Te fundit
Andi Bushati: Nuk luftohet Rama, pa goditur biznesmenët e tij
12 Korrik 2018, 18:36Blog
TEMA
Nga Andi Bushati
Nga selia e Partisë Demokratike është siluruar edhe njëherë me forcë lidhja okulte mes kryeministrit të vendit dhe kompanisë së cilës ai i ka dhënë pa garë dhe pa tender të drejtën e shembjes së Teatrit Kombëtar dhe lulëzimin mbi atë truall të një biznesi që e kalon fitimin prej 200 milionë eurosh.
Është e vështirë të vendosësh duart në zjarr për të gjitha ato që pretendon PD-ja, pra se ky biznes është vazhdë e rikonstruksionit të zyrave të kryeministrisë, e ndërtimit të vilës së Surrelit, e rreth 80 milionë eurove para publike për kompaninë etj.
Eshtë po ashtu e pamundur të bësh një lidhje direkte mes akuzës aq shumë të përhapur, se paratë e drogës po investohen në lejet e ndërtimit të Ramës, duke u nisur nga fakti se një pjestar i familjes Fusha, qenkësh një trafikant i njohur ndërkombëtarisht.
Megjithëatë, ka mjaft elementë që flasin për një mardhënie jo normale mes një biznesmeni dhe një politikani që praktikisht vendos për gjithçka.
Fakti se u shpik një ligj special për të rrëmbyer një të drejtë të këshillit bashkiak të Tiranës (ku PS nuk i ka votat) tregon shumë. Po aq tregon edhe e dhëna tjetër, se pasi Fusha u bë pronar, çmimi i tokës publike u përgjysmua me vendim të Këshillit të Ministrave (vetëm kaq do të mjaftonte që një prokurori e pas reformës në drejtësi të fillonte hetimin). Edhe më e rëndë është akuza se kjo tokë publike po i ofrohet pa asnjë lloj konkurence një kompanie private.
Pra, mjaftojnë këto të dhëna që të gjithë ata që nuk janë të kapur nga qeveria dhe nga oligarkët rreth saj të thërrasin skandal.
PD-ja po e bën këtë dhe të njëjtën rrugë po ndjekin edhe kritikët e Rilindjes të pa rreshtuar politikisht.
Por, me sa duket, tani kemi mbërritur në një fazë kur e gjithë kjo është e pamjaftueshme. Kur fokusimi në një skandal të vetëm, qoftë ky shembja e teatrit, stadiumi me kullë, koncesionet në shëndetësi, lejet e ndërtimit apo ngritja e inceneratorëve, nuk ka më vlerë.
Tani problemet nuk janë episodike, por politike.
Strategjia e Edi Ramës është që t’a sundojë këtë vend me maksimumi 10 -15 oligarkë. T’i bëjë ata zotër të të gjitha pasurive të Shqipërisë, t’i përdorë ata për projektet e veta, sa delirante po aq dhe kleptokratike dhe sa herë t’i duhet t’a shfrytëzojë cash-in që i ka dhuruar atyre, për të blerë zgjedhjet, për të korruptuar mediat, për të futur në xhep drejtësinë dhe në ndonjë rast më minor, për të shndërruar në lolo ish aktorë të rrevoltuar.
Natyrisht, kjo lloj strategjie nuk lejon rrugë tjetër veçse një kundërpërgjigje në nivelin dhe përmasat e saj. Rama nuk mund të shihet më si e keqja e vetme duke e ndarë nga biznesmenët që realizojnë qëllimet e tij. Ai duhet të kundërshtohet në bllok, bashkë me ata 10-15 vetë, që po i zhysin duart në të njëjtin llum.
Në këtë kuptim, sado e guximshme të duket, linja denoncuese e opozitës për lidhjen okulte Rama- Fusha, është e pamjaftueshme. PD-ja duhet të gjejë forcën të godasë bashkëpuntorët e Ramës që kanë qenë më parë edhe financues të saj. Lulzim Basha duhet të ketë kurajon të ngrejë sytë e përmbysur dhe t’i vërë gishtin emrave me të cilët kryeministri e sfidoi në sallën e parlamentit.
Në këtë kuptim edhe ne gazetarët duhet t’i japim fund paktit të heshtur për të shigjetuar shefin e qvererisë duke falur sejmenët e tij, që financojnë me anë të reklamave mediat tona.
Në këtë kuptim edhe aktivistët e e OJF-ve pro biznesit duhet ti japin fund teatrit me titull: “sipërmarësit nuk preken”.
Të gjitha këto mund të kenë qenë të vlefshme deri më tani. Por në situatën e re, kur kryeministri ka vendosur ta sundojë vendin me një grusht oligarkësh, gjithçka ka ndryshuar.
Në shoqërinë e sotme, kontradikta kryesore nuk është më ajo mes bijëve të ballistëve dhe atyre të komunistëve, as ajo mes liberalëve dhe konservatorëve, as ajo mes çeçenëve dhe labëve.
Në qorsokakun ku Edi Rama e ka futur vendin, lufta e vërtetë është ajo mes atyre pak njerzve që stërpasurohen çdo ditë e më shumë, në kurriz të atyre që vidhen gjithnjë e më tepër. Në këtë fazë të re, beteja është mes pak milionerëve të krijuar pandërshmërisht dhe të grabiturve padrejtësisht.
Dhe pa e parë opozitarizmin me Edi Ramën në këtë optikë, çdo përpjekje tjetër do të jetë e kotë. Me aleatët e tij, që falë pushtetit të parasë, janë në gjendje të shkretojnë gjithçka, ai do të bëhet i përjetshëm. Ai, ose bie bashkë Fushën, ose do ta shndërojë këtë vend në një fushë të pamatë për harbimin e tij pervers.
13 komente në “Andi Bushati: Nuk luftohet Rama, pa goditur biznesmenët e tij”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Ky pleh,nga ai që s’i duhet as dreqit,nuk le rast pa sulmuar Ramën në çdo shkrim të tij. Ai ka një urrejtje pamasë ndaj tij, jo si qëllim i çdo gazetari të shkruaje një të vertet apo të denoncoje një fakt…jo ai haleja çfrynê një mllef. Dhe gjykatat tona dihen…kanë hallin e kokës tyre të shpêtojnë nga vetingu,jo të merren me “denoncimet” që bênë ky palo gazetar,pasi nuk ka dalë akoma ndonjëri që tja thyeje hundët publikisht. ( Mua as ma ndjen për Ramën,partinë e tij, thjesht më irritojnë shkrimet e tij prej “kompetenti” qê vetëm vjell m….t nga goja dhe mendja e tij prej psikopati..,
Sakte…ky e urren Ramen sepse Rama ishte kunfer gjyshit te ketij, kunder Hysniut dhe gjithe komunisteve.
Edi Rama ishte kunder te gjithe komunisteve?!Edi Rama,ne kartolinen derguar per
urimin e Vitit t e ri 1983,Spiro Kolekes,shkruan;”Të rrojë partia dhe xhaxhi Enver”.
Kush perkrah Edi Ramen,eshte i detyruar te genjeje,ndryshe nuk mbrohet dot,
aq i madh eshte zullumi i tij.
Ky shkruan si KOMUNIST.
“Rama nuk mund të shihet më si e keqja e vetme duke e ndarë nga biznesmenët që realizojnë qëllimet e tij”?
Kush biznesmen ndertimi nuk do ta pranonte nje oferte nga vete Kryeministri?!Para nje Jave,tre biznesmene
ndertimi rane viktima te mashtruesit Klodian Ciruna,duke i dhene 1 milion Euro ne shkembim te nje leje ndertimi.
Ky fakt tregon,se si funksionon akoma biznesi i ndertimit.1 Milion Euro per nje leje ndertimi ne Shqiperi!!!Dhe ti
thua fajtor jan edhe biznesmenet!Qe eshte akoma kjo situate aq larte korrupsioni,jan fajtore vetem politikanet,
dhe sidomos Kryeministrat qe posedojn pushtet absolut,per gjithshka.Prandaj,Rama eshte e keqja e vetme,dhe
nese do rreshtoje fajtore mbas tij,do te ishin gjithashtu vetem politikane.Nese Edi Rama urdheron qe te mos
shembet Teatri,Kumbaro dhe Veliaj ndryshojn mendim ne moment,ashtu si edhe te gjith megafonat e medias
se tij,ndersa biznesmeni Fusha nuk do te guxonte te thoshte edhe nje fjale te vetme.
@ Zigur
Fusha nuk do te fliste, vetem ne rast se nuk ka dhene ndonje kapar per ligjin e teatrit.
Dihet qe hajdutet e pushtetit i marrin parate qe ne fillim..
Ke te drejte,por,vetem nese do te ishte tenderi i pare qe merr Fusha nga Rama,por ky eshte
tenderi 128-te!Edhe nese ka marre kapar Rama,Fusha nuk do ta hapte kurre gojen,sepse nuk
eshte i humbur,sado i madh te kete qene kapari.Humbja llogaritet ne total,dhe jo me nje rast.
Qe te gjith Kryetaret e Bashkive,pa perjashtim,kan marre xhoken e vet per nje leje ndertimi;-
kush eshte ai qe ka treguar hapur,ne media?Kur nuk kan byth te hapin gojen me Kryetaret
e Bashkive,per Kryeministrin as mos e ço ndermend.
.
Ke te drejte,por,vetem nese do te ishte tenderi i pare qe merr Fusha nga Rama,por ky eshte
tenderi 128-te!Edhe nese ka marre kapar Rama,Fusha nuk do ta hapte kurre gojen,sepse nuk
eshte i humbur,sado i madh te kete qene kapari.Humbja llogaritet ne total,dhe jo me nje rast.
Qe te gjith Kryetaret e Bashkive,pa perjashtim,kan marre xhoken e vet per nje leje ndertimi;-
kush eshte ai qe ka treguar hapur,ne media?Kur nuk kan byth te hapin gojen me Kryetaret
e Bashkive,per Kryeministrin as mos e ço ndermend.
I sakte, pa i hequr asnje presje. Ndoshta do shtoja, po lidhjet okulte te Rames me pronaret e medias. Ty nuk te mungon kurajoja z. Bushati.
Dhe kete po na e thote nipi i Hysni Kapos?!?!?! Na mbyten plehrat.
Bravo Andi.
Eshte Hera e pare ne 27 vjet qe mafia ka hypur ne pushtet, sidomos mafia ndertimit. Jo se ska pasur mafies por asnje here kaq hapur.
Tani mafia eshte aq e forte sa ben dhe ligje speciale ne interesin e vet duke vjedhin pronen e shtetit hapur ne mes te parlamentit me dhunen e kartonave.
.
Ke te drejte,por,vetem nese do te ishte tenderi i pare qe merr Fusha nga Rama,por ky eshte
tenderi 128-te!Edhe nese ka marre kapar Rama,Fusha nuk do ta hapte kurre gojen,sepse nuk
eshte i humbur,sado i madh te kete qene kapari.Humbja llogaritet ne total,dhe jo me nje rast.
Qe te gjith Kryetaret e Bashkive,pa perjashtim,kan marre xhoken e vet per nje leje ndertimi;-
kush eshte ai qe ka treguar hapur,ne media?Kur nuk kan byth te hapin gojen me Kryetaret
e Bashkive,per Kryeministrin as mos e ço ndermend.
Nëse nuk e ke kuptuar akoma, nuk e godet njeri kapitalin në kapitalizëm. Proçesi i forcimit të institucioneve dhe kulturës sonë demokratike është i gjatë dhe kompleks dhe nuk është e thënë se do të funksionojë. Kjo lloj injorance dhe xhungle ka këtë lloj kapitalizmi. Kapitali nuk ka erë, por është limfa e kapitalizmit. Për çdo qeveri të kohës sonë, në mungesë të industrisë dhe prodhimit, paret e drogës dhe kriminalitetit janë një mundësi e artë në krahasim me borxhet.
Të jemi të sinqertë, Shqipëria do të ishte pushtuar dhe zhdukur nga faqja e dheut, me gjithë trafikun e drogës dhe kriminalitetit që eksporton, por u tolerua qëllimshëm nga aleatët Perëndimor, që kanë tregun e konsumit.
Ndofta një frazë e kryeministrit Jugosllav gjatë embargo së naftës, do ta ndihmonte gazetarin të kishte ide më të qarta;
“Amerika me anë të embargos, nuk donte të na linte të vdisnin për naftë, por të na bënte ta paguanim aq shtrenjtë tek shqiptarët, duke na poshtëruar dhe duke pasuruar aleatët e tyre me lekët e të tjerëve.”
Gazetari më duket shumë dogmatik, mediokër, moralist dhe jo shumë i zgjuar për të ofruar një opinion brilant.