Te fundit
Trump bën deklaratën e fortë: Gjermania është e kontrolluar plotësisht nga Rusia
11 Korrik 2018, 11:24Bota
TEMA
Presidenti amerikan, Donald Trump e ka nisur me tone të ashpra samitin dy-ditor të NATO-s në Bruksel, duke kritikuar Gjermaninë për marrëveshje në vlerë të “miliarda dollarëve” me Rusinë rreth tubacioneve të gazit natyror, teksa pret që Shtetet e Bashkuara “ta mbrojnë atë kundër Rusisë”.
Duke folur në mëngjes, kur u takua me Sekretarin e Përgjithshëm të NATO-s, Jens Stoltenberg, Trump tha:
“Ne jemi duke mbrojtur Gjermaninë. Ne jemi duke mbrojtur Francën.
Jemi duke mbrojtur secilin. Kjo është e padrejtë ndaj shtetit tonë.
Është e padrejtë ndaj taksapaguesve tanë”, raporton rel.
Trump ka thënë se Gjermania është “e kontrolluar plotësisht nga Rusia” për shkak të varësisë së gazit natyror dhe marrëveshjes për tubacione të gazit me Moskën.
Samiti pritet të jetë një nga mbledhjet më të vështira të aleancës në disa vjet, pasi Trump vazhdon të bëjë presion te aleatët për të rritur shpenzimet në mbrojtje.
Trump ka kritkuar vazhdimisht anëtarët e aleancës për nivelet e tyre të shpenzimeve edhe para nisjes së takimit. (TemA)
1 komente në “Trump bën deklaratën e fortë: Gjermania është e kontrolluar plotësisht nga Rusia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky e beri lemsh boten,hera e pare ne historine moderne qe Shba jane ne konflikt me Europen, per mos folur per kritikat ndaj NATO apo per taksat e fundit prodhimeve perendimore dhe Kanadase, duke harruar qe te tjeret do marrin kundermasat e tyre…ne kete menyre vetem frenohet ngritja e ekonomise boterore…..trap