Te fundit
Top me dorë në zonë? Jo më penallti
19 Korrik 2018, 16:50Sport
TEMA
Penalltia e akorduar në favor të Francës në finalen e Botërorit me Kroacinë pas prekjes së topit me dorë të Perisiç ka bërë që të shpërthejnë shumë polemika, të cilat duket se po vazhdojnë ende.
Ish-arbitri gjerman Thorsten Kinhofer ka bërë një propozim kurioz për fashitjen e polemikave për episode si ajo e Perisiçit në finalen e 15 korrikut.
Sipas tij, topi i prekur me dorë në zonë nuk duhet të sansksionohet me penallti, por me goditje dënimi pranë pikës ku ka ndodhur episodi. Ai shtoi se 11-metërshi të akordohet vetëm në rastet kur ka prekje të topit me dorë mbi vijën e portës.
“Një zgjidhje e tillë do të hiqte presionin mbi arbitrin dhe ndëshkimi nuk do të ishte kaq i rëndë”, tha Kinhofer për të përditshmen gjermane “Bild”. Ai e bëri këtë propozim duke u bazuar edhe te normativat e hendbollit, shkruan “TCH”.
Kinhofer në karrierën e tij ka gjykuar 213 ndeshje të Bundesligës në periudhën 2001-2015 dhe ka qenë arbitër i FIFA-s në 2006-2013, kohë kur ka gjykuar 28 ndeshje ndërkombëtare për klube dhe përfaqësuese.
1 komente në “Top me dorë në zonë? Jo më penallti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thoini atij artan hoxhes qe bredh nga nje studio ne tjetren se ai merr vesh nga te gjitha.lerjani atij ta vendos.
Ose artur zhelles, arjan qanit. Ose ose blendi fevzi kaqurrelit