Te fundit
FOTOT/ Rita Ora merr “Çelësin e Qytetit”: Tirana në rrugën e një suksesi të pabesueshëm
4 Qershor 2018, 12:12Lifestyle
TEMA
Këngëtarja shqiptare me famë ndërkombëtare, Rita Ora, dhuroi mbrëmjen e kaluar emocione të paharrueshme për mijëra shqiptarë, të cilët kishin mbushur si asnjëherë tjetër sheshin “Skëndërbej” për të shijuar hitet e saj. Koncerti nisi me ritmet e muzikës së këngëtares së njohur nga Kosova, Kida dhe kulmoi kur në shesh mbërriti Rita Ora.
“Your song” ishte kënga e parë e Rita Orës, që elektrizoi jo vetëm skenën, por gjithë të pranishmit në sheshin “Skënderbej”, ndërsa spektakli vijoi me të tjera këngë hit të saj. Në repertorin e saj nuk mungoi as një surprizë për shqiptarët: miksimi i një prej hiteve më të mira të Rita Orës me një nga vallet më të njohura të trevave shqiptare, asaj të Rrugovës.
Ndërkohë, para se të ngjitej në skenën e sheshit “Skëndërbej” këngëtarja Rita Ora, e shoqëruar nga i ati dhe e motra, u prit në një takim nga kryetari i Bashkisë së Tiranës, Erion Veliaj. Ai e falenderoi atë për imazhin që përcjell në botë si përfaqësuese e shqiptarëve dhe frymëzuese e brezit të ri, dhe në shenjë mirënjohje i dhuroi asaj Çelësin e Qytetit.
“Duke i dhënë dikujt çelësin, i jep të vetmen gjë që ti ke. Ne nuk jemi të pasur, por përpiqemi të japim gjithçka që kemi si shenjë respekti dhe shenjë e derës së hapur, prandaj, duke të dhuruar Çelësin e Tiranës do të thotë se të vlerësojmë shumë”, u shpreh Veliaj.
Rita Ora e falenderoi kryetarin e bashkisë për mikpritjen dhe vlerësoi ndryshimin që po pëson Tirana. “Mendoj se Tirana është në rrugën e saj drejt një suksesi të pabesueshëm. Me fuqinë dhe mundësitë që unë kam, do t’ia bëj të ditur këtë pjesës tjetër të botës.
Mendoj se jemi në rrugën e duhur, ka energjinë më të mirë të çdo qyteti në tokë. Nga hera e fundit që isha këtu, pa dyshim që energjia ka ndryshuar, ndjehesh gjallë, miqësore, e pëlqyer dhe shumë pozitive. Ndjehem shumë mirë që jam pjesë e kësaj”, tha ajo.
Kryebashkiaku Veliaj i bëri edhe një surprizë krejt të veçantë këngëtares Rita Ora, duke i dhuruar një çifteli, të cilën e mbante në zyrën e tij, instrumenti muzikor që identifikon trashëgiminë e kulturës tradicionale shqiptare.
Për 3 ditë sheshi “Skëndërbej” u kthye në qendrën më të madhe artistike shqiptare, ku në dy koncerte madhështore, këngëtarë vendas dhe ata me origjinë shqiptare më famë botërore, dhuruan për shqiptarët çaste të paharrueshme.
4 komente në “FOTOT/ Rita Ora merr “Çelësin e Qytetit”: Tirana në rrugën e një suksesi të pabesueshëm”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Bravo dhe faleminderit Rita per kenaqesine qe perjetuam dje me artin tend te mbrekullueshem. Krenohemi qe erdhe tek ne, qe je e zonja dhe e thjeshte, qe je e zgjuar dhe patriote. Je shembull i shkelqyer per te rinjte. Te perqafoj dhe pershendes me shume dashuri dhe respekt.
Po lali Eri çka qe ngerdheshet ashtu ?
Brravo kryetari bashkisë më i madhi në europ. fat për shqiptarët që kanë erjonin kryetar të bashkisë së Tiranës . për 4 vjet ka ber pun në Tiranë sa për 25 vjetët e mara së bashku. Esht hera par qe bashkia Tiranës hecen si or rroleks që nga viti 92 . rrespekte erjon velia kryetari më i mir në europ rrespekte . kështu shkojn punët kur bashkin e drejton një djalë i edukuar shkëlqyeshëm dhe me shum kultur e vizion.
Rita Ora e falënderoi kryetarin e bashkisë për mikpritjen dhe vlerësoi ndryshimin që po pëson Tirana.
“Mendoj se Tirana është në rrugën e saj drejt një suksesi të pabesueshëm…….”, tha ajo.
Keto fjale te kengetares se mrekullueshme Rita Ora,jan qellimi kryesor i Makiavelistit E.Veliaj per
konzertin,i cili shperdoron Leket e takspguesve shqiptare per perfitime politike!Nje mashtrues
ordiner,qe kerkon te ndaj suksesin e artisteve me politiken.Kjo eshte e peshtire deri ne neveri.