Te fundit
Hernan Crespo: Messi nuk është Maradona. Nuk e fiton dot i vetëm Botërorin
18 Qershor 2018, 09:08Sport
TEMA
Ish-futbollisti i kombëtares argjentinase, me të cilën ka luajtur në 3 Botërorë, Hernan Crespo ka deklaruar pas barazimit zhgënjyes të bardhekaltërve me Islandën se “Messi nuk është Maradona”.
“Messi nuk është Maradona. Nuk e fiton dot i vetëm Botërorin. Këtë gjë duhet ta kuptojnë të gjithë tifozët dhe shokët e tij të skuadrës.
Ai është fenomen nëse e vendos në kushtet e duhura, siç bëjnë te Barcelona.
Përndryshe, e ka të vështirë”, deklaroi Crespo në një intervistë për “La Gazzetta dello Sport”.
Për ta shpjeguar më mirë mendimin e tij, Hernan Crespo tha:
“Messi mund të driblojë një ose dy kundërshtarë. Diego u iku 5 anglezëve. A e kuptoni diferencën?”.
Ish-sulmuesi shtoi në mbrojtje të Messit:
“Kush e ndihmoi Messin ndaj Islandës? Di Maria nuk dribloi kurrë kundërshtarin, mesfushorët nuk ndihmuan.
Argjentina nuk luan si skuadër, por pret që Messi të shpikë diçka.
Nuk mund ta lësh përgjegjësinë e çdo aksioni te një lojtar i vetëm”.
Në fund, Crespo bëri edhe një krahasim me Cristiano Ronaldon:
“CR7 luan vetëm, vrapon, ka fizik, godet dhe shënon. Messi, për të qenë Messi, ka nevojë për ekipin”.
Lini një Përgjigje
Më të lexuarat
24 oret e fundit
Javen e fundit
Blog Tema
