Te fundit
Ministrja daneze Stojberg provokon myslimanët: Pushim në Ramazan për sigurinë e pjesës tjetër të shoqërisë
23 Maj 2018, 09:07Bota
TEMA
Pasi sugjeroi që myslimanët të merrnin pushime nga puna, gjatë Ramazanit, për shkak të rreziqeve të mundshme të sigurisë për pjesën tjetër të shoqërisë, ministrja daneze e emigracionit, Inger Stojberg, është përballur me një sulm masiv pas deklaratave të saj.
Stojberg, që ka një reputacion për politika të ashpra të emigracionit, tha se agjërimi përgjatë ditëve të punës, ngre sfida për shoqërinë moderne.
Ajo citoi rreziqet e mundshme për shoferët e autobusëve apo personelin e spitaleve.
Arriva, që menaxhon një numër linjash në Danimarkë, tha se nuk kishte pasur asnjëherë asnjë incident të shkaktuar nga shoferët në agjërim. “Ndaj, de facto nuk është një problem për ne”, tha një zëdhënësja Pia Hammershoy Splittorff për gazetën Berlingske Tidende (BT).
Bashkimi mysliman i Danimarkës ka postuar një mesazh në mediat sociale duke falënderuar Stojberg për shqetësimin e saj, por theksoi se myslimanët ishin të rritur dhe plotësisht të aftë të kujdesen për veten dhe shoqërinë, “edhe kur të agjërojmë”.
Një koleg i partisë së ministrit Jacob Jensen, sugjeroi që politikanët duhet të përqëndrohen në zgjidhjen e “problemeve reale” në vend që të ndërhyjnë, raporton BBC.
Ndërsa zëdhënësja e qeverisë daneze ka thënë se deklarata e ministres nuk është qëndrim i koalicionit qeverisës.
Stojberg të premten pati shkaktuar reagime të ashpra pas deklaratës se myslimanët duhet të marrin pushim gjatë Ramazanit, në mënyrë që të “shmangin pasojat negative të pjesës tjetër të shoqërisë. (TemA TV)
1 komente në “Ministrja daneze Stojberg provokon myslimanët: Pushim në Ramazan për sigurinë e pjesës tjetër të shoqërisë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ku është provokimi këtu sipas MENDIMIT/KULTURËS E PËRGJEGJËSISË DANEZE dhe MENDIMIT/KULTURËS E MENDIMIT të atyre që duan të mbajnë Ramazan!?!?!?!?!?!