Merkel "vulos" qëndrimin për kufijtë në Ballkan: Jemi kundër ndryshimit

Kancelarja gjermane, Angela Merkel, ritheksoi të martën qëndrimin e saj kundër ndryshimit të kufijve aktual në Ballkan, duke theksuar se një marrëveshje e mundshme ndërmjet Kosovës dhe Serbisë për ndryshimin e kufirit mund të kishte pasoja në pjesët tjera të rajonit.

Ajo i bëri këto komente pas takimit me kryeministrin kroat Andrej Plenkoviç, i cili po ashtu tha se një ndryshim kufijsh në Kosovë mund të ketë pasoja për pjesët tjera të rajonit.

Kancelarja Merkel kishte biseduar të hënën me telefon me presidentin amerikan, Donald Trump lidhur më ketë çështje. Ajo tha të martën se “i mbështesim përpjekjet për një zgjidhje të përbashkët ndërmjet Kosovës dhe Serbisë, por e cila ka parasysh tërësinë tokësore”.

Aktualisht janë shtuar debatet rreth normalizimit të marrëdhënieve ndërmjet Kosovës dhe Serbisë, që përfshijnë idetë për ndarje tokësore të Kosovës, shkëmbim territoresh e korrigjim kufijsh dhe dallimeve në qëndrimet amerikane e gjermane rreth kësaj çështjeje.

Të premten, këshilltari për siguri Kombëtare i presidentit amerikan, Donald Trump, John Bolton, tha që se Shtetet e Bashkuara nuk do të përfshihen në idenë për shkëmbimin e territoreve, por nëse palët merren vesh, nuk do të qëndrojnë në rrugë.

Presidenti i Kosovës, Hashim Thaçi dhe ai i Serbisë, Aleksandër Vuçiç, kërkuan të dielën në një forum në Austri, mbështetjen ndërkombëtare për çfarëdo marrëveshje që arrihet në bisedimet e ndërmjetësuara nga Bashkimi Evropian, qoftë edhe nëse ajo nënkupton ndryshim kufijsh.

Presidenti i Serbisë, tashmë e ka shpallur politikë të tij synimin për ndarjen e ndërmjet serbëve dhe shqiptarëve në Kosovë. Prishtina e ka hedhur poshtë idenë e ndarjes tokësore të saj, ndërsa është përfshirë në debatet e nxitura nga ideja e presidentit të Kosovës, Hashim Thaçi për ‘korrigjimin e kufirit” që sipas tij, nënkupton bashkimin e luginës së Preshevës, një rajon me shumicë shqiptare në jug të Serbisë, me Kosovën.

Ai edhe të martën hodhi poshtë mundësinë e ndarjes së Kosovës duke mbrojtur idenë e tij për bashkimin e luginës së Preshevës.

Takimi i radhës ndërmjet dy presidentëve do të mbahet më 7 shtator.

Serbia është zotuar se nuk do të njohë pavarësinë e Kosovës që u shpall në shkurt të vitit 2008 me mbështetjen e Shteteve të Bashkuara dhe Bashkimit Evropian. Por, ajo është përshirë në një proces bisedimesh për normalizimin e marrëdhënieve me Kosovën, që është edhe kusht për integrimet evropiane të të dyja palëve.(voa)

Theresa May mesazh BE-së: Brexiti pa marrëveshje nuk nënkupton fundin e botës

15:09 Bota

ANALIZA: Dështim i paralajmëruar në Chemnitz

15:01 Bota

Venezuela do fillojë të shesë certifikata prej ari, presidenti: Kemi gjetur formulën si të shkojmë përpara

14:31 Bota

Donald Trump sulmon gjigandin "Google": Ky motor kërkimi është i trukuar

13:24 Bota

Rohani i zgjat "duart" tek Republika Islamike: Ne nuk kemi frikë nga Amerika, komploti i tyre s’do ketë sukses

13:05 Bota

Kostot ekonomike të Erdoganit

11:55 Bota

FOTOT: Nazistët vërshojnë rrugëve të Gjermanisë kundër emigrantëve: Do mbrojmë Europën

11:44 Bota

ANALIZA: "Imagjinoni sikur SHBA të ishte e varfër dhe e dobët", ngritja dhe rënia e fuqisë së butë

11:44 Bota

Rusia mban stërvitjet më të mëdha ushtarake që prej 1981

11:22 Bota

Mediat ruse: John McCain i adhuronte flakët, le të digjet në ferr tani

11:09 Bota