Tension në kampin e opozitës, paralajmërohen krerët e degëve për shkak të pjesëmarrjes së ulët në protestë

Do të mbahet mend si një ndër protesta me pjesëmarrjen më të ulët qytetare që kanë organizuar ndonjëherë Partia Demokratike dhe Lëvizja Socialiste që nga themelimi i tyre. Protesta e djeshme, për rrëzimin e qeverisë ‘Rama 2’ dhe krijimin e një qeverie teknike, është e pakrahasueshme me çdo protestë tjetër të mëparshme, të organizuara nga PD, LSI apo të dyja së bashku, sa i takon pjesëmarrjes. Për rrjedhojë, organizatorët e protestës, port herë të parë, nuk kanë artikuluar shifra deri në 50 herë më të larta, sa i takon pjesëmarrësve në protestë.

Report Tv solli pamjet me dron nga protesta e opozitës para godinës së qeverisë, pikërisht ne momentin që po fliste kryetari i Partisë Demokratike, Lulëzim Basha. Ky ishte edhe momenti që shënoi edhe kulmin e tubimit. Pamjet nga lart treguan se pjesëmarrja në protestën e bashkuar PD-LSI ka qenë jashtëzakonisht e ulët.

Sikur dukej nga pamjet, sheshi para Kryeministrisë, ishte pothuajse bosh. Refuzimi në masë i demokratëve dhe i mbështetësve të LSI për të dalë në protestë mundësoi edhe dështimin e planit të opozitës kundër qeverisë me anë të dëshmitarit X, i njohur edhe si ‘Babalja’. Në protestën e djeshme kishte më pak protestues se çdo herë tjetër kur ka protestuar opozita. Ndërkaq, lidhur me këtë fakt ka reaguar deputetja e LSI, Floida Kërpaçi e cila ka thënë se policia ka bllokuar mbështetësit e kësaj force politike që të mbërrinin në Tiranë.

“Mjaft aktivistë të LRI u bllokuan nga policia. U pengua ardhja e të rinjve. Kjo tregon se Edi Rama ka frikë, ka frikë nga qytetarët”, ka pohuar Kërpaçi. Gjithsesi, duke qenë se kjo protestë ishte e përbashkët, nuk dihet se cila ka kontribuar më shumë PD apo LSI në boshatisjen e sheshit para Kryeministrisë.

Paralajmërohen krerët e degëve

Mbyllja e protestës së djeshme është shoqëruar me lëvizje intensive, nervozizëm dhe paralajmërime në kampin e opozitës. Burime pranë Partisë Demokratike thanë se mungesa e pjesëmarrjes në protestë në raport me parashikimet, ka përplasur organizatorët kryesorë të protestës me krerët e degëve të Partisë Demokratike.

Disa ditë më parë, në kuadër të përgatitjeve për protestën, kryetari i opozitës, Lulzim Basha zhvilloi një mbledhje me kryetarët e degëve të PD, të cilët i porositi për të maksimizuar pjesëmarrjen në protestë. Pjesëmarrja masive ishte deklaruar edhe nga Sekretari i Përgjithshëm i PD, Arben Ristani, si mesazhi i kësaj proteste. Por, pas boshatisjes së sheshit, krerët e degëve të PD janë paralajmëruar se do të mbajnë përgjegjësi. Ndërkaq, krerët e degëve kanë pretenduar se shkak për pjesëmarrjen e ulët ka qenë LSI, e cila nuk i ka angazhuar mbështetësit e saj. Por, përfaqësuesit e LSI kanë pohuar se mbështetësit e saj kanë marrë pjesë 100 %. shqiptarja

Rama tallet me Bashën: Tani është e qartë pse s’pati protestë dje, në krye të PD paska qenë portieri i Liverpulit se Luli paska ikur në Kiev

09:24 Politika

VIDEO: “Proteston ditën, qesh natën”, ja si feston pas tubimit krah Ilir Metës dhe Fatmir Mediut, kreu i PD Lulzim Basha

09:00 Politika

Balla ironizon protestën e opozitës: Saliu nga kjo histori që e sajoi vetë u bë me tre çuna; Shkëlzenin, Lulin dhe Babalen

22:50 Politika

Miqtë rusë nuk e lënë Bashën në baltë/ Sputnik i bën jehonë protestës së PD&LSI dhe nxin Shqipërinë

22:20 Politika

SHENIM: Z. Basha, ik laj b***ën në det tani!

21:38 Politika

VIDEO: Protesta Baba(për) le(sh), sherr mes vetë militantëve

20:38 Politika

Gazetari pranë PD-së: Kjo ishte protesta e fundit e opozitës, sot institucioni i protestës vdiq. S’ka më kuptim që njerëzit nga sot e tutje të dalin në shesh

20:32 Politika

Fatmir Xhafaj reagon për protestën: Policia tregoi respekt për ligjin dhe interesin qytetar!

20:14 Politika

Harakiri i panevojshëm i Lulzim Bashës: Sheshi bosh vrau në mënyrë fatale skandalin “Babale”

19:28 Politika

PD: Protestuesit ishin gati për gjithçka, sot mund të kishte të vrarë

19:19 Politika