Te fundit
Fatmir Xhafaj pret ministrin gjerman: Fat për Shqipërinë që ka një “avokat” të tillë
11 Maj 2018, 20:59Politika
TEMA
Pas takimit me kryeministrit Rama paraditen e sotme, ministri i Shtetit për Çështjet Evropiane, në Ministrinë e Jashtme gjermane Michael Roth është pritur edhe nga ministri Xhafaj.
Ministri i Brendshëm e konsideroi fat për vendin, që ka një avokat të tillë në rrugën evropiane. Xhafaj e konsideroi me rëndësi mbështetjen e vendeve anëtare për hapjen e negociatave, si një mundësi jo për qeverinë dhe mazhorancën, por si shans për shqiptarët që besojnë në ëndrrën evropiane. Z.Xhafaj tha se çelja e negociatave do të përshpejtonte ritmin e reformave të ndërmarra.
Ministri i Shtetit z.Roth konfirmoi se vizita në Tiranë e bën më të qartë rëndësinë që i kushton Gjermania, integrimit të Shqipërisë në Evropë. Sipas tij, të gjitha reformat e nisura po japin tashmë frytet.
Xhafaj e njohu ministrin gjerman me disa nga detajet e reformës në drejtësi dhe rëndësinë për proceset integruese, duke veçuar faktin se ajo tashmë është një model edhe për vendet e rajonit.
Ai prezantoi Dokumentin e Prioriteteve të MB-së në fushën e rendit dhe sigurisë dhe evidentoi kontributin e ekspertëve gjermanë në hartimin e tij. Gjithashtu u ndal tek rezultatet e punës së Policisë dhe agjencive ligj zbatuese në luftën kundër krimit të organizuar, operacionin “Forca e Ligjit”, operacionin ndërkombëtar “Anti-skifter”, si dhe masat kundër kultivimit të kanabisit.
Në përgjigje të interesit të ministrit Roth, z.Xhafaj shpjegoi hapat dhe ecurinë e procesit të Vetting-ut në Polici, projektin e Policimit në Komunitet, si dhe masat për uljen e fenomenit të azil kërkimit që kanë dhënë rezultate të dukshme që nga vjeshta e vitit të kaluar.
3 komente në “Fatmir Xhafaj pret ministrin gjerman: Fat për Shqipërinë që ka një “avokat” të tillë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
O zot o perendi……..!?
mos prisni o shqiptare 2025ten…miresevini ne Perendim….merrni pleq e plaka..qe kembe shqiptari mos ti ngelet mafjozeve gangsterave horra politikane te PD/PS/LSI.
Bravo gjermani. Tashti do te vijme te vrasim dhe presim ne gjermani dhe kudo ne europe dhe kthehemi e jetojme ne shqiperi pa e rruajtur fare se nuk na ekstradon njeri. Nga tash e tutje ka vend fjalia : nuk keni pare gje akoma o BE . Forca cuna ikni nga burgjet, shperndani droge por mos harroni te ktheheni se jeni te sigurt, sepse Ligji Xhafa jua mundeson kete.te fala gjyshes znj merkel
?????????????