Te fundit
Zaev: Zgjidhje e mundshme për emrin para samitit të Këshillit të BE-së
29 Prill 2018, 13:37Rajoni
TEMA
Duhet të jemi të kujdesshëm dhe kreativë në gjetjen e zgjidhjes për emrin, pasi është shumë e rëndësishme korniza kohore për vendimmarrjen, deklaroi kryeministri maqedonas, Zoran Zaev në intervistën javore për radion ”Europa e lirë”.
“Ndoshta zgjidhja përfundimtare do të jetë e lidhur me votimin e Maqedonisë, si qytetarë, me dhënien e sovranitetit tonë BE-së, ku duam të futemi dhe atëherë hapet edhe Kushtetuta, ndoshta edhe këtu është zgjidhja, për shkak të asaj që e dini se Greqia kërkon edhe ndryshim të Kushtetutës, për shkak të ndryshimit të emrit kushtetues. Jam i bindur se kreativiteti do t’i gjejë këto zgjidhje”, thekson kryeministri Zaev.
Në pyetjen nëse ende është optimist që problemi me Greqinë rreth emrit të zgjidhet deri në samitin e BE-së, në qershor, ai thotë se është optimist dhe se optimizmi e udhëheq.
Në këtë intervistë ai thekson se është e mundur të vihet deri te zgjidhja para samitit të Këshillit të BE-së.
“Unë jam i bindur, kur tashmë kemi arritur deri në këto shkallë, se është e mundur zgjidhje para samitit të Këshillit të BE-së”, thekson ai./
Lini një Përgjigje
Më të lexuarat
24 oret e fundit
Javen e fundit
Blog Tema
