Te fundit
Ministri i Jashtëm gjerman Haiko Maas: Shqipëria si impresionuese dhe shembull për rajonin sa i takon reformës në drejtësi
30 Korrik 2018, 18:14Politika
TEMA
Ministri për Evropën dhe Punët e Jashtme, Ditmir Bushati ndodhet në Gjermani ku zhvilloi një takim me Ministrin e Jashtëm gjerman Haiko Maas.
Ministrat diskutuan mbi marrëdhëniet e shkëlqyera mes dy vendeve dhe kontributin e madh që Gjermania ka dhënë për Shqipërinë dhe perspektivën e saj të integrimit në Bashkimin Evropian.
Në këtë kuadër u ra dakord që axhenda të vijojë me intensitet të plotë.
Ministri Bushati falënderoi Gjermaninë për qëndrimin e qartë për sa i takon vendimmarrjes së fundit të BE-së. “Rruga jonë është e qartë për sa i përket 2019-s dhe 12 muajt e ardhshëm do t’i shfrytëzojmë maksimalisht duke punuar ngushtësisht me Komisionin Evropian për procesin “screening”, nënvizoi Bushati.
Ministri Maas nënvizoi se Shqipëria është një partner i rëndësishëm dhe spirancë stabiliteti. Duke vlerësuar reformat e ndërmarra nga Shqipëria si impresionuese dhe shembull për rajonin sa i takon reformës në drejtësi, ai shtoi se “Është vendimtare që kjo rrugë të vazhdojë”, ndërsa u bëri thirrje aktorëve politik në vend të mbështesin këto reforma të rëndësishme për vitin 2019.
Ministri Maas shprehu bindjen se integrimi i Ballkanit Perëndimor në Bashkimin Evropian është në interesin e kësaj të fundit për të shmangur shtrirjen e ndikimit të forcave të treta në rajon.
Të dy ministrat u ndalën dhe tek siguria dhe klima me të cilin përballet Ballkani Perëndimor dhe roli i Shqipërisë si faktor paqeje dhe stabiliteti.
Për ministrin Bushati, klima e sigurisë në rajon do të vijë vetëm duke u përmirësuar për sa kohë që perspektiva evropiane e rajonit është e qartë dhe konkretizohet nga instrumente dhe veprime konkrete.
Ministrat Bushati dhe Maas u ndalën dhe tek bashkëpunimi në kuadër të OSBE-së si dhe për shkollën e magjistraturës.
1 komente në “Ministri i Jashtëm gjerman Haiko Maas: Shqipëria si impresionuese dhe shembull për rajonin sa i takon reformës në drejtësi”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Prisni o Gjermane,sa te shohim cilet do emerojne ne vend te ketyre qe po hikin.Akoma nuk i njihni keta hajdute shejtane ju.Jane hajdutet e popullit me te varfer ne Europe,e kuptoni apo jo.