Te fundit
Shqipëria dhe Britania firmosin marrëveshjen për përmirësimin e drejtësisë penale
6 Korrik 2018, 11:54Politika
TEMA
Qeveria shqiptare dhe ajo e Britanisë së Madhe kanë nënshkruar sot një Memorandum Mirëkuptimi, që synon përmirësimin e drejtësisë penale, duke hetuar dhe parandaluar veprimtaritë antiligjore në territoret përkatëse, përmes shkëmbimit të informacionit mbi të dhënat kriminale.
Memorandumi u firmos nga Ministrja e Drejtësisë Etilda Gjonaj dhe Ministri i Brendshëm Fatmir Xhafaj për palën shqiptare, si dhe ambasadori i Mbretërisë së Bashkuar në Tiranë Norman Duncan për palën britanike.
Marrëveshja e nënshkruar në ambientet e Ministrisë së Drejtësisë, krijon kushtet ndërmjet palëve për shkëmbimin e informacionit të historikut kriminal, lidhur me një dënim apo gjurmët e gishtave, për shtetas të Mbretërisë së Bashkuar dhe shtetas shqiptar.
Kjo do të ndihmojë në cilësinë e drejtësisë penale, duke rritur informacionet e shkëmbyera, administruar nga 2 vendet partnere. Informacion mes agjencive do të shkëmbehet edhe për shtetas nga vendet e treta, duke zvogëluar në këtë mënyrë kërcënimet e sigurisë së brendshme dhe sigurisë publike.
Pas marrëveshjes, ambasadori britanik Duncan Norman u shpreh:
Jam shumë i lumtur që sot nënshkruam memorandumin e mirëkuptimit për shkëmbimin e informacionit për rekordet kriminale me Ministrinë e Drejtësisë dhe Ministrinë e Brendshme. Shkëmbimi i informacionit është një pjesë shumë e rëndësishme në punën tonë për luftën kundër krimit të organizuar.
Ky Memorandum mirëkuptimi që nënshkruam sot, është një demonstrim se sa pranë janë të dy vendet tona tani, në përpjekjet e përbashkëta për luftuar këtë problem që na prek të gjithëve. Ky është një shembull shumë i mirë për hapat e mëtejshëm që do të ndërmarrim për të qenë edhe më shumë efektiv për të luftuar krimin e organizuar, këtu në Shqipëri dhe në Mbretërinë e Bashkuar
5 komente në “Shqipëria dhe Britania firmosin marrëveshjen për përmirësimin e drejtësisë penale”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Fal punes se mire tani nderkombetaret na mbeshtesin ne luften me krimin.
Memorandum i miremenduar per mendimin tim. Nga informacioni per grupet kriminale fillon cdo gje perpjekje per ta luftuar. Bravo
Bashkepunime te tilla tregojn edhe njeher rendesin e reformave te ndermara dhe mbeshtetjen e vendeve te huaja.
Perpjekje te tilla nuk jane gje tjeter vecse vazhdimi i nje lufte te nisur kunder krimit te organizuar
Tani nuk do ket me Balilra qe levizin sa nga nje vend ne nje vend tjeter