Te fundit
Itali, mosbindje civile për të mos paguar tarifën për autostradat
20 Gusht 2018, 09:10Politika
TEMA
Themeluesi i Lëvizjes 5 Yjet, Beppe Grillo, propozon që autostradat në Itali të jenë pa pagesë.
Pas tragjedisë së Xhenovës, qyteti i tij i lindjes, Grillo ka bërë thirrje për një fushatë mosbindjeje civile, në të cilën ai do të jetë në rreshtin e parë.
Objektivi është që lëvizja nëpër autostradat e vendit të bëhet pa pagesë, siç ndodh në shumë vende të Bashkimit Europian.
“Ne, baballarët dhe gjyshërit tanë i kemi paguar autostradat. Kostoja e tyre është amortizuar prej vitesh. Në Britaninë e Madhe dhe në Gjermani, autostradat janë falas.
Në këto vende, në mënyrë legjitime, qytetarët i përdorin pa i paguar dy herë. I kanë financuar sërish, sepse janë të tyret tashmë.
Në Itali, autostradat u janë dhuruar koncesionarëve si “Benetton”, që fitojnë miliarda euro pa asnjë risk dhe pa investime kapitale”, shkruan Grillo në blogun e tij.
Në fakt, çështja e tarifave të autostradave që paguhen nga qytetarët dhe shkojnë në xhepat e koncesionarëve është ngritur dhjetë vjet më parë nga professor Giorgio Ragazzi, në librin e tij “Zotërinjtë e autostradave”.
Grillo risjell një intervistë të disa viteve më parë, ku Raggazi shpjegon mekanizmin financiar me të cilin u ndërtuan autostradat italiane në vitet ’60-’70, rimbursimin e kapitalit fillestar dhe nevojën e lindur në fund të viteve ’90 që të hiqeshin tarifat e autostradave ose kalimi i fitimeve te shteti.
“Nuk kemi paguar taksa për dekada me rëdhë për të pasuruar “Benetton”-in dhe ortakët e tij. Për autostradat e reja, diskutimi është tjetër. Kush do koncesion, të paguajë nga paratë e veta”, thotë Grillo.
Tragjedia e ndodhur pak ditë më parë në Xhenova nxori në pah mangësitë e autostradave italiane.
Rrjeti rrugor i ndërtuar që në vitet ’60 dhe i pamirëmbajtur në krahasim me të ardhurat e mbledhura nga taksa e përdoruesve, sipas ekspertëve paraqet rrezikshmëri në 60% të tij.
Qeveria italiane ka nisur procedurat për heqjen e revokimin e koncesionit kompanisë “Autostrade per l’Italia”, e cila në lidhje me ngjarjen e Xhenovës do të gjobitet me një vlerë prej 150 milionë euro.
Pak ditë më parë, shembja e urës Morandi, pjesë e autostradës A10, në Xhenova, u mori jetën 43 personave dhe la të plagosur 15 të tjerë, 8 prej të cilëve në gjendje të rëndë.(TemA TV)
4 komente në “Itali, mosbindje civile për të mos paguar tarifën për autostradat”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Filloj prap nga “popularizmi ” ky sharlatani …….
para thirrjeve per mosbindje,piper grillo te jope llogari pse beri thirrje per te penguar shesen e autostrades a10 qe do te lehtesonte kalimin ne uren morandi.te shpjegoje deklarimin per garancine 100 vjecare te ures.”ra morandi rron dhe 100 vjet te tjera,porqeveritaret duan te tallen e parate e mbledhura nga taksat tona.”keshtu behet kur politikane palaco futin hundet atje ku sduhet.
Keshtu do perfundojme dhe ne (shqipetaret). Sepse ed psikopati dhe te gjithe psikopatet para tije kane menduar vetem per oligarket dhe veten e tyre.
Nuk jua ndjen fare jo per xhepat, por as per jeten e shqipetareve.
O idiot shqiptar…
Ai thote se leket e autostrat ave ne italo jane paguar gjate gjithe ketyre viteve.
Ne shqiperi nuk eshte paguar asnje qindarke.