Adriatik Llalla nuk dorëzohet për pasurinë 1 miliardëshe, që ia kanë sekuestruar

Ish- kryeprokurori i Përgjithshëm, Adriatik Llalla ka depozituar rekurs në Gjykatën e Lartë për sekuestrimin e pasurisë së tij.

Dokumenti është depozituar nga avokati i tij Sokol Hazizaj pranë organit gjykues para disa ditësh, dhe lajmi bëhet i ditur nga vetë Gjykata e Lartë.

Në kërkesë ai kërkon heqjen e sekuestros.

Ish- kryeprokurori pretendon se bazuar në nenin 6 të Konventës Evropiane, është zhvilluar proces i parregullt ligjor.

Më 9 gusht, gjykata e Apelit e Krimeve të Rënda vendosi që pasuria e tij të vijojë të mbetet në sekuestro.

Avokati kërkon dhe njehësimin e praktikës, por nga ana tjetër burime për Top Channel, sipas gazetares Anila Hoxha thonë se Gjykata e Lartë nuk mund të shprehet për këtë çështje, pasi nuk ka trupa të mjaftueshme për këtë.

Përsa kohë në Gjykatën e Lartë kanë mbetur katër gjyqtarë që janë Xhezair Zaganjori, Edmond Islamaj, Medi Bici dhe Ardian Ddvorani , aktualisht po shqyrton çështjet emergjente.

Gjyqtarët që kanë ngelur nga vettingu janë në punë edhe gjatë verës për të shqyrtuar çështjet me afate .

Por në daten 22 gusht, Gjykata e Lartë nuk mundi të mblidhej për Kolegjin Penal, prej të cilit ka mbetur vetëm një gjyqtar që është Edmond Islamaj.

Por Islamaj më 22 gusht nuk u paraqit në punë për shkaqe familjare, dhe për këtë ishte e pamundur të shqyrtoheshin disa kërkesa penale, dhe kjo sipas gazetares Anila Hoxha për aq kohë sa vetëm ky gjyqtar mund të kërkojë gjyqtarë borxh nga gjyqtarët e lartë të mbetur për të formuar kolegjin penal.

Burimet shpjegojnë se në datën 22 gusht u mblodhën vetëm dy kolegje, administrative dhe civile, të cilat sërish u plotësuan me minimumin e tyre prej 3 anëtarësh, duke i marrë borxh nga njëra- tjetra. Aktualisht burimet e Top Channel thonë se stoku i dosjeve që presin është 26.800 çështje.

Më 9 gusht vendimi për pasurinë e Llallës, u dha nga Idriz Mulkurti, në një kohë që ish-kryeprokurori është kthyer në Shqipëri, ndërsa avokati i tij është larguar me pushime jashtë vendit.

Gjyqtari i gatshëm, të cilit i kishte rënë shorti për shqyrtimin e kësaj çështjeje, kërkoi asistencën e një avokati kryesisht, për të cilin ka qenë e vështirë të gjendet, për sa kohë shumica e avokatëve që gjenden në listën e Gjykatës së Krimeve të Rënda janë gjithashtu me pushime.

Ish-Prokurori i Përgjithshëm, Adriatik Llalla u vendos nën hetim nga Prokuroria e Krimeve të Rënda, menjëherë pas valës së akuzave që iu drejtuan atij sapo dha dorëheqjen nga sistemi i drejtësisë shqiptare.

Dorëheqja e tij solli në fakt edhe ndërprerjen e vettingut, që u bë gjithashtu shkak për të hapur një seancë dëgjimore, nëse duhej apo jo të ndërpritej vettingu, e sigurisht në këtë pikë ish-Prokurori i Përgjithshëm Llalla fitoi.

Fier, 40 efektivë të FA nisen drejt Semanit për shuarjen e vatrave të zjarrit

10:00 Kronika

Gjendet i pajetë në banesë 56-vjeçari në Korçë, dyshohet se është vrarë. Emri

08:21 Kronika

Udhëtimet pa vizë: Shmangia e taksave dhe reputacioni ndërkombëtar, si renditet pasaporta shqiptare

08:18 Kronika

Gjendet e djegur makina e nënkryetarit të bashkisë, dyshimet e para

08:08 Kronika

Kanada/ Tragjedi në familjen shqiptare, vdes në aksident kryefamiljari dhe djali. Gruaja dhe vajza janë rëndë

21:40 Kronika

Seitaj në arrest shtëpie, por hetimet për trafik droge vazhdojnë në Itali dhe Shqipëri

19:35 Kronika

Pylli i Semanit pushtohet nga flakët, në vendngjarje zjarrfikëset dhe grupet e emergjencave

13:57 Kronika

Zjarri në çerdhe, Zjarrfiksja nxjerr akt ekspertizën: Ishte i qëllimshëm, ekspertimin ia çuam prokurorisë

13:29 Kronika

VENDIMI: Gjykata e Katanias liron ‘financierin’ e Habilajve, Nezar Seiti

10:18 Kronika

Zbardhet vendimi: Prokurori Vatë Staka u konfirmua nga KPK me vlerësim minimal për aftësitë

19:25 Kronika