Veriut që i përgjigjet sot. Pastaj filluam dalëngadalë të lëvizim, studentët ishin të parët. Kam qenë dhe unë pjesë e kësaj lëvizje që dalëngadalë u krijua si forcë politike, aty filluan aksionet e mia politike si themelues i PD dhe sekretar i parë i përgjithshëm i PD, ku kryetar i parë ishte Azemi teknikisht dhe formalisht pastaj u bë Saliu.

Në 5 vitet e para Shqipëria ishte një histori e madhe suksesi dhe me standartet e Europës Lindore, gjërat filluan të lëvizin në ‘9 4 me referendumin që ne bëmë, ku presidenti i kohës pasi u zgjidh Sali Berisha nga kryetar partie u largua sepse ishte një nen në Kushetutë që nuk mund të jesh në pozicione të larta vendosi për të marrë më shumë seç duhet nga kompetencat e kësaj dhe këtu fillon ai akti im rebel sepse aty e pashë që prirja dhe sirenat e pushtetit jo se nuk i kishte Sali Berisha, i kishte, por ju forcuan kaq shumë sa filloi të rrezikonte të gjithë varkën dhe në fakt e rrezikoi. Kjo bëri dhe largimin tim, ishte prova ime e parë e forcës së karakterit se ajo që ti beson është më e rëndësishme se ajo që ti ke aty.

 Jam i vetmi kryetar partie që kam dalë dhe kam folur kur kam qenë kryetar partie dhe jo kur jam larguar. Pra jam larguar duke dhënë një ide sepse po shikoja se PD dhe Shqipëria po rrëshqiste nga një histori suksesi e admirueshme dhe zoti Berisha nga Havel i Ballkanit i projektuar dhe nga administrata amerikane në një histori autokrate që kishte me dhjetra. Nuk u shpëtua dot. 

Ajo solli ’96 manipulimin  e zgjedhjeve, pruri ’97 dhe rrëzoi Shqipërinë duke e sjellë në pikën e parë të nisjes, edhe më keq akoma. Aty u nda pjesa ime politike.Kam qenë 29 vjeç kur e kam filluar këtë punë. Mu duk sikur u shkëputa pak më shpejt nga dëshira ime e parë, ana akademike. Megjithëse isha i vetmi kryetar partie që jepja mësim në atë kohë.

Nuk doja të bëhesha pjesë e kapitullit të dytë që politika të konsiderohej si përfitim personal  dhe jo si shërbim ndaj publikut dhe qytetarit. Kur ky kapitull u hap, kur kjo derë u hap unë mendova jo të largohem por  të përpiqem të rrezikoj të gjitha. Kërkova Kushtetutën në parlament, kërkova ngritjen e institucioneve, kërkova institucionalizimin e demokracisë, largimin e autoritarizmit ekstrem të zotit Berisha dhe në këtë betejë humba. Me gjithë sukseset që ka pasur Shqipëria, nuk ka pasur modelin e një lideri bashkëkohor demokrat të vënies së interesit të publikut dhe të përgjithshëm për mbi egon dhe interesin e tij personal. Protagonizmi i gjatë në politikën shqiptare dhe emrat që janë, kanë dëmtuar më shumë, se kanë dëmtuar Shqipërinë. 

Këto vakumet që krijohen, edhe kjo krizë politike që ka kapur PD që është krizë serioze jo vetëm e PD, por edhe e të djathtës, opozitës shqiptare kjo ka ardhur për shkak të këtyre kontrasteve dhe manisë për protagonizëm dhe dëshirë për autoritarizëm. Kjo ka kompromentuar klasën politike shqiptare që me gjithë sukseset është shkaktarja kryesore që udhëtimi i Shqipërisë drejt Europës ka qenë më i gjatë, më i vështirë dhe shumë herë më i ngadaltë se duhej të ishte”.

Histori filmash me të penduar e të arrestuar që do shkaktojnë tërmet: Mediat shqiptare përgënjeshtrohen nga një portal modest italian

18:44 Politika

SHËNIM: Herën tjetër, jo me çakmak!

18:12 Politika

U akuzua për goditje të arbitrit me çakmak, reagon Braçe: Sport i ri në Top Channel ky? Ja mashtrimi mbi ngjarjen

17:49 Politika

Makovei kërkesë Këshillit Europian: Filloni negociatat për anëtarësimin e Shqipërisë, ka bërë progres

17:39 Politika

HISTORIA/ Pse e arrestoi Artan Cuku porositësin e vrasjes së tij, Bledar Jambellin

17:33 Politika

Ç’do ngjasë në Jugosllavi pas Titos?! Pyetja e Enverit që mobilizoi policinë dhe ushtrinë

17:17 Politika

Majlinda Bregu: Më uruan edhe nga PD. Shpërblim nga Rama? Këto janë intrigat e Tiranës

17:07 Politika

Kryeparlamentarët e vendeve të BE-së garanci për integrimin e Shqipërisë: Mbështesim rrugëtimin europian

16:36 Politika

Rama në Gjermani, takon dhe mikun e Bashës

08:16 Politika

Anëtarja e kryesisë: Bregu, politikane me artikulim të fortë, të guximshëm e potencialisht për forcimin e PD. Urime për hapin e radhës

14:34 Politika