Te fundit
Bllok nga arkivat serbe dhe greke për punimin e ri "Historia e shqiptarëve gjatë shekullit të 20-të"
1 Maj 2018, 19:15Kulturë
TEMA
Një punim i 43 historianëve pretendon të japë në një përmasë më të plotë se deri më tani historinë e popullit shqiptar në shekullin që lamë pas. Në një intervistë për TemA TV, historian Beqir Meta, një prej autorëve, thotë se ka të dhëna të reja dokumentare që pasurojnë historinë.
Vëllimi i parë shkon deri në vitin 1920 dhe nuk merret vetëm me historinë e Shqipërisë, por përfshin edhe shqiptarët që banojnë jashtë territorit të shtetit të parë të shqiptarëve, pra Shqipërisë. Por Meta deklaron se kërkesat e historianëve shqiptarë për arkivat serbe dhe greke kanë hasur në kundërshtime duke dëshmuar një konservatorizëm të dalë disi nga koha.
“Ka edhe për Kosovën të dhëna shumë të rëndësihme në arkivat maqedone, bullgare, serbe që nuk kanë qenë të sintetizuara më parë për të gjitha aspektet.
Po kështu është zgjeruar shumë informacioni për Çamërinë, për shqiptrarët e Greqisë. Janë dhënë me saktësi në bazë të të dhënave arkivore gjendja e tyre, politikat e shtetit grek.
Kemi patur shqetësim me arkivat e Beogradit ç’është e vërteta.
Në arkivat e Beogradit kemi marrë atë pjesë që kemi marrë përmes Kosovës dhe Maqedonisë.
Arkivat greke janë një mangësi. Kemi bërë tentativa, kemi shkuar në Athinë, kemi çuar grupe pune.
Madje jo vetëm arkivat, por edhe bibliotekat ishte shumë e vështirë t’i shfrytëzoje. Është një konservatorizëm dhe refraktarizëm i përdorimit të arkivave prej tyre. Është një detyrë që mbetet për botimet e ardhshme, sepse edhe ne jemi të ndërgjegjshëm që një botim nuk mund t’i realizojë të gjitha pritshmëritë. Është interesant sepse arkivat tona janë shumë të hapura ndaj studiuesve grekë, por ata nuk përdorin të njëtin standard”, thotë Meta.
Vëllimet e tjera që lidhen me periudha më kritike për historinë politke të vendit do të pasojnë vëllimin e parë, por mbetet për t’u parë se çfarë risie do të sjellin ato në dritën e këtij deklarimi të historianit shqiptar.
4 komente në “Bllok nga arkivat serbe dhe greke për punimin e ri “Historia e shqiptarëve gjatë shekullit të 20-të””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
ISTORI e ”besueshme” nga nje ……………beqir turk!!??
Te dogji bytha papaaaaa. Ela vre palio aderfia te ta fus njeher mullirin e kafese……
Greqia fshiu 4 shekuj te historise se saj nen sundimin osman e jo te jape detaje per historine tone
Nese doni historine tone te shekullit 20 hapni arkivat osmane censusi i fundit qe beri perandoria per te gjithe popullaten e saj ishte viti 1910
Pse cuditeni juve zoti historian. Fallsifikuesit e historise nuk mund tu vene juve ne dore dokumente qe demaskojne genjeshtrat qe kane mbi 100 vjet qe i thone botes.
P.sh. edhe sot e kesaj dite, per nje perendimor, Aleksandri i Madh i Maqedonise eshte grek, kur ka prova te pamohueshme qe deshmojne te kunderten. Per fatin e keq te ketyre fallsifikuesve, e verteta vonon por nuk harron. Do vije dita qe keto te verteta te behen te njohura per pjesen tjeter te botes, ku sejcili komb do te marre ate qe i takon nga kontributi qe ka dhene ne historine e planetit tone.