Te fundit
Frenon konsumi në Eurozonë: Shitjet me pakicë nuk ndryshojnë, përkon me rritjen e inflacionit
3 Korrik 2018, 17:23Bota
TEMA
Shitjet me pakicë në Eurozonë kanë mbetur të pandryshuara në Maj, pas një rënieje në muajin e kaluar, duke treguar një frenim të konsumit në 19 vendet e valutës së përbashkët.
Sipas treguesit, që është shpesh subjekt i rishikimeve, konsumatorët kanë shpenzuar gjatë Majit në të njëjtin nivel me muajin Prill dhe poshtë projeksioneve të analistëve, për një rritje me 0.1%.
Krahasuar me vitin e kaluar, shitjet me pakicë treguan rritje me 1.4%, përsëri poshtë projeksioneve për një rritje me 1.5%. Gjatë muajit Maj, konsumatorët kanë shpenzuar më shumë në ushqime, pije dhe duhan, ndërkohë që kanë ulur blerjet e tekstileve e këpucëve me 3.1% dhe blerjeve online me 1.3%.
Shpenzimet për karburant kanë mbetur të pandryshuara për muajin. Rënia e shpenzimeve në total mund të shpjegohet pjesërisht nga rritja e çmimeve, ndërkohë që inflacioni u rrit me 1.9% në Maj.
Në një publikim tjetër, Eurostat raportoi se çmimet në fabrika janë rritur me 0.8% gjatë muajit , sipër projeksioneve të tregut për një rritje me 0.4%, duke konfirmuar vrullin e çmimeve në bllok.
Kjo erdhi kryesisht prej çmimeve të energjisë, që patën rritje me 2.6%, pas rënies për 3 muaj radhazi.(scan)
Lini një Përgjigje
Më të lexuarat
24 oret e fundit
Javen e fundit
Blog Tema
