Te fundit
Mbrojtje për të dashurat, çfarë parashikon ligji i ri për lidhjet afektive në Shqipëri
21 Qershor 2018, 21:02Kronika
TEMA
Nga muret e shtëpisë deri te përgjakja e rrugëve, dhuna në familje është kthyer në një shqetësim në rritje që ka shtyrë Qeverinë të ndërhyjë me një projektligj që aktualisht po shqyrtohet në komisionet e Kuvendit.
Risitë janë të ndryshme, por ajo që bie në sy është se drafti shkon përtej institucionit të martesës dhe parashikon si rastet e bashkëjetesës, ashtu edhe ato të marrëdhënieve apo lidhjes afektive në çift.
Thënë ndryshe, një vajzë mund të gjejë mbrojtje edhe nëse personi që e dhunon ka thjeshtë statusin e të dashurit, shkruan Top Channel.
Përveç Urdhrit të Mbrojtjes shtohet edhe Urdhri Paraprak i Mbrojtjes së Menjëhershme.
Sipas hartuesve të draftit, është vënë re se 24 apo 48 orët e para nga momenti kur një grua paraqitej në polici për të kërkuar mbrojtjen e shtetit e deri te lëshimi nga gjykata i këtij urdhri, ishte harku kohor brenda të cilit regjistroheshin edhe ngjarjet më të rënda.
Ndryshimet ligjore propozojnë që një grua të përfitojë menjëherë nga Urdhri Paraprak i Mbrojtjes, duke nisur nga momenti që e kërkon atë pranë autoriteteve të rendit, deri kur gjykata do ta konfirmojë atë apo jo.
Një tjetër risi ka të bëjë me të miturit. Për herë të parë, me urdhrin e mbrojtjes për nënën automatikisht do të garantohet urdhri i mbrojtjes për fëmijët, edhe nëse mbi ta nuk është ushtruar dhunë e drejtpërdrejtë.
Projektligji i propozuar nga Ministria e Shëndetësisë, parashikon edhe ngritjen e qendrave të emergjencës për trajtimin e menjëhershëm të viktimave të dhunës në familje.
3 komente në “Mbrojtje për të dashurat, çfarë parashikon ligji i ri për lidhjet afektive në Shqipëri”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Qeveri menshevike neomasonike qe Shtyp meshkujt dhe mbron femrat.Duhet Zhdukur kjo administrate Sorrosiane
Dukesh si mjekercjap taleban ose duhet te jesh mbeturine e felliqur e osmanizmit ne trojet shqiptare.Cdo ligj mer ne mbrojtje viktimat dhe te dobetit jo agresoret.Sa perSorrosin tipa si ty dhe mulla Saliu nuk i vini as tek K.
Demokracia vepron vetem me ligje dhe jo deshmi gojore. Kush e verteton, psh, se filani e ka te dashur dhe jo hiç qe ta mbroje ligji. Ka dokument apo do ti bbehet analiza ne vagine?!