E PLOTË/ PD miratoi statutin e ri: Nga “paterica” Berisha, tek "fëshkëllima" Selami, ja çfarë fitoi dhe humbi Basha sot

Partia Demokratike miratoi sot mes polemikave të shumta statutin e ri përmes të cilit pritet të funksionojë kjo forcë politike.

Kuvendi Kombëtar mblodhi të paktën 7 mijë delegatë nga e gjithë Shqipëria, ku veç një pjesë e tyre zgjodhi të votojë për nenet e parashikuara në draft-statutin e prezantuar.

Mbi foltoren e vendosur në Pallatin e Kongreseve u ngjitën disa prej zërave kryesorë të kësaj force politike, të cilët flolën mbi gjendjen e brendshme.

Një pjesë e tyre shihte si mjaft shpresëdhënëse dhe një pjesë tjetër si tejet pesimiste dhe pa prespektivë për të nesërmen politike.

Kryedemokrati Lulzim Basha, foli për 1 orë e 10 minuta, ku u përpoq të inkurajonte delegatët dhe të përcillte mesazhe frymëzuese për pjesën tjetër të anëtarësisë që duket e tërhequr.

Ai kishte menduar që të mos anashkalonte zërat kritikë ndaj tij duke i përfshirë shkurtimisht gjatë fjalës.

Këta të fundit (Majlinda Bregu, Astrit Patozi, Ridvan Bode, Jozefina Topalli dhe Arben Imami) munguan ndërsa Eduard Selami, Tomor Alizoti dhe Besnik Mustafaj zgjodhën të ishin të pranishëm.

Lideri i demokratëve premtoi rikthimin në pushtet teksa shpalosi edhe një pjesë të programit që pritet të ndjekë në rast fitoreje.

Nga ana tjetër, “të zhgënjyerit” e kanë cilësuar ditën e sotme si një humbje për demokracinë dhe farsë, duke i sugjeruar Bashës largimin nga drejtimi për të çliruar demokratët, shkruan “TemA”.

Ndër të tjera, organizatorët kishin menduar që punimet të zhvilloheshin edhe me pjesëmarrjen e disa personazheve që nuk vinin nga politika ku ata u ngjitën në foltore për të treguar shqetësimet e tyre me qeverisjen “Rama”.

Fjalën e mori një nga protestuesit e Kukësit, një familjare që i është hequr ndihma ekonomike në Kavajë, si dhe një ish-i përndjekur të cilët përcollën mesazhet e tyre.

Basha dhe thirrja e “dëshpëruar” për kritikët

Kreu i Partisë Demokratike Lulzim Basha u vendos përpara rreth 7 mijë delegatësh ku u përpoq të bënte një rezyme të rrugëtimit të tij politik si lidership.

I gjendur përballë përgjegjësish nga një zemëratë e gjërë demokratësh, ai u përpoq të nënvizonte fitoret dhe kërkonte ndjesë për humbjet duke justifikuar në mënyrën e tij disa të tilla.

Ndëkohë, ai solli si argumente edhe disa prej sukseseve të Partisë Demokratike ndër vite duke i cilësuar si model për rrëzimin e qeverisë “Rama” dhe themelimin e qeverisë “Basha”.

Sipas tij kjo e fundit do të vijë shumë shpejt në pushtet.

“Njerëzit kanë humbur besimin tek aftësia për tu mirëqeverisur. Njerëzit nuk besojnë më se një tjetër premtim, një tjetër thirrje për ndryshim nuk do të përfundojë si në të shkuarën. Prandaj sot që ndryshimi nuk duhet të jetë thjesht një e përkohshme, vetëm për t’u kthyer prapë në të keqe me një fytyrë të re. Këtë herë nuk duhet thjesht të ndalojmë të keqen, por duhet të shkulim rrënjët e saj”, u shpreh Basha, raporton “TemA”

Nga ana tjetër Basha  adresoi një apel ndaj të ashtëquajtur “kritikë” të tij të cilët janë shprehur kundër vendimeve politike të kryedemokratit dhe ndryshimeve statuore që shërbejnë si “mburojë” në rast se humbet sërish zgjedhjet.

Edhe pse kërkesat e tyre nuk u morën parasysh nga përkrahësit e Bashës në Këshillin Kombëtar, ai i ka ftuar që të bashkëpunojnë me të.

“Une sot dua serish nga ky kuvend te madh dua ti shtrij doren gjithsecilit qe deshiron te kontriboje dhe te bashkohet me ne per ti kthyer ketij vendi shpresen dhe besimin tek e nesërmja. Dora ime do te mbetet e shtrire jo per pazare as per te bere fotografi por qe se bashku te ndertojme rrugen tone drejt suksesit, I bindur se është më e lehtë për të ndërtuar ura sa sa për të gërmuar hendeqe”, tha Basha.

Fishkëllimat e Selamit dhe dështimi i Bashës

Edhe pse organizatorët ishin kujdesur që të shmangnin zërat oponent kundrejt Lulzim Bashës, mjaftoi një prej tyre për lëshuar shkëndijat e para të revoltës së brendshme.

Momenteti më kulmor ishte fjala e ish- kryetarit të Partisë Demokratike Eduard Selami, i cili ka “shpërthyer” në krtitika të forta ndaj Bashës.

Gjatë fjalës së tij Selami tha se problemi i PD-së është demokracia e brendshme, duke e konsideruar si një forcë politike që po i shërben kryetarit dhe jo qytetarëve.

Menjëherë pas artikulimit të konsideruar si tejet të guximshëm, dhjetra mbështetës të Bashës nisën ta fishkëllejnë dhe t’i kërkojnë që të largohet nga salla.

Selami tha se Basha ka humbur tre herë zgjedhjet që nga momenti i marrjes së frenave të PD-së, dhe nuk ka bërë asnjë analizë apo reflektuar mbi dështimet.

 “Ky është statuti më i keq që ka pasur PD. U premtua që do votojnë anëtarët se kush do i përfaqësojë në këshillat bashkiakë, por kjo nuk është e vërtetë pasi ajo do të jetë propozim nga kryetari dhe më pas do votojë anëtarësia. Zoti Basha tërhiqe këtë statut, mbaj premtimin, hape PD-në, bëj analizën e humbjeve, e treta për PD, dhe kjo punë vetëm do vazhdojë nëse vazhdon kështu”, nënvizoi Selami.

Ndaj votimit reagoi edhe një tjetër personalitet i Partisë Demokratike e cila ka shfaqur herë pas here kundërshti të forta me rolin e Bashës në krye të partisë. Jozefina Topalli shkroi menjëherë në llogarinë e saj në Facebook duke e quajtur të pavlefshëm votimin.

“Sot u perserit ajo qe ka ndodh rreth nje vit me pare kur u fallsifikua dhe u vjedh vota e pjesemarrja e demokrateve ne proçesin antistatuor te zgjedhje se Lulzim Bashes.

Tani Lulzim Basha hypi avionit dhe ik ne Holande; Keshtu çlirohet dhe PD nga pengmarrja”, shkroi Topalli, përcjell “TemA”.

Në mbrojtje të Bashës ka dalë vetë lideri historik i kësaj force politike Sali Berisha i cili është shndërruar në një “patericë” për kryedemokratin.

Ai  komentoi edhe zërat kritik që u mbajtën në sallë.

“Diskutimet në Kuvend ishin të lira dhe të hapura. Çdo njeri duhet të thotë fjalën e tij na pëlqen apo jo, dhe ky është tipar i debateve demokratike. Unë mendoj se pati diskutime me kritika, me propozime, me qortime” tha Berisha. 

Më tej pasi nuk mori pjesë në votimin për projektstatutin e PD-së, Berisha tha se ka kontribuar në çështjet parimore, por jo në hartimin e tij, pasi kjo sipas tij ishte detyrë e grupit të punës. Ky është Kuvendi i miratimit të statutit në të cilin ka një frymë kompromisi të qartë. Unë jam marrë pak a shumë me primet, jo me statutin. Me të është marrë grupi i punës. Diskutimet në Kuvend ishin të lira dhe të hapura”, artikuloi Berisha përpara mediave.

Votimi dhe statuti i ri

Edhe pse ishin ftuar së paku 7500 delegatë, statuti i ri i demokratëve mori “bekimin” vetëm nga një pjesë e tyre. Disa zgjodhën ta bojkotojnë Kuvendin Kombëtar, disa u larguan para votimit ndërsa të tjerë që qëndruan në sallë e miratuan unanimisht.

Pavarësisht klauzolave të reja, statuti i ri dukshëm ka si qellim parësor t’i shërbejë liderit të PD-së Lulzim Basha i cili ka nevojë për një “helmetë politike” në rast se humbet sërish zgjedhjet përballë kundërshtarëve. Pozicioni i liderit “çimentohet” përmes kësaj rruge duke shpëtuar nga përgjegjësia statuore.

Ajo që bie në sy është edhe pika që parashikon se “në raste urgjente kryetari i PD mund të përjashtojë nga partia çdo anëtar duke ushtruar pushtetin e strukturave”.

Tashmë PD ka para rrezikun për hakmarrje ku anëtarët e saj duhet të kenë kujdes kur ngrenë diskutime.

Humbje apo fitore?

Dita e sotme ishte një test politik për Lulzim Bashën dhe fatin e tij në krye të Partisë Demokratike. Nga njëra anë kemi fatin e përcaktuar në statut i cili u shëndosh dhe nga ana tjetër kemi fatin e përcaktuar nga mbështetësit të cilët u dobësua qartazi.

Emergjenca për të ndërhyrë në statut në një kohë kur PD nuk ka publikuar asnjë analizë serioze për konkluzionet zgjedhore, ka zemëruar një pjesë të gjerë të anëtarësisë.

Sot PD nuk e ka luksin të humbasë kohë, anëtarë apo figura historike të cilët janë katalizatorë të rëndësishëm për ta çuar përpara partinë e dytë më të madhe në vend dhe pretendenten për të qeverisur nesër.

Në rast se flitet për jetëgjatësinë e pozicionit në krye të demokratëve, sot Basha mori në dorë “gurin dhe arën” për të vendosur vetë mbi të ardhmen personale.

Në rast se flitet për prespektivën e Partisë Demokratike, sot u bënë disa hapa prapa të cilat do të kenë një kosto të lartë në kursin politik për vetë strukturat por edhe shqiptarët që preken drejtpërdrejt. (TemA)

Kuvendi Kombëtar, sekretarja e PD: Gjynah se si Basha po gënjen demokratët, deri kur do mbarojë teatri, pse nuk u ftuan kritikët

12:49 Politika

"Vizita e Ramës në Berlin ka trembur edhe Berishën, nuk kanë mundësi të shpëtojnë nga Reforma në Drejtësi"

12:31 Politika

Basha njofton largimin e Ramës: Po bëhemi gati të qeverisim vendin, edhe pse shumë s'besojnë

12:19 Politika

Pasi "blindoi" karrigen në PD, Basha ftesë kritikëve: Dua t'i shtrij dorën, do mbetet e shtrirë

12:02 Politika

Lulzim Basha: Si kurrë më parë ky pushtet ekzekuton dëshmitarët që denoncojnë krimet

11:54 Politika

INTERVISTA: A do hyjë Ilir Meta në burg? Ja ç'thotë Rama për presidentin dhe deklarata e fortë për luftë

12:04 Politika

Basha jep besën para demokratëve: Nuk ja dolëm dot të qeverisnim por i lutem Zotit që një ditë ta bëj Shqipërinë si gjithë Evropa

11:40 Politika

FOTOT/ Berisha "bekon" Bashën: Plasin përqafimet në PD, nga servilizmi ndaj Selamit tek vështrimet e Nishanit

11:23 Politika

Grida Duma: Shqiptarët po na presin që t'i japim dinjitet, ja ç'ka thënë Churchilli

10:50 Politika

Flamur Noka: Rama po na surgjenos, hajde ta shembim e t'i japim dërmën se erdhi dita jonë

11:06 Politika