Te fundit
Përgjaken rrugët e Shqipërisë: Janar-qershor 98 të vdekur nga aksidentët rrugore, shumica të rinj
23 Korrik 2018, 16:32Kronika
TEMA
Aksidentet rrugore vijojnë të jenë një ndër shkaktarët kryesor të vdekjeve në Shqipëri.
Sipas të dhënave të INSTATnë muajin Qershor 2018, numri i të vdekurve nga aksidentet rrugore është 20 persona nga 12 që ishte një vit më parë. Në gjashtëmujorin e parë 2018, numri i të vdekurve nga aksidentet rrugore ëshë 98 nga 105 që ishte në të njëjtën periudhë të një viti më parë.
Në muajin Qershor 2018 numërohen 142 aksidente rrugore nga 185 aksidente të ndodhura në Qershor 2017, duke u ulur me 23,2 % krahasuar me të njëjtën periudhë të një viti më parë.
Në Qershor 2018, numri i të aksidentuarve është 217 persona nga 245 që ishte një vit më parë, duke u ulur 11,4 %. Numri i të aksidentuarve në gjashtëmujorin e parë 2018, është 1.066 duke ulur 11,5 %, krahasuar me të njëjtën periudhë të një viti më parë.
Në Qershor 2018, aksidentet rrugore, në 79,6 % të rasteve, kanë ndodhur si pasojë e sjelljes së drejtuesit të mjetit.
Numri më i lartë i aksidenteve në këtë periudhë është kryer nga grup mosha 25 – 35 vjeç duke zëne 26,1 % të numrit të aksidenteve gjithsej. Aksidentet në këtë grup moshë janë ulur me 14,0 % krahasuar me të njëjtën periudhë të një viti më parë. Në gjashtëmujorin e parë 2018, aksidentet rrugore, në 19,7 % të rasteve, kanë ndodhur si pasojë e sjelljes së këmbësorit. Gjatë kësaj periudhe numri i aksidenteve sipas sjelljes së këmbësorit është ulur 12,7 % krahasuar me të njëjtën periudhë të një viti më parë.
Fokusimi i politikës së qeverisëse për të rritjen e sigurisë rrugore me qëllim uljen e aksidenteve në rrugë me 40% (viti referencë 2009) deri më 2020, duket se nuk po funksionon.
Në një analizë më të hershme të Bankës Botërore thuhet se shkaku kryesor i aksidenteve është planifikimi i rrugëve, duke përfshirë dhe rastet kur për shkak të planifikimit përzihen përdoruesit vulnerabël të rrugës në trafik (për shembull, për shkak të mungesës së kryqëzimeve apo trotuareve).
Në bazë të këtij konkluzioni, qeveria shqiptare dhe Banka Botërore kanë nënshkruar marrëveshjen e huas prej 65.9 milionë eurosh, shumë e cila do të shkojë me qëllim mirëmbajtjen dhe sigurinë në rrugë, që parashikon ruajtjen e aseteve rrugore, për të siguruar investimin e madh të qeverisë shqiptare në rreth 1400 km rrugë që do të mirëmbahen me një standard të ri.
Kjo hua është pjesë e një projekti që bashkëfinancohet edhe nga qeveria shqiptare me një vlerë prej 41.2 milionë euro. Projekti do të zbatohet nga Ministria e Transportit dhe infrastrukturës nëpërmjet Autoritetit Rrugor Shqiptar dhe parashikohet të përfundojë më 31 Dhjetor 2021).
Ky projekt ka nisur nga zbatimi që në vitin 2016, por nuk po jep efekte në uljen e aksidenteve në rrugë. Edhe pse fondet për sigurinë rrugore po vijnë me rritje, aksidentet në rrugë po vijnë në trend rritje gjithashtu.(monitor)
5 komente në “Përgjaken rrugët e Shqipërisë: Janar-qershor 98 të vdekur nga aksidentët rrugore, shumica të rinj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po mire Monitor qe eshte reviste gjobvenese, dhe qe zoteroeht nga nje nga miqte me te vjeter dhe me besnikt te Berishes, por ju te Temes nuk i kontrolloni cfare botoni.
Artikulli pasi e ka mbushur artikullin me krahasime 6 mujor 2017 – 6 mujor 2018, dhe ku ne cdo krahasim gjendja del ne permiresim, i fut nje konkluzion ne fund: AKSIDENTET NE RRUGE PO VIJNE NE TREND RRITJE.
Gazetari bjeri ti bijme
Mos I shani policet por falenderojini kur ndalojne dhe gjobisin per shpejtesi , rrip dhe alcohol
Ecin me shpejtësi për të kursyer karburantin.
Shqipetaretnnuk kane culture ne te ecurin me makine,deri dje me karoca dhe buaj dhe qere,gomere shumicen e rasteve
Sot me makina qe po vrasin veten Le te vazhdojne se mire e kane
Mendje medhejne edhe ne ruge kur ngasin makinen
Me vjen keq se vriten te pafajshem nga rrugacet dhe pianecet ne timon.cdo tejkalim mbi 20 %e shpejtesise duhet te cilesohet tentative vrasjeve. Jo veiem me heqje patente