Te fundit
"Skllavëri moderne, në zemër të Europës"
23 Maj 2018, 13:46Bota
TEMA
Nuk duhet t’iu largohesh shumë institucioneve europiane për të zbuluar se në çfarë kushtesh punojnë realisht emigrantët.
Në stacionin “Arts-Loi Metro” të Brukselit, Mohammed, një emigrant maroken pa dokumente të rregullta qëndrimi, ka punuar me muaj të tërë për rinovimin e tij dhe nuk ishte aspak e lehtë.
“Na thërrisnin neve kur puna bëhej e papërballueshme për të tjerët”, tregon ai për “Euronews”.
“Një herë punova 3 turne 8-orëshe rresht, që do të thotë 24 orë pa pushim. Ekziston gjithmonë rreziku që të pushohesh, e kjo do të thotë se duhet të vazhdosh e të punosh pa bërë zë.
Ne jetojmë në frikë. Frika është pjesë e jetës sonë të përditshme”, rrëfen ai.
Raporti i fundit i Këshillit të Europës tregon se trafikimi i qenieve njerëzore me qëllim shfrytëzimin e krahut të punës është në rritje dhe viktimat janë shpeshherë emigrantë pa dokumente, apo grupe të cënueshme që jetojnë në pasiguri ekonomike.
Ajo që duket si mundësi e mirë punësimi mund të kthehet në një ferr të vërtetë, sipas “Euronews”-it.
Viktimat, shpeshherë varen nga trafikantët, jo vetëm për gjetjen e një pune, por edhe për strehim. Ata punësohen në një gamë të gjerë shërbimesh, duke nisur nga prodhimi ushqimor, restorantet, kujdesi personal, apo edhe kantieret e ndërtimit.
Edhe pse nuk mungojnë as kërcënimet, në përgjithësi iu shmangen denoncimeve nga frika e deportimit apo hakmarrjes.
Aktivistët thonë se, shumë vende europiane duhet të bëjnë më shumë për ta luftuar këtë fenomen, e të koordinojnë më mirë punën e organizatave joqeveritare, sindikatave të tregtisë dhe sektorit privat, në mënyrë që të ndihmojnë t’u jepet fund abuzimeve.
3 komente në ““Skllavëri moderne, në zemër të Europës””
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Perse duhet te ankohen te futurit kontraband, me vullnetin e tyre, ne tregun e zi, ku realizojne synimin, me sakrificat perkatese, per te bere para? Problemi qendron ndryshe: Ne BE egziston tregu i trafiqeve dhe kontrabandes, qe nxite emigracionin me pasoja.
Kjo eshte nje nga fshehtesite e suksesit te Europes, qe predikon te drejta te njeriut.
Prit se ka edhe me keq:seç eshte nje shqipo-maqedonas ne Gent qe ka nje firme ndertimi dhe merr refugjate nga keta dy shtete dhe i fute ne pune per 7 euro duke ua marre shpirtin.Ai i strehon neper papafingo ku nje shtrat kushton 300 euro ne muaj,u tregon se ku duhet te pijne kafe dhe ku duhet te blejne.Ai punen e tyre qe kushton 35 euro ua pagun me 7 euro.Edhe keto para ua merr me fjetje,neper kafenete e sorollopit te tije.Kjo eshte skllaveri dhe me keq kur ta ben ky maqedono-shqipetar qe vehtes i thote jam turk.Ky ska faj sepse ka gjetur budallej dhe pisa qe i bejne elozhe.